WP: აშშ-მა რუსეთის წინააღმდეგ საიდუმლო კიბერიარაღი შექმნა

აშშ-ის ყოფილმა პრეზიდენტმა ბარაკ ობამამ ელექტრონული ზომები, 2016 წლის ამერიკულ არჩევნებში რუსების ჩარევის საპასუხოდ მიიღო. ამის შესახებ გამოცემა The Washington Post-ი წერს. 

გამოცემის ცნობით, საქმე ეხება სპეციალურ პროგრამას, რომელიც რუსეთის ფედერაციის ინფრასტრუქტურების სუსტ წერტილებს გამოავლენს და მასში ე.წ. იმპლანტებს ჩანერგავს, რომ საჭირო მომენტში შესაძლებელი გახდეს მისი მწყობრიდან გამოყვანა. 

"იმპლანტების" შექმნა ნაციონალური უსაფრთხოების სააგენტოს (NSA) დაევალა. სავარაუდოდ, მისი გამოყენება ამერიკელ ჰაკერებს უკვე შეუძლიათ, თუ რუსეთის მხრიდან მორიგი კიბერშეტევა დაფიქსირდება. 

მის გამოყენებაზე გადაწყვეტილება ამჟამინდელმა პრეზიდენტმა დონალდ ტრამპმა უნდა მიიღოს. The Washington Post-ს ცნობით, ასეთი მოთხოვნა ჯერჯერობით თეთრ სახლში არ გაგზავნილა.

აშშ-ის პოლიტიკური ისტებლიშმენტის ნაწილი, დიდწილად დემოკრატიული პარტია, რუსეთს 2016 წლის საპრეზიდენტო არჩევნებში ჩარევასა და გავლენის მოხდენის მცდელობაში ადანაშაულებს.

მარტის დასასრულს, აშშ-ის სენატში რუსი ჰაკერების აშშ-ის წინასაარჩევნო კამპანიაზე ზემოქმედების საქმეზე მოსმენა დაიწყო. სენატის კომიტეტის თავმჯდომარის მოადგილე მარკ უორენმა რუსეთის ხელისუფლება აშშ-ის საპრეზიდენტო არჩევნებში ჩარევის მცდელობაში დაადანაშაულა.