ბარსელონაში მომხდარ ტერაქტს მსოფლიო ლიდერები გამოეხმაურნენ

მსოფლიო ლიდერები ბარსელონაში მომხდარ ტერორისტულ აქტს გამოეხმაურნენ. აშშ-ის პრეზიდენტმა მომხდარი დაგმო და ესპანეთს დახმარება შესთავაზა.

"აშშ გმობს ბარსელონაში მომხდარ ტერაქტს და ყველაფერს გააკეთებს დასახმარებლად. იყავით მკაცრები და ძლიერები, ჩვენ გვიყვარხართ" -წერს დონალდ ტრამპი Twitter-ის საკუთარ გვერდზე.

The United States condemns the terror attack in Barcelona, Spain, and will do whatever is necessary to help. Be tough & strong, we love you!

— Donald J. Trump (@realDonaldTrump) August 17, 2017

მომხდართან დაკავშირებით ესპანეთის მეფეს მიუსამძიმრა რუსეთის პრეზიდენტმა. ვლადიმერ პუტინმა ტერორიზმის წინააღმდეგ საერთაშორისო საზოგადოების გაერთიანების აუცილებლობაზე ისაუბრა.

"მკაცრად ვგმობთ ამ საშინელ და ცინიკურ დანაშაულს, რომელიც მშვიდობიანი მოქალაქეების წინააღმდეგ იქნა ჩადენილი, მომხდარი კიდევ ერთხელ ამტკიცებს, რომ ტერორიზმის წინააღმდეგ საერთაშორისო საზოგადოების საერთო ძალისხმევაა საჭირო"- ნათქვამია ვლადიმერ პუტინის განცხადებაში.

ტერაქტი დაგმო ნატოს გენერალურმა მდივანმაც. იენს სტოლტენბერგის განცხადებით, ტერორიზმის წინააღმდეგ ყველა ერთიანია.

"ვგმობ საშინელ თავდასხმას ბარსელონაში. ჩემი ფიქრებით დაშავებულებთან ვარ. ტერორიმთან ბრძოლაში ჩვენ ერთიანი ვართ"- წერს სტოლტენბერგი.

I condemn the terrible attack in #Barcelona. My thoughts are with all those affected. We stand united in the fight against terrorism.

— Jens Stoltenberg (@jensstoltenberg) August 17, 2017

ესპანეთს სოლიდარობა გამოუცხადა ევროსაბჭოს პრეზიდენტმაც. დონალდ ტუსკმა მომხდარს "მხდლური" თავდასხმა უწოდა

"მთელი ევროპა ბარსელონასთანაა. ფიქრებით დაღუპულებთან და დაშავებულებთან ვართ"- წერს ტუსკი.

Toda Europa está con #Barcelona. Nuestros pensamientos están con las víctimas y los afectados por este cobarde atentado.

— Donald Tusk (@eucopresident) August 17, 2017

ესპანეთის მთავრობას თანაგრძნობა უცხადებს პარიზის მერიც.

"ვწუხვარ ბარსელონაში მომხდარი ტერაქტის გამო. თანაგრძნობას ვუცხადებ დაღუპულთა და დაშავებულთა ოჯახებს და ახლობლებს"- წერს ან იდალგო.

 #Barcelone et #Paris sont des villes de partage, d'amour et de tolérance. Ces valeurs sont plus fortes que ce terrorisme odieux et lâche.

— Anne Hidalgo (@Anne_Hidalgo) August 17, 2017

ტერაქტს გამოეხმაურა რუსეთის საგარეო საქმეთა სამინისტროც. 

"ვგმობთ ბარსელონაში მომხდარ ტერაქტს. დარწმუნებულები ვართ, რომ ამ ბოროტებას გამართლება არა აქვს.  თანაგრძნობას ვუცხადებთ ესპანელ ხალხს. ჩვენ თქვენთან ერთად ვგლოვობთ"- ნათქვამია უწყების Twitter-ის გვერდზე.

Решительно осуждаем теракт в #Barcelona. Уверены, этому злу нет оправдания. Передаём слова сочувствия народу Испании. Скорбим вместе с вами

— МИД России 🇷🇺 (@MID_RF) August 17, 2017

ბოლო მონაცემებით, ბარსელონაში მომხდარი ტერაქტის შედეგად სულ მცირე 13 ადამიანი დაიღუპა, 50-ე მეტი კი დაშავდა .