რომის პაპმა მკაცრად გააკრიტიკა ის ლიდერები, რომლებიც მილიარდებს ხარჯავენ ომებზე

რომის პაპმა ლეომ მკაცრად გააკრიტიკა ის ლიდერები, რომლებიც მილიარდებს ხარჯავენ ომებზე და განაცხადა, რომ მსოფლიოს „ერთი მუჭა ტირანები ანადგურებენ“.

ეს უჩვეულოდ მკვეთრი განცხადებები მან ხუთშაბათს, კამერუნში ყოფნისას გააკეთა - მას შემდეგ, რაც რამდენიმე დღით ადრე აშშ-ის პრეზიდენტი, დონალდ ტრამპი მას სოციალურ ქსელში თავს დაესხა.

„ომის ოსტატები თავს ისე აჩვენებენ, თითქოს არ იციან, რომ განადგურებას მხოლოდ ერთი წამი სჭირდება, აღდგენისთვის კი ხშირად მთელი სიცოცხლეც არ არის საკმარისი“, - განაცხადა პონტიფიკოსმა.

„ისინი თვალს ხუჭავენ იმ ფაქტზე, რომ მილიარდობით დოლარი იხარჯება მკვლელობებსა და ნგრევაზე, მაშინ როცა განკურნების, განათლებისა და აღდგენისთვის საჭირო რესურსები არსად ჩანს“, - დასძინა მან.