ტრამპმა კოსტიუმიდან საიდუმლო დოკუმენტი ამოიღო, ჟურნალისტებმა კი ის გაშიფრეს

აშშ-ის პრეზიდენტი დონალდ ტრამპი ორი დღის განმავლობაში აცხადებდა, რომ მექსიკასთან საიმიგრაციო საკითხებთან დაკავშირებით საიდუმლო შეთანხმება გააფორმა, გარდა იმისა რის შესახებაც ცნობილი გასულ პარასკევს გახდა. თუმცა თეთრმა სახლმა ამ გასაიდუმლოებული შეთანხმების დეტალებზე კომენტირებაზე უარი განაცხადა. იმისთვის, რომ ტრამპს ამ შეთანხმებასთან დაკავშირებით სკეპტიციზმი გაეფანტა, მან ჯიბიდან გადაკეცილი ფურცელი ამოიღო და ჟურნალისტების წინაშე მისი დემონსტრირება მოახდინა.

The Washington Post-ის ფოტოგრაფმა ჯებინ ბოტსფორდმა ამ დოკუმენტს, როცა ის ხელში ტრამპს ეჭირა, ფოტო გადაუღო, რომლის დახმარებითაც გაზეთმა შეთანხმების შესახებ რაღაცების გარკვევა და ამოკითხვა შეძლო.

როგორც ფოტოს დახმარებით მეტნაკლებად გაირკვა, რომ საკითხი ეხება "უსაფრთხო მესამე ქვეყანას" (მესამე ქვეყნის მოქალაქეებისთვის ლტოლვილის სტატუსის მინიჭების შესახებ თანამშრომლობის შესახებ), რომლის თანახმადაც ცენტრალური ამერიკიდან აშშ-ში თავშესაფრის მომთხოვნი პირი განთავსებული იქნება მექსიკის ტერიტორიაზე იქამდე, სანამ აშშ მის განცხადებას განიხილავს. 

ამასთან, დოკუმენტის გაშიფვრის მიხედვით, გაირკვა, რომ მექსიკა შეეცდება დახვეწოს თავისი კანონები, რათა ძალაში შევიდეს მიღწეული შეთანხმება 45 დღის განმავლობაში.

“the Government of Mexico will take all necessary steps under domestic law to bring the agreement into force with a view to ensuring that the agreement will enter into force within 45 days.” @realDonaldTrump #Mexico agreement. Second photo flipped @washingtonpost @postpolitics pic.twitter.com/lWuJU9bpYK

— Jabin Botsford (@jabinbotsford) June 11, 2019

The Washington Post-ი კითხვის ნიშნის ქვეშ აყენებს ამ დოკუმენტის იურიდიული ძალის არსებობას, რამდენადაც გაზეთის ცნობით, აშშ-ის მხრიდან მას ხელს აწერს სახელმწიფო მდივნის მოადგილე მარიკა სტრინგა, ხოლო მექსიკის მხრიდან საგარეო საქმეთა მინისტრის მრჩეველი ალეხანდრო ალკანტარა. 

აშშ-სა და მექსიკას შორის გარკვეულ საკითხებზე შეთანხმება 8 ივნისს შედგა. კერძოდ მექსიკას ამერიკის შეერთებული შტატებისგან ტარიფების გაზრდა აღარ ემუქრება. მექსიკა გვატემალის საზღვართან დამატებით 6,000 სამხედროს განათავსებს, ასევე მიიღებს "გადამწყვეტ ზომებს" ადამიანებით კონტრაბანდის ქსელების აღმოფხვრაში. თავის მხრივ ამერიკა მზადაა თავშესაფრის მაძიებელთა განაცხადების განხილვა დააჩქაროს.