ტრამპი მზად არის ფხენიანის წინააღმდეგ ბირთვული იარაღი გამოიყენოს

აშშ-ის პრეზიდენტმა დონალდ ტრამპმა იაპონიის პრემიერმინისტრ სინძო აბესთან სატელეფონო საუბარში დაადასტურა მზადყოფნა, ჩრდილოეთ კორეის წინააღმდეგ ბირთვული იარაღი გამოიყენოს. ამის შესახებ სააგენტო Reuters-ი თეთრი სახლის პრესსამსახურზე დაყრდნობით წერს. 

სატელეფონო საუბრის დროს ორი ქვეყნის ლიდერებმა ფხენიანის მიერ ბირთვული ბომბის გამოცდის საკითხი განიხილეს. ტრამპმა განაცხადა, რომ ვაშინგტონი აშშ-ს და მოკავშირეებს დაიცავს და ამისთვის ყველა რესურსს გამოიყენებს, მათ შორის როგორც დიპლომატიურ, ისე ბირთვულ საშუალებებს. 

მანამდე, აშშ-ს თავდაცვის მდივანმა ჯეიმს მეტისმა განაცხადა, რომ ვაშინგტონი, აშშ-ის ან მისი მოკავშირეების ტერიტორიებისთვის საფრთხის შექმნის შემთხვევაში, ჩრდილოეთ კორეას მასშტაბურ სამხედრო პასუხს გასცემს.  

უფრო ადრე დონალდ ტრამპი საკუთარი ადმინისტრაციის წევრებთან ერთად ჩრდილოეთ კორეის ქმედებების საპასუხო სამხედრო ვარიანტებს გაეცნო. 

ოფიციალური ფხენიანის ცნობით, 3 სექტემბერს ჩრდილოეთ კორეამ წარმატებით გამოსცადა წყალბადის ბომბი, რომლის დამაგრებაც შორ მანძილზე მოქმედ რაკეტაზეა შესაძლებელი. 

გავრცელებული ინფორმაციით, სწორედ ბომბის გამოცდამ გამოიწვია ჩრდილოეთ კორეაში 6.3 მაგნიტუდის მიწისძვრა. 

სამხრეთ კორეის პარლამენტის თავდაცვის კომიტეტის თამვჯდომარე კიმ ენ უმ თქვა, რომ ჩრდილოეთ კორეის მიერ გამოცდილი წყალბადის ბომბის სიმძლავრე 100 კილოტონას შეადგენს, რაც 1000 ტონის ეკვივალენტურია და 4-5ჯერ უფრო მძლავრია, ვიდრე 1945 წელს ნაგასაკიში ჩამოგდებული ბომბი.

ფხენიანის ქმედებებთან დაკავშირებით ორშაბათს გაეროს უშიშროების სხდომა საგანგებო სხდომას გამართავს.