ცნობილია, რომელ ქართულ ფილმებს აჩვენებენ მელბურნის საერთაშორისო კინოფესტივალზე

2-19 აგვისტოს ავსტრალია მელბურნის საერთაშორისო კინოფესტივალს უმასპინძლებს, სადაც ქართული ფილმები იქნება წარმოდგენილი.

კინოფესტივალზე 7 და 12 აგვისტოს აჩვენებენ ანა ურუშაძის მრავალი საერთაშორისო ჯილდოს მფლობელ ფილმს „საშიში დედა“, 9 და 17 აგვისტოს კი რატი წითელაძის მოკლემეტრაჟიანი ფილმის „სოციუმის პატიმარი“ ჩვენება გაიმართება. აღსანიშნავია, რომ „სოციუმის პატიმარი“ ევროპული კინოაკადემიის ნომინანტია. ევროპული კინოაკადემიის რიგით 31-ე დაჯილდოვების ცერემონია 15 დეკემბერს, ესპანეთის ქალაქ სევილიაში გაიმართება.

მელბურნის საერთაშორისო კინოფესტივალი, კანის და ბერლინის კინოფესტივალების მსგავსად, მსოფლიოს ერთ-ერთ უძველესი ფესტივალია, რომელიც 1952 წლიდან იმართება.