დონალდ ტრამპი კიმ ჩენ ინს: ჩემი ბირთვული ღილაკი უფრო დიდი და მძლავრია

აშშ-ის პრეზიდენტმა დონალდ ტრამპმა ჩრდილოეთ კორეის ლიდერს კიმ ჩენ ინს მორიგი მიმართვა ამჯერად Twitter-ით გაუგზავნა.

„კიმ ჩენ ინმა ახლახან განაცხადა, რომ „ბირთვული ღილაკი მუდმივად მის მაგიდაზეა. გააგებინეთ ვინმემ მისი მოშიმშილე რეჟიმიდან, რომ მეც მაქვს ბირთვული ღილაკი და ის უფრო დიდი და მძლავრია, თანაც მუშა მდგომარეობაში“, - დაწერა ტრამპმა მიმართვაში. 

ჩრდილოეთ კორეის ლიდერმა საახალწლო მიმართვაში აღნიშნა, რომ ჩრდილოეთ კორეას უკვე შეუძლია აშშ-ის წინააღმდეგ ბირთვული იარაღი გამოიყენოს და მას დიდი ზიანი მიაყენოს. კიმ ჩენ ინის განცხადებით, ის ამ ღილაკს იმ შემთხვევაში გამოიყენებს, თუკი ჩრდილოეთ კორეას აშშ-ის და მისი მოკავშირეების მხრიდან საფრთხე დაემუქრება. 

North Korean Leader Kim Jong Un just stated that the “Nuclear Button is on his desk at all times.” Will someone from his depleted and food starved regime please inform him that I too have a Nuclear Button, but it is a much bigger & more powerful one than his, and my Button works!

— Donald J. Trump (@realDonaldTrump) January 3, 2018