იენს სტოლტენბერგი: თუ პუტინი ომს მოიგებს, ეს იქნება ტრაგედია უკრაინისთვის და სახიფათო ჩვენთვის

ერთი წლის წინ პუტინი შეიჭრა უკრაინაში და ამ აგრესიული ქმედების წინააღმდეგ ნატოს წევრი ქვეყნები აკეთებდნენ განცხადებას და წინასწარ პროგნოზს ვაკეთებდით ნატოში ჩვენი არხებით არსებული ინფორმაციის თანახმად, - ამის შესახებ ნატოს გენერალურმა მდივანმა, იენს სტოლტენბერგმა განაცხადა.

„ერთი წლის წინ ვაფრთხილებდით, რომ უკან დაეხია. მაგრამ მან გადაწყვიტა აგრესიული გეგმა განეხორციელებინა. ყველაზე სასტიკი ომია ჩვენს წინაშე, მას შემდეგ რაც მეორე მსოფლიო ომი დასრულდა. მივიღეთ ბევრი გაკვეთილი ამ ომიდან. ჩვენ უნდა გავაგრძელოთ უკრაინის მხარდაჭერა, რადგან თუ პუტინი მოიგებს ომს, ეს იქნება ტრაგედია უკრაინელი ხალხისთვის, მაგრამ არამარტო, ეს იქნება სახიფათო მთელი მსოფლიოსთვის, ყველა ჩვენგანისთვის. ეს იქნება გზავნილი ყველა ავტორიტარული რეჟიმისთვის, რომ სამხედრო ძალის გამოყენებით შესაძლებელია მიზნის მიღწევა. ეს კი გახდის მსოფლიოს უფრო სახიფათოს და ჩვენ - მოწყვლადს. მე ამ კვირაში ვესაუბრე ნატოს წევრი ქვეყნების თავდაცვის მინისტრებს და მოვუწოდე მათ, რაც შეიძლება მეტი ძალისხმევა მიმართონ უკრაინისთვის სამხედრო დახმარების გასაძლიერებლად. სპეციფიკურ საკითხებზე, რაც უკავშირდება თანამედროვე იარაღს, ტანკების გადაცემას, მიმდინარეობს მოკავშირეებთან მუდმივ რეჟიმში საუბარი. ერთი წლის შემდეგ ომის დაწყებიდან, ნატოს მთავარი გზავნილია უკრაინისთვის- ჩვენ ვართ და ვიქნებით უკრაინის გვერდით მანამდე, ვიდრე ამის საჭიროება იქნება. ეს არის გზავნილი უკრაინისთვის და გზავნილი ასევე რუსეთისთვის“, - ამბობს სტოლტენბერგი.

მისივე თქმით, მოსკოვმა უნდა იცოდეს, რომ ნატო არ მისცემს პუტინს უფლებას, ომი მოიგოს.

„კიდევ ერთხელ ვიმეორებ,რომ თუ პუტინი მოიგებს, ეს ტრაგედია იქნება უკრაინისთვის და სახიფათო ჩვენთვის. ჩვენ მხარს ვუჭერთ და ვეხმარებით უკრაინას, რადგან უზრუნველვყოთ, რომ უკრაინა იყოს სუვერენული და დამოუკიდებელი სახელმწიფო, უკრაინამ მოიგოს ომი. ომი ალბათ მოლაპარაკებების მაგიდასთან დასრულდება, მაგრამ ჩვენ ვიცით, რომ, რაც ხდება მოლაპარაკებების მაგიდასთან, მთლიანად დამოკიდებულია ბრძოლის ველზე გამოვლენილ სიძლიერეზე. ერთადერთი გზა, მივაღწიოთ გრძელვადიან მშვიდობას უკრაინაში, უკავშირდება იმ იარაღს, რასაც მივაწვდით. დაკავშირებულია სამხედრო მარაგების გადაცემაზე, რათა პრეზიდენტი პუტინი მიხვდეს, რომ უნდა დაჯდეს მოლაპარაკებების მაგიდასთან, მიიღოს იმ პირობები, რომელიც უზრუნველყოფს უკრაინის ტერიტორიულ მთლიანობასა და სუვერენიტეტს“, - განაცხადა ნატოს გენმდივანმა.