ფილმები, რომლებიც ცნობილმა რეჟისორებმა ვერ გადაიღეს

მსოფლიოს კინოს ისტორიაში უამრავი ისეთი ფილმი შექმნილა, რომელიც არასდროს არ კარგავს აქტუალობას. მიუხედავად მრავალი წარმატებული კინოპროექტისა, არსებობს ფილმები, რომელთა გადაღებაც იგეგმებოდა, თუმცა, სხვადასხვა მიზეზების გამო, ისინი მაყურებელმა ვერ ნახა.

სტენლი კუბრიკის „ნაპოლეონი“

1960-იანი წლების დასაწყისში სტენლი კუბრიკს სურდა, გადაეღო ფილმი ნაპოლეონ ბონაპარტზე. ნაპოლეონის როლზე მსახიობიც კი ჰყავდა შერჩეული - ოსკარ ვერნერი, მის ცოლს, ჟოზეფინას კი ოდრი ჰეპბერნი ითამაშებდა. თუმცა ფილმის გადაღება ფინანსური და ტექნიკური სირთულეების გამო ვერ მოხერხდა.

ალფრედ ჰიჩკოკის „კალეიდოსკოპი“

ჰიჩკოკი ერთ-ერთ ინტერვიუში ამბობდა, რომ მას შემდეგ, რაც მიქელანჯელო ანტონიონის Blow-Up ნახა, თავისი ყველა ნამუშევარი მოძველებულად მოეჩვენა და გადაწყვიტა, გადაეღო სკანდალური ფილმი, რომელშიც იქნებოდა ბევრი სიშიშვლე, ძალადობა და ჰომოსექსუალური სცენები. ფილმი სამი მკვლელობის ამბავს გადმოსცემდა; ჩანჩქერზე, ხომალდსა და ქარხანაში. ფილმის გადასაღებად ჰიჩკოკი $1 მილიონზე ნაკლებს ითხოვდა, თუმცა სტუდიებმა მასთან თანამშრომლობა არ ისურვეს და საცდელი მასალა, რომელიც ერთი საათის ხანგრძლივობის იყო, საბოლოოდ თაროზე შემოდეს.

სერჯო ლეონეს „ლენინგრადი: 900 დღე“

მას შემდეგ, რაც ლეონემ ფილმზე „ერთხელ ამერიკაში“ მუშაობა დაასრულა, 1984 წელს, გადაწყვიტა, გადაეღო ფილმი ჰარისონ სოლსბერის წიგნის, „900 დღე: ლენინგრადის ბლოკადას“ მიხედვით. მთავარი როლი რობერტ დენიროს უნდა ეთამაშა. ის ფილმში ამერიკელი ფოტოგრაფის როლს შეასრულებდა, რომელიც მეორე მსოფლიო ომის დროს ლენინგრადიდან თავის დაღწევას გერმანელთა ალყის გამო ვერ ახერხებს. რეჟისორი ფილმისთვის მუსიკის შექმნაზე ენიო მორიკონესთანაც შეთახმდა, თუმცა, მოულოდნელად, 1989 წელს ლეონე გულის შეტევით გარდაიცვალა. 

ლუკინო ვისკონტის „დაკარგული დროის ძიებაში“



რეჟისორი მარსელ პრუსტის ამავე სახელფოდების ნაწარმოების მიხედვით აპირებდა ფილმის გადაღებას, თუმცა დაფინანსება ვერ მოიპოვა და პროექტი ვერ შედგა.