თეთრმა სახლმა ტრამპი-ზელენსკის პირველი სატელეფონო საუბრის ტექსტი გამოაქვეყნა

თეთრმა სახლმა დონალდ ტრამპისა და უკრაინის ახალარჩეული პრეზიდენტის ვოლოდიმირ ზელენსკის პირველი სატელეფონო საუბრის ტექსტი გამოაქვეყნა. 

TWITTER POST

ეს საუბარი 21 აპრილს, იმ სატელეფონო საუბრამდე 3 თვით ადრე შედგა, რომელიც ტრამპის იმპიჩმენტის პროცედურის დაწყების მიზეზი გახდა.

imedinews-ი ამ საუბრის სრულ თარგმანს გთავაზობთ.

დონალდ ტრამპი: მინდა მოგილოცოთ არაჩვეულებრივი შედეგები და შესანიშნავი არჩევნები.

ვოლოდიმირ ზელენსკი: მოხარული ვარ თქვენი ზარით. დიდი მადლობა. მიხარია, რომ გისმენთ, მადლობა მოლოცვისთვის.

დონალდ ტრამპი: უბრალოდ დაუჯერებელი არჩევნები იყო.

ვოლოდიმირ ზელენსკი: მადლობა კიდევ ერთხელ. როგორც ხედავთ, ჩვენ ძაან შევეცადეთ. თქვენ ჩვენთვის არაჩვეულებრივი მაგალითი იყავით.

დონალდ ტრამპი: დარწმუნებული ვარ, კარგად გამოგივათ. უკრაინაში ბევრი მეგობარი მყავს, რომლებიც გიცნობენ და უყვარხართ. მე ბევრი მეგობარი მყავს უკრაინიდან, რომელიც პირდაპირ რომ  გითხრათ, თქვენს გამარჯვებაში დარწმუნებულები იყვნენ. გასაოცარია, რასაც მიაღწიეთ. ჩვენ მივაღწიეთ დაუჯერებელ პროგრესს აშშ-ში: ახლა ეკონომიკას მთელი ისტორიის განმავლობაში საუკეთესო მაჩვენებელი აქვს. მინდა მოგილოცოთ. ეჭვი არ მეპარება, რომ გადასარევი პრეზიდენტი იქნებით.

ვოლოდიმირ ზელენსკი: პირველ რიგში, კიდევ ერთხელ დიდი მადლობა მოლოცვისთვის. უკრაინა დამოუკიდებელი ქვეყანაა და ყველაფერს გავაკეთებთ თქვენი ქვეყნისთვის. თქვენ, როგორც გითხარით, ჩვენთვის შესანიშნავი მაგალითი ხართ. იმედი გვაქვს, ისეთივე წარმატებებს მივაღწევთ, როგორსაც თქვენ. თქვენ ყოველვის დარჩებით არაჩვეულებრივი მაგალითი ბევრისთვის. ასევე მინდა მოგიწვიოთ ინაუგურაციაზე, თუ მოხერხდება. მესმის, რომ ძალიან დაკავებული ხართ, თუმცა თუ შეძლებთ ჩამოვლას, ძალიან კარგი იქნება, რომ ამ დღეს ჩვენთან იქნებით.

დონალდ ტრამპი: ძალიან სასიამოვნოა. გავარკვევ, ასე რომ მითხარით, როდის იქნება, ჩვენ მინიმუმ შესანიშნავ წარმომადგენელს გამოვაგზავნით და შესაძლოა არა მხოლოდ ერთი წარმომადგენელი აშშ-დან, რომლებიც იქ იქნებიან ამ დიდ დღეს. ჩვენ მინიმუმ ძალინ, ძალინ დიდი რანგის ჩინოსანს გამოვუშვებთ, რომელიც იქ თქვენთან იქნება. ეს ნამდვილად დაუჯერებელი დღე და მიღწევაა.

ვოლოდიმირ ზელენსკი: მადლობა კიდევ ერთელ, დაველოდებით თქვენს ან მაღალი დონის დელეგაციის ვიზიტს. მაგრამ ჩვენი შესანიშნავი ქვეყნის აღწერა სიტყვებით უბრალოდ შეუძლებელია. აქ ისეთი საყვარელი, კეთილი და მეგობრული ხალხია. სიტყვებით აღწერა შეუძლებელია, ამიტომ ჯობია თქვენივე თვალებით ნახოთ. თუ შეძლებთ ჩამოსვლას, არაჩვეულებრივი იქნება. კიდევ ერთხელ გეპატიჟებით. 

დონალდ ტრამპი: გეთანხმებით თქვენს ქვეყანასთან დაკავშირებით, მოუთმენლად ველოდები. როცა კონკურს „მის სამყაროს“ ვატარებდი, ყოველთვის იყვნენ არაჩვეულებრივი ადამიანები. უკრაინა ყოველთვის კარგად იყ წარმოდგენილი. როცა თქვენ იქ მოეწყობით მინდა თეთრ სახლში მოგიწვიოთ. ბევრი რამე უნდა განვიხილოთ, ჩვენ თქვენ მხარს ყველაფერში გიჭერთ.

ვოლოდიმირ ზელენსკი: მადლობა მიწვევისთვის. ჩვენ მას ვიღებთ და მოუთმენლად ველოდებით ვიზიტს. მადლობა კიდევ ერთხელ. მთელი გუნდი და პირადად მე ველოდებით ამას. კიდევ ერთხელ მადლობა მოლოცვისთვის, თუმცა მე კვლავ ვფიქრობ, რომ ძალიან კარგი იქნებოდა, თუ ჩამოხვალთ ჩვენთან ინაუგურაციის მნიშვნელოვან დღეს. არჩევნების შედეგები უბრალოდ დაუჯერებელია და შთამბეჭდავი ჩვენთვის. არაჩვეულებრივი იქნება, თუ შეძლებთ ამ დღეს ჩვენთან იყოთ.

დონალდ ტრამპი: შესანიშნავია. ჩვენ მალე გიპასუხებთ და ყველა შემთხვევაში მალე შევხვდებით. გილოცავთ, გთხოვთ ჩემი მოკითხვა გადასცეთ უკრაინელ ხალხსა და თქვენს ოჯახს. გადაეცით, რომ საუკეთესოს ვუსურვებ.

ვოლოდიმირ ზელენსკი: მადლობა კიდევ ერთხელ. წარმატებულ ფრენას გისურვებთ (საუბრის აღწერაში წერია, რომ ტრამპი ზელენსკის საპრეზიდენტო თვითმფრინავის ბორტიდან ესაუბრა)

დონალდ ტრამპი: ყველაფერს კარგს გისურვებთ, წარმატებულ გამოსვლას გისურვებთ დღეს. მალე გნახავთ.

ვოლოდიმირ ზელენსკი: დიდი მადლობა. ჩემთვის არ იქნება მარტივი, თუმცა უკეთ ვისწავლი ინგლისურს და ინგლისურად ვისაუბრებთ, დიდი მადლობა.

დონალდ ტრამპი: მოხარული ვარ ამის მოსმენით. ძალიან კარგი. თქვენს ენაზე ვერ შევძლებდი. ძალიან შთამბეჭდავია. დიდი მადლობა.

ვოლოდიმირ ზელენსკი: დიდი მადლობა, მალე შევხვდებით.

დონალდ ტრამპი: კარგი დღე, წარმატებები!

ვოლოდიმირ ზელენსკი: ნახვამდის!

აშშ-ის წარმომადგენელთა პალატამ დონალდ ტრამპის წინააღმდეგ იმპიჩმენტის ფორმალური პროცედურა 25 სექტემბერს დაიწყო. დემოკრატებმა ივარაუდეს, რომ კორუფციასთან ბრძოლის საფარქვეშ ტრამპი უკრაინის ხელისუფლებას თავისი ოპონენტის, ჯო ბაიდენის და მისი შვილის წინააღმდეგ სისხლის სამართლებრივი დევნის დაწყებას აიძულებდა.

აშშ-ის პრეზიდენტის იმპიჩმენტის პროცედურის შესახებ უფრო ვრცლად შეგიძლიათ წაიკითხოთ ამ ბმულზე.