უკრაინის შეიარაღებული ძალების გენერალური შტაბი: ჩვენი ჯარისკაცების სიცოცხლისა და ქვედანაყოფების საბრძოლო შესაძლებლობების შესანარჩუნებლად, უკრაინელი დამცველები სივერსკიდან გავიდნენ

უკრაინის შეიარაღებული ძალების გენერალური შტაბის განცხადებით, უკრაინის ძალებმა დონეცკის ოლქის ქალაქი სივერსკი დატოვეს.

„სივერსკის ტერიტორიაზე მძიმე ბრძოლები გრძელდება. რუს ოკუპანტებს მნიშვნელოვანი უპირატესობა აქვთ ცოცხალი ძალისა და აღჭურვილობის მხრივ და, მნიშვნელოვანი დანაკარგების მიუხედავად, აგრძელებენ აქტიურ შეტევით ოპერაციებს. ჩვენი ჯარისკაცების სიცოცხლისა და ქვედანაყოფების საბრძოლო შესაძლებლობების შესანარჩუნებლად, უკრაინელი დამცველები დასახლებიდან გავიდნენ. უკრაინის თავდაცვის ძალებმა სივერსკისთვის ბრძოლების დროს მტერი გამოფიტეს, ქალაქის ყოველი მეტრი მტერს მაღალ ფასად დაუჯდა“, - ნათქვამია უკრაინის შეიარაღებული ძალების გენერალური შტაბის განცხადებაში.

„ოკუპანტებმა წინსვლა მნიშვნელოვანი რიცხობრივი უპირატესობისა და რთული ამინდის პირობებში მცირე ჯგუფების მუდმივი ზეწოლის წყალობით შეძლეს. ქალაქი ჩვენი ჯარების ცეცხლის კონტროლის ქვეშ რჩება. ხორციელდება მოწინააღმდეგის ქვედანაყოფების ბლოკირება მათი შემდგომი წინსვლის აღკვეთის მიზნით. თავდაცვის ძალები აგრძელებენ საბრძოლო ამოცანების შესრულებას სლავიანსკის მიმართულებით. ტარდება ყველა ზომა მტრის ნაწილებისა და ქვედანაყოფების შეტევითი პოტენციალის შესამცირებლად“, - აღნიშნულია განცხადებაში.