ტრამპი ამერიკული ჯარის გაყვანას ესპანეთიდან და იტალიიდანაც არ გამორიცხავს

გერმანიის მსგავსად, შეერთებული შტატების პრეზიდენტი, დონალდ ტრამპი ჯარების გაყვანას იტალიიდან და ესპანეთიდანაც არ გამორიცხავს.

ჟურნალისტებთან საუბრისას ტრამპმა განმარტა, რომ მიზეზი ამ ქვეყნების პოზიციაა. „როდესაც გვჭირდებოდნენ, ჩვენთან არ იყვნენ“, - განაცხადა ტრამპმა.

„იტალიამ არანაირი დახმარება არ გაგვიწია და ესპანეთი საშინელება იყო. როდესაც გვჭირდებოდნენ, ჩვენთან არ იყვნენ. ირანთან დაკავშირებით, რეალურად, არანაირი დახმარება არ გვჭირდებოდა. მათი დახმარება არ მჭირდებოდა, მაგრამ ვუთხარი: „კი, ძალიან მსურს თქვენგან დახმარება“. მინდოდა მენახა, გააკეთებდნენ, თუ არა ამას“, - აღნიშნა ტრამპმა.