ტრამპი აცხადებს, რომ ჯორჯია მელონით „შოკირებულია“ - მისი თქმით, მას ეგონა, რომ პრემიერს სიმამაცე ჰქონდა

აშშ-ის პრეზიდენტმა, დონალდ ტრამპმა იტალიის უმსხვილეს ყოველდღიურ გამოცემა Corriere della Sera-სთან სამშაბათს გამართულ სატელეფონო საუბარში განაცხადა, რომ „შოკირებულია“ პრემიერ-მინისტრ ჯორჯია მელონის ქმედებით. მისი თქმით, მას შეცდომით ეგონა, რომ მელონის ჰქონდა საჭირო სიმამაცე ირანთან ომში აშშ-ის დასახმარებლად.

„ჯორჯია მელონის არ სურს ომში ჩვენი დახმარება, მე შოკირებული ვარ“, - განაცხადა ტრამპმა Corriere-სთან საუბრისას.

„მოსწონს ხალხს ის ფაქტი, რომ თქვენი პრეზიდენტი არაფერს აკეთებს ნავთობის მოსაპოვებლად?“ - იკითხა ტრამპმა. „თავად მას თუ მოსწონს ეს? ვერც კი წარმოვიდგენ. მისით გაოგნებული ვარ. მეგონა, მას სიმამაცე ჰქონდა, მაგრამ შევცდი“.

ტრამპმა ასევე აღნიშნა, რომ მელონისთან „დიდი ხანია“ არ უსაუბრია. „იმის გამო, რომ მას არ სურს ნატოს ფარგლებში ჩვენი დახმარება, მას არ სურს დაგვეხმაროს ბირთვული იარაღისგან [ირანის] გათავისუფლებაში. ის სულ სხვანაირი აღმოჩნდა, ვიდრე მეგონა“, - დასძინა ამერიკის პრეზიდენტმა.

„ის აღარ არის იგივე ადამიანი და იტალიაც აღარასოდეს იქნება იგივე ქვეყანა“, - განაცხადა პრეზიდენტმა სამშაბათს.