იენს სტოლტენბერგი ზელენსკის: თქვენი უსაფრთხოება ჩვენი უსაფრთხოებაა, თქვენი ღირებულებები ჩვენი ღირებულებებია. ჩვენ ვიდგებით უკრაინის გვერდით მანამდე, ვიდრე ჩვენი დახმარება უკრაინას დასჭირდება

პრეზიდენტო ზელენსკი, ძვირფასო ვოლოდიმირ, კეთილი იყოს თქვენი მობრძანება ნატოში. თქვენი ბრძოლა ჩვენი ბრძოლაა. თქვენი უსაფრთხოება ჩვენი უსაფრთხოებაა და თქვენი ღირებულებები ჩვენი ღირებულებებია. ჩვენ ვიდგებით უკრაინის გვერდით მანამდე ვიდრე ჩვენი დახმარება უკრაინას დასჭირდება, - ამის შესახებ ნატოს გენერალურმა მდივანმა, იენს სტოლტენბერგმა ბრიუსელში განაცხადა, სადაც ნატოს მინისტერიალი იმართება.

„დიდი პატივი და პრივილეგიაა თქვენი დაბრუნება ნატოს შტაბ-ბინაში. თქვენი ხელმძღვანელობა, უკრაინელი შეიარაღებული ძალების სიმამაცე, უკრაინელი ხალხის მტკიცე ნება მსოფლიოს შთააგონებს. ჩვენ თქვენს გვერდით ვიქნებით, მხარს ვუჭერთ და დავუჭერთ უკრაინას, რადგან ეს მართლაც მნიშვნელოვანია მთელი ნატოსთვის.

ჩვენ შევხვდებით აშშ-ს ხელმძღვანელობით უკრაინის საკონტაქტო ჯგუფის ფორმატში, სადაც მოვახდინეთ მეტი მხარდაჭერის მობილიზება, კოორდინაციას გავუწევთ სამხედრო მხარდაჭერის გაძლიერებას. ჩვენ შევხვდებით ნატო-უკრაინის საბჭოს ფორმატში, რომელიც ვილნიუსის სამიტის გადაწყვეტილებით შეიქმნა. ეს კიდევ უფრო გააძლიერებს ჩვენს ურთიერთობას და დაეხმარება უკრაინას ნატოში გაწევრიანებამდე. ასევე ვიმსჯელებთ ბალტიის ზღვაში მომხდარ ინციდენტზე და წყალქვეშა კრიტიკული მნიშვნელობის ინფრასტრუქტურაზე მიყენებულ ზიანზე.

მე გუშინ ველაპარაკე ფინეთის პრემიერს და ესტონეთის პრემიერ მინისტრს კაია კალასს. ჩვენ მჭიდრო კონტაქტი ნატოს წევრებს შორის უზრუნველყოფილია. ახლა მთავარია იმის დადგენა, თუ რა მოხდა. თუ დადასტურდება, რომ ეს არის მიზანმიმართული თავდასხმა ნატოს კრიტიკულ ინფრასტრუქტურაზე, მაშინ ეს, რა თქმა უნდა, სერიოზულია საკითხია და მოჰყვება ნატოს ერთიანი და მტკიცე პასუხი. ხვალ კი ისრაელის თავდაცვის მინისტრი გაგვაცნობს ისრაელში არსებულ ვითარებას. მოკავშირეებმა დაგმეს საზარელი ტერორისტული თავდასხმები ისრაელში უდანაშაულო მშვიდობიანი მოსახლეობის წინააღმდეგ და მოუთმენლად ველით თავდაცვის მინისტრის ინფორმაციებს.

პრეზიდენტო ზელენსკი, ძვირფასო ვოლოდიმირ, კეთილი იყოს თქვენი მობრძანება ნატოში. თქვენი ბრძოლა ჩვენი ბრძოლაა. თქვენი უსაფრთხოება ჩვენი უსაფრთხოებაა და თქვენი ღირებულებები ჩვენი ღირებულებებია. ჩვენ ვიდგებით უკრაინის გვერდით მანამდე ვიდრე ჩვენი დახმარება უკრაინას დასჭირდება. მივესალმები რუმინეთის ხელისუფლების და გერმანიის მთავრობის გადაწყვეტილებებს სამხედრო დახმარების გაზრდაზე, რადგან საჭიროება მოითხოვს დახმარების გაზრდას. საჰაერო თავდაცვის გაძლიერებას კრიტიკული მნიშვნელობა აქვს ადამიანების სიცოცხლის გადასარჩენად, ქალაქების , ინფრასტრუქტურის და ეკონომიკის დასაცავად. ახლა ვხედავთ, რომ პრეზიდენტი პუტინი კიდევ ერთხელ ემზადება გამოიყენოს ზამთარი ომში იარაღად, განახორციელოს შეტევები ენერგოსისტემებზე, ბუნებრივი აირის ინფრასტრუქტურაზე და უკრაინისთვის იარაღის მიწოდებით უნდა თავიდან ავიცოლოთ მსგავსი აგრესიული ქმედებები“, - აღნიშნა იენს სტოლტენბერგმა.

ბრიუსელში ნატოს მინისტერიალი იმართება. ალიანსის წევრი ქვეყნების თავდაცვის მინისტრები უკრაინისთვის მხარდაჭერის გაძლიერებასთან ერთად, ისრაელში განვითარებულ მოვლენებს განიხილავენ. ნატო გმობს ტერორისტულ აქტებს.