აშშ-ში მაუწყებელი Sputnik-ის მედია უცხოელ აგენტად დაარეგისტირეს

აშშ-მა, Sputnik-ის პარტნიორული კომპანია და აშშ-ში მისი მაუწყებელი Reston Translator, რომელიც რადიოგადაცემების ტრანსლაციას ახორციელებს, "უცხოური აგენტის" სახელით დაარეგისტრირა. თავად Sputnik-თან მიმართებით, რომელიც არაერთ კომპანიასთან თანამშრომლობს მთელი მსოფლიოს მასშტაბით, არაფერი თქმულა.

რუსეთის სახელმწიფოს სუვერენიტეტის თავდაცვის კომისიის სენატორმა ოლეგ მოროზვმა განაცხადა, რომ  Reston Translator-ის უცხოელ აგენტან აღიარება - ეს აშშ-ში რუსულ მედიაზე დარტყმაა. მისი თქმით, რუსეთი ამ საქციელს "სარკისებური მეთოდით" უპასუხებს. 

16 ნოემბერს, გავრცელდა ინფორმაცია, რომ „რადიო თავისუფლებასა“ და „ამერიკის ხმას“ შესაძლოა რუსეთში საქმიანობა შეუზღუდონ. ამის მიზეზი   რუსეთის დუმის გადაწყვეტილება გახდა. 

სახელმწიფო სათათბირომ მხარი დაუჭირა კანონპროექტს, რომლის მიხედვითაც  უცხოური მედიასაშუალებები „უცხოეთის აგენტებად“ ცხადდებიან. შესაბამისი გაფრთხილება „რადიო თავისუფლებამ“, „ამერიკის ხმამ” და მათმა საერთო პროექტმა „ნასტაიაშეე ვრემიამ” მიიღო.

ყველაფერი კი აშშ-ში რუსული ტელოკომპანია Russia Today-ს უცხოურ აგენტან დარეგისტრირების შემდეგ დაიწყო.  რუსული ტელეკომპანიის ხელმძღვანელმა მარგარიტა სიმონიანმა ბოლო ვადის დაწესება „კანიბალისტურ ზომად“ შეაფასა. „სისხლის სამართლის საქმესა და რეგისტრაციას შორის ჩვენ ბოლო ავირჩიეთ. ვულოცავთ აშშ-ის სიტყვის თავისუფლებას და მათ, ვისაც ამის ჯერ კიდევ სჯერა“, – განაცხადა სიმონიანმა.