გერმანიაში მსროლელი თავდასხმას ონლაინ 35 წუთი ტრანსლირებდა. ახალი დეტალები

დამნაშავე, რომელმაც გერმანიის ქალაქ ჰალეში სროლა ატეხა, თავდასხმას 35 წუთი ტრანსლირებდა ონლაინ-სტრიმინგ Twitch-ზე. ამ დროის განმავლობაში ლაივ ვიდეოს ხუთმა ადამიანმა უყურა. ამის შესახებ სერვისის ადმინისტრაციამ განაცხადა.

ამასთან, Twitch-ის კიდევ 2200-მა მომხმარებელმა ვიდეო იქამდე ნახა, სანამ ის წაიშლებოდა. თავდასხმის ვიდეო და კადრები ასევე გავრცელდა Twitter-ში და ვიდეოჰოსტინგ Streamable-ზე. როგორც The New York Times-ი წერს, მესენჯერ Telegram-ში ვიდეო 15 ათასმა ადამიანმა ნახო.

ტრანსლაციის დროს თავდამსხმელმა თავი Anon-ად წარადგინა. ის პრეტენზიას გამოთქვამდა ფემინიზმთან და ემიგრანტებთან დაკავშირებით, ასევე თქვა, რომ "ყველა ამ პრობლემის მიზეზი ებრაელები არიან".

როგორც The Guardian-ი წერს, ჰალეში თავდასხმამდე დამნაშავმ ვებგვერდ Kohlchan-ზე განცხადება გამოაქვეყნა, რომელიც ანტისემიტურ და რასისტულ მოწოდებებს შეიცავდა. ის ამბობდა, რომ მიზანმიმართულად გადაწყვიტა იომ-კიპურის დროს (მთავარი ებრაული დღესასწაული) თავდასხმა. სინაგოგის გარდა კი სამიზნედ მეჩეთსაც განიხილავდა. გამოქვეყნებული მასალა ასევე შეიცავს იარაღისა და საბრძოლო მასალის ამსახველ ფოტოებს, რომლის გამოყენებასაც ის აპირებდა. 

9 ოქტომბერს ჰალეში სროლის შედეგად 2 ადამიანი დაიღუპა და 2 დაშავდა. ბოროტმოქმედმა ცეცხლი ქალაქის სხვადასხვა ადგილას გახსნა. კერძოდ, ერთ-ერთ რესტორანში, სინაგოგასთან და ებრაულ სასაფლაოსთან. პოლიციამ მომხდარზე 1 ადამიანი დააკავა. გერმანული Bild-ის ინფორმაციით, სინაგოგასა და რესტორანზე თავდამსხმელი 27 წლის სტეფან ბალიეტია. Spiegel-ი კი წერს, რომ ის გერმანიის მოქალაქეა და აქამდე კრიმინალთან შეხება არ ჰქონია. Spiegel-ის ინფორმაციით, თავდასხმის შემდეგ, პოლიციამ თქვა რომ მომხდარში რამდენიმე ადამიანი მონაწილეობდა, თუმცა, სავარაუდოდ, ბალიეტი მარტო მოქმედებდა. სხვა დაკავებულების შესახებ პოლიციას ცნობა არ გაუვრცელებია. 

#Germany The weapon used by the attacker in #Halle is based on a design of a SMG by P.A. Luty and is very similar to it, but has a wooden stock added which the orig. hadn't.

It could be built with just simple tools and parts from the hardware store. It is fitted light and RDS.1/ pic.twitter.com/rKfKbnYAmb

— Mick (@AnalystMick) October 9, 2019