ჩრდილოეთ ირლანდიაში აბორტი არ დააკანონეს

ჩრდილოეთ ირლანდიაში უფლებადამცველებმა აბორტის ლეგალიზაციის შესახებ საქმე უზენაეს სასამართლოში წააგეს. სასამართლომ ჩრდილოეთ ირლანდიის ადამიანის უფლებათა კომისიის აპელაცია არ მიიღო. 

გაერთიანებული სამეფოს სხვა ტერიტორიებისგან განსხვავებით, 1967 წლის კანონი აბორტის შესახებ არ ვრცელდება ჩრდილოეთ ირლანდიაზე. ამჟამად ჩრდილოეთ ირლანდიაში აბორტი დასაშვებელია მხოლოდ იმ შემთხვევაში, თუ ქალის სიცოცხლე საფრთხისქვეშაა. 

A very clear message from the Supreme Court to all politicians in Westminster and NI - action is now required over NI’s abortion law which court ruled is incompatible with human rights legislation. @BBCNewsNI pic.twitter.com/v7M2UyrRiS

— Marie-Louise Connolly (@mlchealth) June 7, 2018

27 მაისს, პირველი ოფიციალური შედეგების თანახმად, ირლანდიის რესპუბლიკაში ისტორიულ რეფერენდუმში მონაწილეთა 66%-მა მხარი დაუჭირა იმ კანონის რეფორმირებას, რომლის თანახმად აბორტი კანონიერად მხოლოდ იმ შემთხვევაში ითვლება, როდესაც ქალის სიცოცხლეს საფრთხე ემუქრება.

რეფერენდუმის შემდეგ, გაუქმდება კონსტიტუციის 40.3.3 მუხლი, რომელიც მერვე შესწორების სახელითაა ცნობილი. ეს შესწორება 1983 წლის რეფერენდუმით მიიღეს და ის მუცლადმყოფის სიცოცხლის უფლებას შეეხება. ამ შესწორების მიხედვით, ქალისა და მისი მუცლადმყოფი ბავშვის სიცოცხლე თანაბარმნიშვნელოვნადაა მიჩნეული.