ჯანდაცვის მსოფლიო ორგანიზაციამ პანდემია გამოაცხადა

ჯანდაცვის მსოფლიო ორგანიზაციამ კორონავირუსთან დაკავშირებით პანდემია გამოაცხადა. „ჩვენი შეფასებით, ახალი კორონავირუსი COVID-19 შეიძლება დახასიათდეს, როგორც პანდემია“, - განაცხადა ჯანმოს ხელმძღვანელმა ტედროს ადანომ გებრეისუსმა.

„პანდემია არ არის სიტყვა, რომელიც მსუბუქად ან დაუდევრად უნდა გამოვიყენოთ. ეს სიტყვაა, რომელსაც თუ არასწორად გამოვიყენებთ, შესაძლოა არაგონივრული შიში გამოიწვიოს ან გაუმართლებელი აღქმა, რომ ბრძოლა დასრულდა. სიტუაციის, როგორც პანდემიის აღწერა არ ცვლის ჯანმოს შეფასებას კორონავირუსით გამოწვეულ საფრთხესთან დაკავშირებით. ეს არ ცვლის იმას, რასაც ჯანმო აკეთებს და იმას, რაც სახელმწიფოებმა უნდა გააკეთონ. ჩვენ არასოდეს გვინახავს კორონავირუსით გამოწვეული პანდემია და არასოდეს გვინახავს პანდემია, რომლის კონტროლი შეიძლება“, - აღნიშნა ჯანმოს დირექტორმა.

პანდემია არის ეპიდემია, ინფექციური დაავადების გავრცელება არა მხოლოდ ერთი რომელიმე ქვეყნის ტერიტორიაზე, არამედ მსოფლიოს მრავალ ქვეყნაში.

30 იანვარს ჯანდაცვის მსოფლიო ორგანიზაციამ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

მართალია თუ არა, რომ კორონავირუსმა უხანის სამეცნიერო ლაბორატორიიდან გაჟონა? ამ ბმულზე ნახეთ.