დონალდ ტრამპი: პუტინს ჰილარის გამარჯვება უფრო გაუხარდებოდა

აშშ-ის პრეზიდენტს მიაჩნია, რომ მისმა ქვეყანამ რუსეთთან დიალოგი უნდა გააგრძელოს, წინააღმდეგ შემთხვევაში, შესაძლებელია ბევრი პრობლემა წარმოიშვას, -ამის შესახებ დონალდ ტრამპმა ტელეკომპანია CBN-ისთვის მიცემულ ინტერვიუში განაცხადა.

ტრამპს მიაჩნია, რომ მან პუტინთან ურთიერთობები დაალაგა. „მე ვფიქრობ, რომ ჩვენ შევთანხდით. მე მიმაჩნია, რომ ეს ცუდი არ არის, არამედ კარგია. მეტიც, მე ვფიქრობ, ჩვენ ძალიან, ძალიან კარგად შევთანხდით“, - განაცხადა ტრამპმა ინტერვიუში.

ინტერვიუში ტრამპმა ჰილარი კლინტონზეც ისაუბრა და თქვა, რომ მისი გამარჯვება პუტინს უფრო გაუხარდებოდა, რადგან "რესპუბლიკელების" მიერ სამხედრო ბიუჯეტისა და ენერგორესურსების ექსპორტის გაზრდა არ შედის რუსეთის ინტერესებში.

„აშშ მსოფლიოში ყველაზე ძლიერი სახელმწიფოა და ჩვენ კიდევ უფრო ვძლიერდებით, იმიტომ რომ, მე ძლიერი, მეომარი ადამიანი ვარ. ჰილარის გამარჯვების შემთხვევაში, ჩვენი არმია განადგურდებოდა, ხოლო ელექტროენერგია იქნებოდა უფრო ძვირი. აი, სწორედ ეს არ მოსწონს პუტინს“, - ამბობს ტრამპი.

ინტერვიუს ბოლოს ტრამპმა განაცხადა, რომ ის იბრძვის ამერიკისთვის, ხოლო პუტინი რუსეთისთვის, თუმცა ისინი შესაძლებელია შეთანხდნენ, მაგალითად, სირიის საკითხზე.

ორი ქვეყნის ლიდერის მოლაპარაკება ჰამბურგში, G20 სამიტის პირველსავე დღეს გაიმართა. შეხვედრა დაგეგმილზე დიდხანს, 2 საათსა და 15 წუთს გაგრძელდა.