imedi /  28 სექტემბერი 2020, 10:20 / სანდო წყარო

მედიის ინფორმაციით, ანგელა მერკელმა ალექსეი ნავალნი საავადმყოფოში საიდუმლოდ მოინახულა

ანგელა მერკელი

ანგელა მერკელი

გერმანიის კანცლერმა ანგელა მერკელმა რუსი ოპოზიციონერი ალექსეი ნავალნი ბერლინის კლინიკაში საიდუმლოდ მოინახულა. ამის შესახებ გამოცემა Swissinfo გერმანულ Der Spiegel-ზე დაყრდნობით წერს.

გავრცელებული ინფორმაციით, კანცლერმა ნავალნის სოლიდარობა გამოუცხადა და მისი მოწამვლის ფაქტის ბოლომდე გამოძიების პირობა მისცა.

ალექსეი ნავალნი რუსეთის ქალაქ ტომსკში 20 აგვისტოს მოწამლეს. მოგვიანებით ის სამკურნალოდ ბერლინში გადაიყვანეს, სადაც ოფიციალურად დადასტურდა, რომ ოპოზიციონერი ნევრულ-პარალიტიკური აგენტით, „ნოვიჩოკით“ იყო მოწამლული. ის კლინიკიდან 22 სექტემბერს გაწერეს.

ყველა სიახლე

კორონავირუსი

31 ოქტომბერი 2020, 11:01

COVID19

საქართველოში კორონავირუსით კიდევ 22 ადამიანი გარდაიცვალა

გასული 24 საათის განმავლობაში საქართველოში 22 კოვიდინფიცირებული გარდაიცვალა. ინფორმაცია ვებგვერდ stopcov.ge-ზე გამოქვეყნდა.

კორონავირუსი

31 ოქტომბერი 2020, 10:59

COVID19

საქართველოში კორონავირუსის 1673 ახალი შემთხვევა გამოვლინდა, 2881 პაციენტი კი გამოჯანმრთელდა

საქართველოში კორონავირუსის 1673 ახალი შემთხვევა გამოვლინდა, გამოჯანმრთელდა 2881 პაციენტი. ამის შესახებ ინფორმაცია მთავრობის სპეციალურ ვებგვერდ stopcov.ge-ზე ცოტა ხნის წინ განახლდა.

ნათია მეზვრიშვილი

31 ოქტომბერი 2020, 10:59

COVID19

ნათია მეზვრიშვილი: გამოჯანმრთელებული ადამიანების ზრდის კუთხით ვინარჩუნებთ პოზიტიურ დინამიკას, ბოლო 24 საათში გამოჯანმრთელდა 2 881 პირი, ხოლო ჯამში გამოჯანმრთელებულთა რაოდენობა 22 691-მდე გაიზარდა

დღეის მდგომარეობით, ბოლო 24 საათის განმავლობაში გამოვლენილია ინფექციის 1 673 ახალი დადასტურებული შემთხვევა, - ამის შესახებ საქართველოს მთავრობის ადმინისტრაციის უფროსმა ნათია მეზვრიშვილმა, მთავრობის ადმინისტრაციაში გამართულ ბრიფინგზე განაცხადა. მან კორონავირუსთან დაკავშირებით უახლეს სტატისტიკურ მონაცემებსა და ბოლო 24 საათში მთავრობის მიერ გატარებული ღონისძიებების შესახებ ისაუბრა.

31 ოქტომბერი 2020, 10:55

პოლიტიკა

ზაზა ლომინაძე: ღირსეული, გონივრული და სამართლიანი არჩევანი გავაკეთე

,,ქართული ოცნება-დემოკრატიული საქართველოს“ ქუთაისის მაჟორიტარი დეპუტატობის კანდიდატმა, ზაზა ლომინაძემ უკვე გააკეთა არჩევანი, მან ხმა ქუთაისში, #14 საარჩევნო უბანზე მისცა.

თორნიკე რიჟვაძე

31 ოქტომბერი 2020, 10:53

პოლიტიკა

თორნიკე რიჟვაძე: ქართველი ხალხი კიდევ ერთ ღირსეულ გადაწყვეტილებას მიიღებს

დღეს კიდევ ერთი მნიშვნელოვანი და ისტორიული დღეა ჩვენი ქვეყნის დემოკრატიული და თავისუფალი განვითარებისათვის,- ამის შესახებ აჭარის მთავრობის თავმჯდომარე თორნიკე რიჟვაძემ ჟურნალისტებს განუცხადა. როგორც მან აღნიშნა, ხმა მისცა საქართველოს დემოკრატიულ განვითარებას. მისი თქმით, დარწმუნებულია, რომ ქართველი ხალხი კიდევ ერთ ღირსეულ გადაწყვეტილებას მიიღებს.

ირაკლი კობახიძე

31 ოქტომბერი 2020, 10:53

პოლიტიკა

ირაკლი კობახიძე: დღეს გაიმარჯვებს ქართველი ხალხის სწრაფვა პროგრესისკენ, განვითარებისკენ, დასავლეთისკენ

„ქართული ოცნების“ აღმასრულებელმა მდივანმა, ირაკლი კობახიძემ 2020 წლის საპარლამენტო არჩევნებზე საკუთარი არჩევანი უკვე გააკეთა.

თეა წულუკიანი

31 ოქტომბერი 2020, 10:49

პოლიტიკა

თეა წულუკიანი: ჩვენ ციხეში ჩავსვით მკვლელები, მათ კარგი პირობები და კვება აქვთ და იქ ჯდომას ხვალ დილიდანაც ბედნიერად გააგრძელებენ

საქართველოს იუსტიციის მინისტრმა, თეა წულუკიანმა 2020 წლის საპარლამენტო არჩევნებზე ხმა მისცა. „ჩემს უბანზე ვაზაგაშვილის ამფეთქებლის და სოპრანოზე კიოდა, მორიგი „დამკვირვებელია“ და უკვირს, ჩემი ძმა რატომ ჩასვით, თქვე ქოცებო, ციხეშიო. დაგვაცადეთ, ნახეთ, რას ვიზამთო! დიახ, ჩვენ ჩავსვით მკვლელები, მათ ციხეში კარგი პირობები და კვება აქვთ და იქ ჯდომას ხვალ დილიდანაც ბედნიერად გააგრძელებენ“, - ამის შესახებ თეა წულუკიანმა Facebook-ზე განაცხადა.

არჩილ თალაკვაძე

31 ოქტომბერი 2020, 10:41

პოლიტიკა

არჩილ თალაკვაძე: სახელმწიფოს აქვს სრული მზადყოფნა, რომ აღკვეთოს და რეაგირება მოახდინოს ნებისმიერ ფაქტზე, რომელიც ჩრდილს აყენებს დემოკრატიულ არჩევნებს

სახელმწიფოს აქვს სრული მზადყოფნა, რომ აღკვეთოს და რეაგირება მოახდინოს ნებისმიერ ისეთ ფაქტზე, რომელიც ჩრდილს აყენებს დემოკრატიულ არჩევნებს და ხელს უშლის მოქალაქეების მიერ თავისუფალი არჩევანის გაკეთებას - ამის შესახებ საქართველოს პარლამენტის თავმჯდომარემ, არჩილ თალაკვაძემ განაცხადა. მისი თქმით, იმ ინფორმაციამ, რომელიც საზოგადოებას და დამკვირვებლებს მიაწოდეს, გარკვეულწილად უზრუნველყო პროვოკაციების პრევენცია, თუმცა ჯერ საარჩევნო დღე მხოლოდ ახლა დაიწყო, დაველოდოთ დღის ბოლოს.

კახა კალაძე

31 ოქტომბერი 2020, 10:39

პოლიტიკა

კახა კალაძე: არჩევანი გავაკეთე წარმატებულ საქართველოზე, მშვიდობაზე, სტაბილურობასა და განვითარებაზე

პარტია „ქართული ოცნების“ გენერალურმა მდივანმა კახა კალძემ თავისი არჩევანი უკვე გააკეთა.ხმის მიცემის შემდგ მან მადლობა გადაუხადა მოქალაქეებს აქტიურობისთვის.

31 ოქტომბერი 2020, 10:39

პოლიტიკა

ზაალ დუგლაძე: ხმა მივეცი საქართველოს ნათელ მომავალს

ხაშური-ქარელის საარჩევნო ოლქში „ქართული ოცნების“ მაჟორიტარი დეპუტატობის კანდიდატმა საკუთარი არჩევანი უკვე დააფიქსირა. ზაალ დუგლაძემ ხმა სურამის მე-20 საარჩევნო უბანზე მისცა. „ხმა მივეცი საქართველოს ნათელ მომავალს. ჩემი არჩევანი გაკეთდა სიმშვიდის, სიკეთის, ნათელი მომავლისა და ახალგაზრდა თაობის უკეთესი ცხოვრების სასარგებლოდ. მოლოდინი არის ძალიან კარგი და შემართებითი“, - განაცხადა დუგლაძემ.

ეკატერინე ტიკარაძე

31 ოქტომბერი 2020, 10:39

პოლიტიკა

ეკატერინე ტიკარაძე: დღევანდელი არჩევნები არის ერთ-ერთი გარდამტეხი და ყველაზე მნიშვნელოვანი მოვლენა საქართველოსთვის

ჩვენი ამოცანა, პანდემიის პირობებში, იყო ის, რომ მოქალაქეებისთვის გვეთქვა: უსაფრთხოდ მიბრძანდით და გააკეთეთ თქვენი არჩევანი. ნამდვილად ეს არის ერთ-ერთი გარდამტეხი და ყველაზე მნიშვნელოვანი მოვლენა საქართველოსთვის, რომელიც ჩვენს ქვეყანას კიდევ ერთხელ წაიყვანს იმ გამარჯვების, იმ განვითარების გზაზე, რომელიც ჩვენი მოქალქეებისთვის ყველაზე მნიშვნელოვანია და ეს საშუალება ყველას უდნა ჰქონოდა, - ამის შესახებ ჯანდაცვის მინისტრმა ეკატერინე ტიკარაძემ „იმედის“ ეთერში განაცხადა. „იმისთვის, რომ არჩევანი გაკეთების საშუალება ყველას ჰქონოდა ჩვენ გავწიეთ ნამდვილად ძალიან დიდი სამუშაოც. ცესკომ ძალიან ინტენსიურად იმუშავა შრომითი უსაფრთხოების სამსახურთან, რომელიც არის ჯანდაცვის სამინისტროს დაქვემდებარებაში. ჩვენ შევისწავლეთ ყველა საარჩევნო უბანი და ყველა საარჩევნო უბანი, მოწყობილი იყო, იმ სტანდარტების დაცვით, რომელიც არის საერთაშორისო რეკომენდაციები. ამისათვის ჩვენ, რა თქმა უნდა, გავითვალისწინეთ, როგორც ფართობები, თითოეული საარჩევნო უბნის ასევე, ყველა ის მოწყობა, რომელიც ადგილზე უნდა ყოფილიყო. ეყო ეს დეზობარიერი, სადეზიმფექციო საშუალებები, ასევე განიავების საშუალებები თუნდაც ის კალმები, რომელთაც თითოეული ჩვენი მოქალაქე ადგილზე იღებს და ეს არის ერთჯერადი კალამი, რომელიც რჩება მოქალაქესთან და ასევე ის საარჩევნო ჯიხური, რომელიც დღესდღეობით აღარ არის დახურული, რადგან მოხდეს მაქსიმალური ვენტილაცია, რომ თითოეული მოქალაქე იყოს უსაფრთხოდ საკუთარი არჩევანის გაკეთების დროს“, - განაცხადა ეკატერინე ტიკარაძემ.

ეკატერინე ტიკარაძე

31 ოქტომბერი 2020, 10:33

COVID19

ეკატერინე ტიკარაძე: დიდი სამუშაო გავწიეთ, რათა საკარანტინო სივრცეებსა და თვითიზოლაციაში მყოფ მოქალაქეებს გაეკეთებინათ თავიანთი არჩევანი

22-26 ოქტომბრის პერიოდში ჩვენ მუდმივ რეჟიმში ვაწვდიდით ცესკოს იმ ადამიანთა სიებს, რომლებიც ინფიცირდებოდნენ ან თვითიზოლაციაში გადადიოდნენ. ამ სიაში მოხვდა თვითიზოლაციაში მყოფი 20 000 ადამიანი, 7 000-მდე ადამიანი, რომელიც ბინაზე მკურნალობდა, 3 000-ზე მეტი ადამიანი მკურნალობდა მაშინ საავადმყოფოში, ასევე 1 400-მდე პირი იმყოფებოდა კოვიდ-სასტუმროებში. გარდა ამისა, არ უნდა დაგვავიწყდეს ის 2 800-მდე ექიმი, რომლებიც მუდმივ რეჟიმში მუშაობენ, და მათაც აქვთ შესაძლებლობა, ადგილზე გააკეთონ არჩევანი, - ამის შესახებ ტელეკომპანია „იმედის“ ეთერში ჯანდაცვის მინისტრმა, ეკატერინე ტიკარაძემ.

არჩილ თალაკვაძე

31 ოქტომბერი 2020, 10:32

პოლიტიკა

არჩილ თალაკვაძე: ხელისუფლება უზრუნველყოფს დემოკრატიული არჩევნების ჩატარებას და მეორე მხრივ არავის მისცემს საშუალებას, თავს დაესხას ჩვენს დემოკრატიას და იმ მონაპოვარს, რასაც თავისუფალი არჩევნები ჰქვია

ხელისუფლება, ერთი მხრივ, უზრუნველყოფს თავისუფალი, დემოკრატიული არჩევნების ჩატარებას და მეორე მხრივ, არავის მისცემს საშუალებას, თავს დაესხას ჩვენს დემოკრატიას და იმ მონაპოვარს, რასაც თავისუფალი არჩევნები ჰქვია, - ამის შესახებ საქართველოს პარლამენტის თავმჯდომარემ, არჩილ თალაკვაძემ განაცხადა. მისი თქმით, „ქართული ოცნების“ მიზანია, რომ პირველივე ტურში დამაჯერებლად გაიმარჯვოს.

31 ოქტომბერი 2020, 10:28

პოლიტიკა

მარნეულში, საარჩევნო უბანზე სიტყვიერ და ფიზიკურ დაპირისპირებას ჰქონდა ადგილი

მარნეულში, დაშთაფაში 52-ე საარჩევნო უბანზე სიტყვიერ და ფიზიკურ დაპირისპირებას ჰქონდა ადგილი. როგორც დამკვირვებლები აცხადებენ, აღნიშნული დაპირისპირება „ნაციონალური მოძრაობის“ წარმომადგენლის მხრიდან გავრცელებულ არასწორ ინფორმაციას მოჰყვა.

კარლ ჰარცელი

31 ოქტომბერი 2020, 10:28

პოლიტიკა

კარლ ჰარცელი: ვიმედოვნებთ, ხმის მიცემის პროცესი იქნება თავისუფალი, არ იქნება ძალადობა, რაც ყველა პარტიის პასუხისმგებლობაა

ვიმედოვნებთ, შეძლებისდაგვარად ბევრი ადამიანი მისცემს ხმას კოვიდსიტუაციასთან დაკავშირებული ნებისმიერი რისკის გარეშე და ყველაფერი უსაფრთხოდ ჩაივლის, – ამის შესახებ საქართველოში ევროკავშირის ელჩმა, კარლ ჰარცელმა ერთ-ერთ საარჩევნო უბანთან განაცხადა, სადაც არჩევნების მიმდინარეობას გაეცნო.

31 ოქტომბერი 2020, 10:17

პოლიტიკა

გურიაში, ოზურგეთის 63-ე საარჩევნო სპეციალური უბნიდან გადასატანი ყუთები უკვე გავიდა

გურიაში, ოზურგეთის 63-ე საარჩევნო სპეციალური უბნიდან გადასატანი ყუთები უკვე გავიდა. როგორც ცესკოს წარმომადგენელი აცხადებს, ამ უბანზე სპეც სიაში შეყვანილია თვითიზოლაციაში მყოფი 47 ამომრჩეველი. ორი საარჩევნო ყუთი 20:00 საათზე დაილუქება და 21:00 საათამდე დაბრუნდება 63-ე საარჩევნო უბანზე.

არჩილ თალაკვაძე

31 ოქტომბერი 2020, 10:17

პოლიტიკა

არჩილ თალაკვაძე: „ქართული ოცნება“ არის პოლიტიკური გუნდი, რომელიც ყველაზე უკეთ მოახერხებს მომავლის მშვიდობიან უზრუნველყოფას

ჩვენი პოლიტიკური გუნდი არის ის გუნდი, რომელიც მომავალს და მომავლის მშვიდობიან პროგრესულ უზრუნველყოფას ყველაზე უკეთ მოახერხებს, - ამის შესახებ საქართველოს პარლამენტის თავმჯდომარემ, არჩილ თალაკვაძემ განაცხადა.

აქსელ ფიშერი

31 ოქტომბერი 2020, 10:13

პოლიტიკა

აქსელ ფიშერი: საქართველოში საპარლამენტო არჩევნები ტარდება, რომელმაც ქვეყანაში საპარლამენტო დემოკრატია კიდევ უფრო უნდა გაამყაროს

საქართველოში საპარლამენტო არჩევნები ტარდება, რომელმაც ქვეყანაში საპარლამენტო დემოკრატია კიდევ უფრო უნდა გაამყაროს. გასული წლების განმავლობაში წარმატებით გატარებულმა საკონსტიტუციო და საარჩევნო კანონმდებლობის რეფორმებმა ამისთვის მყარი საფუძველი შექმნა, - ამის შესახებ განცხადებაა ბუნდესტაგის დეპუტატმა აქსელ ფიშერმა Facebook-ის საშუალებით გააკეთა.

ლაშა ნაცვლიშვილი

31 ოქტომბერი 2020, 10:11

პოლიტიკა

ლაშა ნაცვლიშვილის თქმით, ყველა ავტორიტეტული სოციოლოგიური კვლევა ადასტურებს, რომ „ქართულ ოცნებას“ 55-56%-დან 63%-მდე მხარდაჭერა აქვს

ჩემი პროგნოზით, რომელიც თანხვედრაშია სოციოლოგიურ კვლევებთან, იგებს „ქართული ოცნება“, რამდენიმეს შესაძლოა დასჭირდეს მეორე ტური, - ამის შესახებ ,,ქართული ოცნების“ კონსულტანტმა საზოგადოებასთან ურთიერთობის საკითხებში, ლაშა ნაცვლიშვილმა ჟურნალისტებს განუცხადა. მისი თქმით, ყველა ავტორიტეტული სოციოლოგიური კვლევა ადასტურებს, რომ „ქართულ ოცნებას“ 55-56%-დან 63%-მდე მხარდაჭერა აქვს.

ნინო ცაციაშვილი

31 ოქტომბერი 2020, 10:11

სამართალი

ნინო ცაციაშვილი: 10:00 საათის მდგომარეობით არჩევნები მშვიდ ვითარებაში მიმდინარეობს და რამე სერიოზულ სამართალდარღვევას ადგილი არ ჰქონია

10 საათის მდგომარეობით არჩევნები შვიდ ვითარებაში მიმდინარეობს და რაიმე სერიოზულ სამართალდარღვევას ადგილი არ ჰქონია, - ამის შესახებ შინაგან საქმეთა სამინისტროში გამართულ ბრიფინგზე, მინისტრის მოადგილემ, ნინო ცაციაშვილმა განაცხადა. „უსაფრთხო საარჩევნო გარემოს უზრუნველყოფისთვის მიზნით შექმნილია პოლიციის მობილური ჯგუფები, რომლებიც დღის განმავლობაში დაიცავენ საზოგადოებრივ წესრიგს. შს სამინისტროში ასევე შექმნილია სპეციალური ჯგუფი, რომელიც კოორდინაციას უწევს რეგიონულ დანაყოფებს და უფლებამოსილების ფარგლებში ახორციელებს მონიტორინგს. ამასთან, საჭიროებისამებრ ვახდენთ საპოლიციო ძალების გადაადგილებას, რათა შევინარჩუნოთ მშვიდი გარემო, არჩევნების პერიოდში“, - განაცხადა ცაციაშვილმა.