ლონდონის ცენტრში ნაპოვნი შეფუთვის გამო ჩაკეტილი ქუჩები კვლავ გახსნეს

ლონდონის პოლიციამ ქალაქის ცენტრში, Heron Tower-ის ცათამბრჯენის მიმდებარე ქუჩები კვლავ გახსნა, - ამის შესახებ პოლიციის Twitter-ის გვერდზე წერია.

„შეფუთვა არაა საეჭვოდ მიჩნეული და ყველა მიმდებარე გზა გახსნილია“ - აღნიშნულია პოსტში.

The package has been deemed non-suspicious and all surrounding roads have now been reopened.

Thank you for your patience pic.twitter.com/NU3Tb7FUh8

— City of London Police (@CityPolice) November 30, 2020

დიდი ბრიტანეთის დედაქალაქში, ცენტრალურ ლონდონში, Heron Tower-ის ცათამბრჯენთან, საეჭვო შეფუთვა იპოვეს, რის გამოც, შენობის ირგვლივ 200-მეტრიანი კორდონი შექმნეს, მიმდებარე ქუჩები საავტომობილო მოძრაობისა და ქვეითებისთვის გადაკეტეს.

ჯერჯერობით უცნობია, რა იყო შეფუთვაში, რომელიც საეჭვოდ მიიჩნიეს და რის გამოც ქუჩები ჩაკეტეს.