მედია: ქართველმა სნაიპერმა მაიდანზე აქტივისტების დახვრეტაში რადას დეპუტატები დაადანაშაულა

ქართველი სნაიპერმა ალექსანდრე რევაზიშვილმა, რომელის მაიდნის მოვლენების მონაწილეა, 2014 წლის თებერვალში აქტივისტების დახვრეტაში რადას დეპუტატები დაადანაშაულა. ამის შესახებ მხოლოდ რუსული მედია წერს.

საუბარია, ეროვნული უშიშროებისა და თავდაცვის კომიტეტის ამჟამინდელ თავმჯდომარე სერგეი პაშინსკისა და დეპუტატ ვლადიმერ პარასიუკზე. რევაზიშვილის თქმით, ისინი მაიდანზე ისროდნენ და დამამტკიცებელ საბუთებს სასამართლოსაც წარუდგენს.

როგორც რევაზიშვილი ამტკიცებს ამ მოვლენების მომსწრე, ის პირადად იყო.

სტატიის მიხედვით, ყოფილმა ქართველმა სამხედრო მოსამსახურემ კობა ნერგაძემ თქვა, რომ ის და სხვა ქართველი სნაიპერები უკრაინაში მამუკა მამულაშვილმა მიიწვია. მამუკა მამულაშვილი ამჟამად "ქართულ ლეგიონს" ხელმძღვანელობს, რომელიც დონბასში იბრძვის. 

რუსული მედია წერს, ამ ინტერვიუს სრულ ვერსიას ქართველ სნაიპერთან დღეს გამოაქვეყნებს.

მანამდე კი ცნობილი გახდა, რომ საქართველოს ყოფილი პრეზიდენტი და ოდესის ექსგუბერნატორი მიხეილ სააკაშვილი კიევის რაიონულ სასამართლოში 2014 წლის თებერვალში მაიდანზე აქტივისტების დახვრეტის საქმეზე უნდა დაეკითხათ.

„მოსალოდნელი იყო, რომ ის ნათელს მოფენდა ე.წ. ქართველი სნაიპერების „ვერსიას“ – მისი ჩვენებებით უნდა გახდეს გასაგები, შესაძლებელია თუ არა ბერკუტელების დაცვის „მოწმეების“ ნდობა (კერძოდ, იტალიური ფილმის „ქართველი მსახიობების“). იქნებ ამ მსახიობებს ამერიკული კინოაკადემიისგან ოსკარი ეკუთვნით“, - წერს ევგენია ზაკრევსკაია.

კიევის სვიატოშინსკის რაიონულ სასამართლოს მიხეილ სააკაშვილის 13 თებერვალს უკრაინის შსს-ს სპეცდანაყოფის „ბერკუტის“ ხუთი ყოფილი თანამშრომლის საქმეზე უნდა დაეკითხათ. სასამართლომ მისი დაკითხვის გადაწყვეტილება იმასთან დაკავშირებით მიიღო, რომ საქართველოს ორი მოქალაქე კობა ნერგაძე და ალექსანდრე რევაზიშვილი მიხეილ სააკაშვილს მაიდნის მოვლენების შესახებ გადაღებულ იტალიურ ფილმშიც ახსენებენ.

ბრალდებული „ბერკუტელების“ ადვოკატის მტკიცებით, საქართველოს მოქალაქეები იყვნენ მოწმეები, თუ როგორ ესროდნენ სნაიპერები ცეცხლს მაიდანზე მყოფ როგორც მომიტინგეებს, ისე სამართალდამცველებს.

იტალიური ტელეკომპანიის ეთერში გასულ ფილმს უკრაინის ყოფილი პრეზიდენტის ვიქტორ იანუკოვიჩის ადვოკატებიც იყენებენ.

კიევში 2014 წლის 20 თებერვალს სროლის შედეგად მაიდანზე 53 ადამიანი დაიღუპა, მათ შორის აქციის 49 მონაწილე და ოთხი სამართალდამცველი.

მიხეილ სააკაშვილი 12 თებერვალს, კიევში, რესტორან "სულგუნში" უკრაინის სასაზღვრო სამსახურის სპეცრაზმმა დააკავა და მალევე პოლონეთში გაამგზავრა ანუ ქვეყანაში, საიდანაც ოფიციალური კიევის აზრით უკრაინაში უკანონოდ შეიჭრა.