იენს სტოლტენბერგი: ჩვენ ვართ შოკირებული რუსეთის მიერ წარმოებულ ომში მათი მხრიდან გამოჩენილი სისასტიკით, მაგრამ არ უნდა ვიყოთ გაკვირვებული - ეს არის რუსეთის აგრესიული ქცევის ნაწილი ბევრი წლის განმავლობაში

ჩვენ ვართ შოკირებული რუსეთის მიერ წარმოებულ ომში მათი მხრიდან გამოჩენილი სისასტიკით, მაგრამ არ უნდა ვიყოთ გაკვირვებული - ეს არის რუსეთის აგრესიული ქცევის ნაწილი ბევრი წლის განმავლობაში, - ამის შესახებ ნატოს გენერალურმა მდივანმა, იენს სტოლტენბერგმა ჟურნალისტებთან განაცხადა.

მისივე თქმით, ნატოს წევრ ქვეყნებს ჰქონდათ ზუსტი სადაზვევო ინფორმაცია მოსკოვის გეგმების, რუსეთის უკრაინაში შეჭრის თაობაზე

„რამდენიმე თვის მანძილზე არ დავაკელით მცდელობა და ძალისხმევა, რათა რუსეთს უკან დაეხია და აერჩია დიპლომატიის გზა. ომამდე რამდენიმე დღით ადრე ზუსტად მიუჰენში და ზუსტად ამ ტრიბუნიდან მე მოვუწოდე ვლადიმერ პუტინს დაეხია უკან. მშვიდობისთვის და მშვიდობისკენ მოწოდებების მიუხედავად, რუსეთის პრეზიდენტმა უკრაინაში შეჭრა და მეზობელი სახელმწიფოს წინააღმდეგ ომის დაწყება გადაწყვიტა.

უარავი გაკვეთილია, რაც ომიდან უნდა ვისწავლოთ. პირველი, გავაძლიეროთ უკრაინის მხარდაჭერა. პუტინის გეგმებში მშვიდობა არ შედის. ის გეგმავს მეტ ომს, ახალ შეტევებსა და თავდასხმებს. არ არის არანაირი ნიშანი, რომ მისი ამბიციები შეცვლილია. ის მობილიზაციას უწევს ასობით ათასს ჯარისკაცს და უკავშიდება სხვა ავტორიტარულ რეჟიმებს, როგორიცაა ირანი და ჩრდილოეთ კორეა, რათა მიიღოს უფრო მეტი იარაღი. ჩვენ უნდა მივცეთ უკრაინას იმდენი იარაღი, რაც მათ სჭირდებათ ომის მოსაგებად და შეინარჩუნონ სუვერენიტეტი და დამოუკიდებლობა. ზოგიერთი შიშობს, რომ ჩვენი მხრიდან უკრაინის დახმარება ზრდის კონფლიქტის შემდგომი ესკალაციის რისკს. მოდით, ვიყოთ ძალიან მკაფიო. ყველაზე დიდი რისკი იქნება, თუ პუტინი მოიგებს ამ ომს. თუ უკრაინაში პუტინი მოიგებს, ეს იქნება გზავნილი არამარტო პუტინისთვის, არამედ ყველა ავტორიტარული რეჟიმისთვის, რომ მათ შეუძლიათ ძალის გამოყენებით მიზნის მიღწევა. ყველაზე მართებულია უკრიანის დახმარება და ეს არის ჩვენი სტრატეგიული ინტერესი. ომი არაპროგნოზირებადია და ჩვენ არ ვიცით, თუ როდის დასრულდება საომარი მოქმედებები, მაგრამ მე კარგად ვიცი, რომ ომი ხვალვე რომ დასრულდეს, ჩვენი უსაფრთხოების გარემო შეცვლილია ათწლეულების მანძილზე. კრემლს სურლს სხვანაირი ევროპა. კრემლს სურს ისეთი ევროპა, სადაც რუსეთი კონტროლს ახორციელებს მეზობელ სახელმწიფოებზე. ჩინეთი აკვირდება პროცესებს . მათ აინტერესებთ, თუ რა ფასს გადაიხდის რუსეთი აგრესიული ქმედებების გამო. რაც დღეს ხდება ევროპაში, ის შეიძლება აზიაში ხვალ მოხდეს. უკრაინაში მიმდინარე ომი უსაფრთხოება რეგიონალური არ არის, უსაფრთხოება გლობალურია“, - განაცხადა სტოლტენბერგმა.