რუსული მულტფილმი „მაშა და დათვი“ პუტინის პროპაგანდად გამოცხადდა

გაზეთმა Times-მა რუსული მულტფილმი „მაშა და დათვი“ პუტინის პროპაგანდად გამოაცხადა. ბრიტანულმა გაზეთმა ფინური გამოცემის Helsingin Sanomat-ის პუბლიკაციით იხელმძღვანელა, ამ უკანასკნელმა კი ესტონელ პედაგოგთან ინტერვიუს მიხედვით დაწერა, რომ დათვი რუსეთის სიმბოლოა, ხოლო პერსონაჟის მთავარი ამოცანა ბავშვებში ქვეყნის დადებითად წარმოსახვაა.

ბრიტანულმა Times-მა ამ თემაზე ინტერვიუ უსაფრთხოების საკითხებში ბუკინგემის უნივერსიტეტის სპეციალისტს ენტონი გლისსაც ჩამოართვა.

„მაშა პერიოდულად უხეში და აუტანელი, თუმცა პრინციპულია, რომელიც საკუთარ შესაძლებლობაზე მეტის გაკეთებას ცდილობს და გადაჭარბებული არ იქნებოდა თუ მასში რაიმე პუტინისეულს დავინახავდით“, - აცხადებს პროფესორი.

მულტსერიალი „მაშა და დათვი“ რუსეთის ფარგლებს გარეთაც გახდა პოპულარული.YouTube-ს ინგლისურენოვან პორტალზე მას 4 მილიონზე მეტი ხელმომწერი ჰყავს. საერთო ჯამში კი ის 40 მილიარდზე მეტმა ადამიანმა ნახა.