მასობრივი მკვლელობა ლას-ვეგასში. მთავარი

1 ოქტომბერს, საღამოს, ლას-ვეგასში ქანთრის მუსიკალურ ფესტივალზე, თავდამსხმელმა ღონისძიების მონაწილეებს განურჩეველი ცეცხლი გაუხსნა. დამნაშავე სასტუმროს და კაზინოს "მანდალაი ბეის" ნომერში, 32-ე სართულზე იყო და ფანჯრიდან ისროდა. ოფიციალურად ჯერჯერობით არაფერი თქმულა იარაღის შესახებ, თუმცა, თვითმხილველების თქმით, ის სავარაუდოდ ავტომატური იარაღიდან ისროდა.    

სროლა

კაცი, რამდენიმე წუთის განმავლობაში, ფაქტობრივად უწყვეტად ისროდა ადამიანების მიმართულებით, რომლებიც სასტუმროდან რამდენიმე ასეულ მეტრში ქანთრის ფესტივალზე Route 91 Harvest-ზე იყვნენ შეკრებილნი. ფესტივალს, რომელიც ლას-ვეგასის ერთ-ერთ ყველაზე ცნობილ ქუჩაზე მოეწყო, მთლიანობაში 30 ათასამდე ადამიანი ესწრებოდა. პირველი გასროლის შემდეგ დაიწყო პანიკა და ისიც ითქვა, თითქოს ცეცხლი რამდენიმე სხვადასხვა მხრიდან იყო გახსნილი. მაგრამ ეს ცნობა არ დადასტურდა.  
 

HORRIFIC SCENE: Do not let this be called anything else but DOMESTIC TERRORISM. AP reports 2dead 13critical & dozens injured. #MandalayBay pic.twitter.com/q7faKkCPpN

— Eduardo Samaniego (@EduSamani) October 2, 2017

მსხვერპლი

მოკლულია 50-ზე მეტი ადამიანი, 500-ზე მეტმა სხვადასხვა სახის ჭრილობა მიიღო. შემთხვევა უკვე შეფასდა, როგორც ყველაზე მასშტაბური მასობრივი მკვლელობა აშშ-ის ისტორიაში. თავდაპირველად ითქვა, რომ სროლას მხოლოდ ორი ადამიანი ემსხვერპლა, მაგრამ მალე გაირკვა, რომ დაღუპულთა რიცხვი ბევრად მეტი იყო. თავად დამნაშავემ თავი მოიკლა - ის სპეცრაზემელებმა იპოვეს, რომლებმაც მის ნომერში კარის აფეთქების შემდეგ შეაღწიეს. პედოკის ნომერში 8 ერთეული იარაღი აღმოაჩინეს. დაღუპულებს შორის - ორი პოლიციელია, რომლებიც სროლის მომენტში სამსახურეობრივ მოვალეობას არ ასრულებდნენ, არამედ კონცერტს ესწრებოდნენ. კიდევ ორი პოლიციელი დაიჭრა სამსახურეობრივი მოვალეობის შესრულების დროს.

სროლის დაწყების მომენტში, ფესტივალის სცენაზე ქანთრის შემსრულებელი ჯეისონ ელდინი გამოდიოდა. ის არ დაშავებულა, ისევე როგორც სხვა მუსიკოსები. ელდინის თქმით, ის რაც მან დაინახა საშინელებაზე უარესი იყო.
 

Harrowing video of mass shooting during @Jason_Aldean set of #Route91Harvest Festival in #LasVegas. #MandalayBay pic.twitter.com/gaXgDBbZKV

— Evan Schreiber (@SchreiberEvan) October 2, 2017

დამნაშავე 

დამნაშავის ვინაობა დადგენილია. ეს არის 64 წლის თეთრკანიანი კაცი სტივენ პედოკი, ლასვეგასელი პენსიონერი, რომელიც ქალაქის შემოგარენში ცხოვრობდა. ის არასდროს ყოფილა პოლიციის ყურადღების არეალში; საიდან ჰქონდა მას ავტომატური იარაღი, უცნობია.

პედოკმა, "მანდალაი ბეიში" ნომერი, ნევადის მცხოვრებ, აზიური წარმოშობის 62 წლის მარილუ დენლისთან ერთად იქირავა. რა ურთიერთობა ჰქონდათ მათ, ასევე უცნობია. სროლიდან რამდენიმე საათში პოლიციამ ქალი იპოვა. გარდა ამისა, ნაპოვნია კიდევ ორი ავტომობილი, რომელიც პედოკს ეკუთვნოდა.

Marilou Danley is being sought for questioning re the investigation into the active shooter incident. If seen please call 9-1-1! pic.twitter.com/Z83XvcHejH

— LVMPD (@LVMPD) October 2, 2017

დანაშაულის მიზეზები უცნობია

მკვლელს არანაირი მოთხოვნები არ წაუყენებია; არ არსებობდა ცნობა მის კავშირზე ტერორისტულ ან ექსტრემისტულ დაჯგუფებებთან. იმავდროულად, პოლიცია მას მარტოხელა-მკვლელს უწოდებდა და მასობრივი მკვლელობის ტერორიზმთან კავშირს გამორიცხავდა. თუმცა, დანაშაულიდან რამდენიმე საათში მომხდარზე პასუხისმგებლობა "ისლამურმა სახელმწიფომ" აიღო.