ავსტრიის კანცლერი სებასტიან კურცი თანამდებობიდან გადააყენეს

ავსტრიის კანცლერ სებასტიან კურცსა და მის მთავრობას სპეციალურ საპარლამენტო სესიაზე უნდობლობა გამოუცხადეს. ამის შესახებ BBC წერს. 

გამოცემის ინფორმაციით, ახლა ჯერი ავსტრიის პრეზიდენტზეა, რომელმაც უნდა გადაწყვიტოს ვინ დაიკავებს სებასტიან კურცის პოსტს. 

ავსტრიის პრეზიდენტის მიერ დასახელებული კანდიდატი მთავრობას სავარაუდოდ სექტემბერში დაგეგმილ საპარლამენტო არჩევნებამდე უხელმძღვანელებს.

„გადაწყვეტილება არა ცალკეულ პირებს, არამედ ავსტრიის რესპუბლიკას ეხება“, - განცხადა სებასტიან კურცმა თანამდებობიდან გადაყენების შემდეგ. 

ავსტრიის ვიცეკანცლერი ჰაინც-კრისტიან შტრახე „რუსი ოლიგარქის ძმისშვილთან დაკავშირებული“ სკანდალური ვიდეოს გამო 18 მაისს თანამდებობიდან გადადგა. ფარული ვიდეოჩანაწერი გერმანულმა გამოცემამ გამოაქვეყნა, რომელშიც შტრახე პოლიტიკური მხარდაჭერის სანაცვლოდ მხარეს სამთავრობო კონტრაქტებს ჰპირდება.

32 წლის სებასტიან კურცი, რომელიც ავსტრიის „სახალხო პარტიას“ ხელმძღვანელობს, კანცლერი 2017 წლის დეკემბერში, 31 წლისა გახდა. ის მსოფლიოში მთავრობის ყველაზე ახალგაზრდა ხელმძღვანელი იყო.

კურცის პარტიამ გადადგომის წინა დღეს, ევროპარლამენტის არჩევნებში გაიმარჯვა, მიიღო რა ავსტრიულ პარტიებს შორის 34%-ზე მეტი ხმა.