ილონ მასკი: აშშ-ის მთავრობაში მასშტაბურ კორუფციას USAID-ი და არასამთავრობოები უწყობდნენ ხელს

აშშ-ის მთავრობის ეფექტურობის დეპარტამენტის ხელმძღვანელის, ილონ მასკის თქმით, შეერთებული შტატების მთავრობაში მასშტაბურ კორუფციას USAID-ი და არასამთავრობოები უწყობდნენ ხელს.

მასკი არ გამორიცხა, რომ USAID-დან თაღლითური გზით თანხას რადიკალი „მემარცხენე“ „დემოკრატი“ პოლიტიკოსებიც იღებდნენ.

მასკის თქმით, არასამთავრობო ორგანიზაციები ერთ-ერთი ყველაზე დიდი თაღლითური სქემაა, რადგან ისინი ხალხის ინტერესების ნაცვლად, პოლიტიკურ დღის წესრიგს და უმეტესად, რადიკალურ მემარცხენე იდეოლოგიებს ემსახურებიან.

„მასშტაბურ კორუფციაზეა საუბარი. სქემა კი ასეთია: სამთავრობო ორგანიზაცია ამერიკელი ხალხის ფულს უგზავნის არასამთავრობო ორგანიზაციებს, რომლებიც საბოლოო ჯამში სამთავრობო ორგანიზაციები გამოდიან, თუმცა კანონს აღარ ექვემდებარებიან. ეს არასამთავრობოები კი მსოფლიოს სხვადასხვა ქვეყანაში სხვა არასამთავრობოებს აფინანსებენ. საბოლოოდ კი თანხის დიდი ნაწილი უკან ბრუნდება, ამერიკელი პოლიტიკოსების ჯიბეში. ეს სისტემაში გიგანტური თაღლითური ხვრელი არის. შედეგად, კონგრესში ძალიან ბევრი საეჭვოდ მდიდარი ადამიანია. ჩვენ ამას მოვიკვლევთ და შევაჩერებთ. არასამთავრობოების თაღლითური სქემა მართლაც სიგიჟეა. ასევე შოკისმომგვრელია, თუ რა რაოდენობის სიძულვილი მოდის „მემარცხენეებისგან“. „დემოკრატები“ ირწმუნებიან, რომ ემპათიის პარტია არიან, ამ დროს ჩემი და პრეზიდენტის მოკვლას ითხოვენ“, - აღნიშნა მასკმა.