ნეთანიაჰუ ბაიდენს: მადლობას გიხდით მხარდაჭერისთვის, რომელსაც ისრაელს უცხადებთ ამ რთულ დროს - თქვენ სწორად გაავლეთ ხაზი ცივილიზაციის ძალებსა და ბარბაროსობის ძალებს შორის

ისრაელის პრემიერ-მინისტრმა ბენიამინ ნეთანიაჰუმ აშშ-ის პრეზიდენტის ჯო ბაიდენს ისრაელის მხარდაჭერისთვის მადლობა გადაუხადა და აღნიშნა, რომ თეთრი სახლის ლიდერმა სწორად გაავლო ხაზი ცივილიზაციის ძალებსა და ბარბაროსობის ძალებს შორის.

„მადლობას გიხდით აქ ჩამოსვლისთვის და მხარდაჭერისთვის, რომელსაც ისრაელს უცხადებთ ამ რთულ დროს. ეს მხარდაჭერა ასახავს ამერიკელი ხალხის უსაზღვრო ნებას. ყოველდღე ვგრძნობთ თქვენს მხარდაჭერას. ჩვენს ქვეყნებს შორის თანამშრომლობა უპრეცედენტოა. მადლობას გიხდით, რომ უზრუნველყავით ისრაელი იმ საშუალებებით, რომლებიც გვჭირდება საკუთარი თავის დასაცავად, და იმ ნათელი გზავნილისთვის, რომელიც ჩვენს მტრებს გაუგზავნეთ. მთელი მსოფლიო ხედავს მხარდაჭერას, რომელიც თქვენ აჩვენეთ ისრაელზე თავდასხმისთანავე. თქვენ სწორად გაავლეთ ხაზი ცივილიზაციის ძალებსა და ბარბაროსობის ძალებს შორის“, - განაცხადა ნეთანიაჰუმ.