imedi /  07 ივლისი 2018, 19:34 / სანდო წყარო

რას ნიშნავს „რბილი ბრექსიტი“, რაზეც ბრიტანეთის მთავრობა შეთანხმდა

6 ივლისს ბრიტანეთის მთავრობამ განაცხადა, რომ ქვეყნის ევროკავშირიდან გასვლის პირობებზე ერთიანი პოზიცია შეიმუშავა. განცხადება 12-საათიანი შეხვედრის შედეგი იყო, რომელსაც კაბინეტის 29 წევრი ესწრებოდა. მინისტრები ჩეკერსში, ბრიტანელი პრემიერმინისტრების საზაფხულო რეზიდენდიაში თათბირობდნენ.

წარმოდგენილ პოზიციას აფასებენ როგორც Brexit-ის „რბილ“ ვერსიას, რომლის მთავარი პუნქტები ასეთია:

- საქონლისათვის თავისუფალი ვაჭრობის ზონის შენარჩუნება. პრემიერმინისტრ ტერეზა მეის გეგმით, დიდმა ბრიტანეთმა და ევროკავშირმა უნდა შეინარჩუნონ ამ სფეროში საერთო წესები და საქონლით ვაჭრობის პროცესი არ შეფერხდება. მთავრობა აცხადებს, რომ ეს დაიცავს 40 წლის განმავლობაში ჩამოყალიბებულ სავაჭრო კავშირებს და მათზე დამოკიდებულ სამუშაო ადგილებს. არა საქონლით, მაგრამ მომსახურებით ვაჭრობისთვის შეთავაზებულია ბრიტანელებისთვის სასარგებლო და მოქნილი წესების შემუშავება. 

- გამარტივებული საბაჟო წესრიგის შემუშავება, რომელიც ევროკავშირს და ბრიტანეთს შორის კონტროლის არარსებობას გულისხმობს - ისეთს, როგორიც „ერთიან საბაჟო ტერიტორიაზე იმოქმედებდა“. ნავარაუდევია, რომ დიდი ბრიტანეთი საკუთარ ტარიფებს დააწესებს საქონელზე, რომელიც მის ტერიტორიაზე უნდა შევიდეს და ევროპულ ტარიფებს - საქონელზე, რომლებიც დიდ ბრიტანეთში შედის, მაგრამ ევროკავშირისთვისაა განსაზღვრული.   

- ევროკავშირის კანონმდებლობაზე ორიენტირება იმ სფეროებში, რომელშიც ეს საჭიროა შეუფერხებელი ვაჭრობისათვის. შესაბამისი ცვლილებები ბრიტანულ კანონებში პარლამენტმა უნდა მიიღოს - და მას აქვს უფლება ეს არ გააკეთოს. დიდი ბრიტანეთი გამოდის ევროპული სასამართლოს იურისდიქციიდან. უქმდება ადამიანების თავისუფალი გადაადგილება, მაგრამ ნარჩუნდება ევროკავშირის და დიდი ბრიტანეთის მოქალაქეთა უფლებები ერთმანეთის ტერიტორიაზე დაუბრკოლებლად იმოგზაურონ, ისწავლონ და იმუშაონ.   

- ირლანდიის საზღვრის პრობლემის გადაწყვეტა. მთავრობის აზრით, ამ პუნქტების პრაქტიკაში რეალიზების შემთხვევაში წარმატებით გადაწყდება „ბრექსიტზე“ მოლაპარაკებების ერთ-ერთი ყველაზე რთული პუნქტი. თავისუფალი ვაჭრობის ზონიდან გასვლას დასჭირდებოდა სასაზღვრო შენობების აგება ევროკავშირს და დიდ ბრიტანეთს შორის არსებულ ერთადერთ სახმელეთო საზღვარზე - ირლანდიას და ჩრდილოეთ ირლანდიას შორის. ამის თავიდან ასაცილებლად ევროკავშირი ლონდონს ფაქტობრივად სთავაზობდა „ბრექსიტის“ გაყინვას. მთავრობა ამბობს, რომ მათ მიერ შეთავაზებული ვარიანტის თანახმად, ეს სირთულეები მოიხსნება.

რა ატმოსფეროში მოუწიათ მინისტრებს შეთანხმება

ბრიტანული პრესის ცნობით, ჩეკერსში შეხვედრაზე ჩასულ მინისტრებს, რომლებსაც თანაშემწეებიც არ ახლდათ თან, ტელეფონების ჩაბარება მოსთხოვეს. შეთავაზებული პირობების განხილვის პროცესი რთული იყო, რადგან ზოგიერთი მინისტრი „ხისტ“ ბრეკსიტს ემხრობოდა. „ხისტი“ ბრექსიტი გულისხმობდა ევროკავშირიდან ისეთ გასვლას, როდესაც დიდი ბრიტანეთი დატოვებდა ერთიან სავაჭრო სივრცეს და საზღვრებს დახურავდა. ამ ვარიანტს ემხრობოდა მათ შორის საგარეო საქმეთა მინისტრი ბორის ჯონსონიც, რომელსაც The Times-ის ცნობით, ტერეზა მეი თანამდებობიდან მოხსნით დაემუქრა, თუ ის შეთანხმებას შეეწინააღმდეგებოდა; იმავდროულად, ერთ-ერთმა მინისტრმა The Guardian-ს უამბო, რომ ჩეკერსში სადილის დროს ჯონსონი გეგმას იწონებდა.

წერილში, რომელიც ტერეზა მეიმ თანაპარტიელ კონსერვატორ დეპუტატებს მისწერა, ნათქვამია: „ჩვენი პოლიტიკის შემუშავების დროს მე ვაძლევდი კაბინეტის წევრებს შესაძლებლობას საკუთარი შეხედულებები გამოეთქვათ. ეს შეთანხმება ნიშნავს იმას, რომ ვითარება შეიცვალა და ახლა კოლექტიური პასუხისმგებლობა მოქმედებს“.

ბევრმა კონსერვატორმა გეგმა გააკრიტიკა. მათი თქმით, ევროკავშირი ბრიტანულ ბიზნესს თავის წესებს უკარნახებს. „ბრექსიტის“ ერთ-ერთმა მთავარმა მომხრემ პარლამენტში, კონსერვატორმა ჯეიკობ რიზ-მოგმა განაცხადა: „თუ დეტალური კანონპროექტის თანახმად გაირკვა, რომ ჩვენ „დამაზიანებელი“ „ბრექსიტი“ გველის, რომელიც ფაქტობრივად ევროკავშირში დაგვტოვებს, მე წინააღმდეგ მივცემ ხმას“.

ევროკავშირის მხრიდან მთავარი მომლაპარაკებელი მიშელ ბარნიე მიესალმა ბტრიტანეთის მთავრობის შეთანხმებას და განაცხადა, რომ ელოდება დოკუმენტს, რომელიც მომავალ კვირას უნდა გამოქვეყნდეს.

დიდი ბრიტანეთი ევროკავშირს 2019 წლის 29 მარტს დატოვებს. Brexit-ის საბოლოო პირობები შემოდგომაზე უნდა შეთანხმდეს.

ყველა სიახლე

გიორგი საბედაშვილი

16 სექტემბერი 2021, 18:49

სამართალი

რუსეთის საოკუპაციო ძალების წარმომადგენლების მიერ უკანონოდ დაკავებული ზურაბ დათიაშვილი თავისუფალია

„მიმდინარე წლის 16 სექტემბერს, სოფელ კირბალის მიმდებარედ უკანონოდ დააკავეს საქართველოს მოქალაქე ზურაბ დათიაშვილი საქართველოს ცენტრალური ხელისუფლების მიერ დაუყოვნებლივ მოხდა ცხელი ხაზის გააქტიურება და ევროკავშირის სადამკვირვებლო მისიის ინფორმირება. აღნიშნული ღონისძიებების შესაბამისად დაუყოვნებლივ მოხდა საქართველოს მოქალაქის გათავისუფლება 1 საათის განმავლობაში. უკანონო დაკავებაზე სრული პასუხისმგებლობა ეკისრება რუსეთის ფედერაციას“, - განაცხადა სახელმწიფო უსაფრთხოების სამსახურის საინფორმაციო ანალიტიკური დეპარტამენტის დირექტორმა გიორგი საბედაშვილმა.

16 სექტემბერი 2021, 18:43

პოლიტიკა

დავით ზალკალიანი საქართველოში გაეროს ქალთა ორგანიზაციის ახლად დანიშნულ წარმომადგენელს შეხვდა

საქართველოს ვიცე-პრემიერმა, საგარეო საქმეთა მინისტრმა, დავით ზალკალიანმა საქართველოში გაეროს ქალთა ორგანიზაციის (UN Women) ახლადდანიშნულ წარმომადგენელთან, კაორი იშიკავასთან გაცნობითი შეხვედრა გამართა, - ამის შესახებ ინფორმაციას საქართველოს საგარეო საქმეთა სამინისტრო ავრცელებს.

16 სექტემბერი 2021, 18:34

COVID19

ირანმა კორონავირუსის საწინააღმდეგო Johnson & Johnson-ის ვაქცინა დაამტკიცა

ირანმა კორონავირუსის საწინააღმდეგო Johnson & Johnson-ის ვაქცინა დაამტკიცა. ინფორმაციას ამის შესახებ სააგენტო Reuters-ი ავრცელებს.

16 სექტემბერი 2021, 18:19

სამართალი

საქართველოს პროკურატურა გმობს ერთ-ერთი მედიასაშუალების მიერ თბილისში მომხდარი დანაშაულის ამსახველი ვიდეომასალის საჯარო გავრცელების ფაქტს

საქართველოს პროკურატურა ერთ-ერთი მედიასაშუალების მიერ თბილისში მომხდარი უმძიმესი დანაშაულის ამსახველი ვიდეომასალის საჯარო გავრცელების ფაქტზე განცხადებას ავრცელებს. როგორც განცხადებაშია ნათქვამი, მსგავსი შინაარსის მასალის გავრცელება არ ემსახურება საჯარო ინტერესს, რადგან ამგვარი ქმედება წარმოადგენს ძალადობის წახალისებას, არღვევს დაზარალებულთა უფლებებსა და ამავე დროს, აზიანებს გამოძიების ინტერესებს.

მავთულხლართი

16 სექტემბერი 2021, 18:14

სამართალი

სოფელ კირბალთან რუსმა სამხედროებმა საქართველოს მოქალაქე გაიტაცეს

„სახელმწიფო უსაფრთხოების სამსახური ადასტურებს სოფელ კირბალის მიმდებარედ, ოკუპირებულ ტერიტორიაზე საქართველოს მოქალაქის უკანონოდ დაკავების ფაქტს. აღნიშნულთან დაკავშირებით გააქტიურებულია ცხელი ხაზი, ინფორმირებულია ევროკავშირის სადამკვირვებლო მისია“, - აცხადებენ სუს-ში.

ირაკლი ღარიბაშვილი

16 სექტემბერი 2021, 18:13

COVID19

პრემიერ-მინისტრი სრულად ვაქცინირებულია

ვაქცინაცია ირაკლი ღარიბაშვილს ინფექციურ საავადმყოფოში ჩაუტარდა. პრემიერ-მინისტრმა კიდევ ერთხელ გაუსვა ხაზი ვაქცინების უსაფრთხოებას, ვაქცინაციის მნიშვნელობას პანდემიის დამარცხების პროცესში და მოქალაქეებს პროცესში აქტიური ჩართვისკენ მოუწოდა.

რატი იონათამიშვილი

16 სექტემბერი 2021, 18:11

პოლიტიკა

რატი იონათამიშვილი: „ნაციონალური მოძრაობა“ ვერ პატიებს საზოგადოებას, რომ 2012 წელს ხელისუფლებიდან ერთხელ და სამუდამოდ გაუშვა

„საამისოდ ჩვენ გვაქვს ის, რომ საქართველოში დემოკრატიული ინსტიტუტები ძლიერდება. მთავარია, რომ ჩვენი საზოგადოება არის ძლიერი, სახელმწიფო არის ძლიერი და არ დავუშვებთ, რომ ამ განვითარებას რაიმე ხელი შეეშალოს. მით უმეტეს, ისეთი დესტრუქციული ძალების მხრიდან, რომლებიც სინამდვილეში ებრძვიან არა „ქართულ ოცნებას“, არამედ რევანშისტულად არიან განწყობილი ჩვენი მოსახლეობის წინააღმდეგ. ეს არის „ნაციონალური მოძრაობა“, რომელიც ვერ პატიებს საზოგადოებას, რომ 2012 წელს ხელისუფლებიდან ერთხელ და სამუდამოდ გაუშვა. ისინი ყოველ ჯერზე ცდილობენ, შური იძიონ საზოგადოების მიმართ ამ გადაწყვეტილების გამო. სწორედ, ქართულ სახელმწიფოს, ეკლესიას, ინსტიტუტებს ებრძვიან ისინი და ყოველ ჯერზე ძალიან მტკივნეულ და მწარე მარცხსაც განიცდიან“, - განაცხადა იონათამიშვილმა.

რატი იონათამიშვილი

16 სექტემბერი 2021, 18:05

პოლიტიკა

რატი იონათამიშვილი: ჩვენი საერთო პასუხისმგებლობაა დადგინდეს ექსპერტიზის მხრიდან სავარაუდო ფარული ჩანაწერები რამდენად ავთენტურია

პირველ რიგში, ჩვენი საერთო პასუხისმგებლობაა დადგინდეს ექსპერტიზის მხრიდან ის მასალები, რაზეც არის ლაპარაკი, რამდენად ავთენტურია, რადგან ჩვენ ამაზე ცალსახა საუბრის უფლება არ გვაქვს, რადგან პირველ რიგში, ეს უნდა გაირკვეს, - ამის შესახებ ფრაქცია „ქართული ოცნების“ თავმჯდომარის მოადგილე, რატი იონათამიშვილმა „ქრონიკაში“ განაცხადა.

რატი იონათამიშვილი

16 სექტემბერი 2021, 18:04

პოლიტიკა

რატი იონათამიშვილი: უკვე „ნაციონალური მოძრაობაც“ ხვდება, რომ გიორგი გახარია არა „ქართული ოცნების“, არამედ მათი ამომრჩევლის გადაბირებით არის დაკავებული

„საზოგადოება ხვდება, ვის სამსახურშია გახარია და მისი პარტია. თუკი ვინმეზე რაიმე სახის დარწმუნება მას შეუძლია მოახდინოს, ეს არის „ნაციონალური მოძრაობის“ ის ამომრჩეველი, რომელიც ახალ მიხეილ სააკაშვილს ეძებს. შესაბამისად ამ განწყობით უკვე ფაქტია, რომ ის (გიორგი გახარია) მათ ამომრჩეველზე უფრო მუშაობს. ეს მათი საერთო სცენარის საწინააღმდეგო განვითარებაა, ამიტომ ეს საკითხები კიდევ უფრო დააჩქარებს. ერთი პარტიის ბურჭულარიზაციას და მეორე პარტიის კიდევ უფრო მტკივნეულ მარცხს“, - განაცხადა რატი იონათამიშვილმა.

რატი იონათამიშვილი

16 სექტემბერი 2021, 18:04

პოლიტიკა

რატი იონათამიშვილი: „ნაციონალურმა მოძრაობამ“ ფაქტობრივად უკვე აღიარა გარდაუვალი მარცხი არჩევნებზე

„ნაციონალურმა მოძრაობამ“ ფაქტობრივად უკვე აღიარა გარდაუვალი მარცხი არჩევნებზე, - ამის შესახებ საპარლამენტო ფრაქცია „ქართული ოცნების“ თავმჯდომარის მოადგილემ, რატი იონათამიშვილმა „ქრონიკაში“ განაცხადა. მისი თქმით, „ნაციონალური მოძრაობა“ ფარული ჩანაწერების მანიპულირებითა და სიცრუეზე აგებული დღის წესრიგით ცდილობს ფონს გასვლას.

16 სექტემბერი 2021, 18:02

მსოფლიო

გერმანიის პოლიციამ ქალაქ ჰაგენში სინაგოგაზე სავარაუდო ისლამისტური თავდასხმა აღკვეთა

გერმანიის პოლიციამ ქალაქ ჰაგენში სინაგოგაზე სავარაუდო ისლამისტური თავდასხმა აღკვეთა. ინფორმაციას ამის შესახებ სააგენტო Reuters-ი ავრცელებს.

16 სექტემბერი 2021, 17:26

ეკონომიკა

აწსუ-ის ენერგეტიკის ფაკულტეტზე „სემეკის აუდიტორია” გაიხსნა

სემეკის ორგანიზებითა და დაფინანსებით აუდიტორია აღიჭურვა სწავლის პროცესისათვის საჭირო სხვადასხვა საგნით. ამასთანავე, სემეკის თავმჯდომარის, დავით ნარმანიას ინიციატივით უნივერსიტეტს გადაეცა და აუდიტორიაში განთავსდა ნეტო აღრიცხვის მაკეტი, რომლის პროგრამაც ასახავს მცირე მიკროსიმძლავრის ელექტროსადგურის მიერ ელექტროენერგიის გამომუშავებისა და მისი ქსელში გადაცემის, ასევე ქსელიდან ელექტროენერგიის მოხმარების სრულ ციკლს.

16 სექტემბერი 2021, 17:25

პოლიტიკა

შინაგან საქმეთა სამინისტროს აკადემიის რექტორი ცესკოს თავმჯდომარეს შეხვდა

შინაგან საქმეთა სამინისტროს აკადემიის რექტორი, ივანე პაპიაშვილი და პრორექტორი, თემურ მაღრაძე საქართველოს ცენტრალური საარჩევნო კომისიის თავმჯდომარეს, გიორგი კალანდარიშვილს, თავმჯდომარის მოადგილეს, გიორგი სიორიძეს და საარჩევნო სისტემების განვითარების, რეფორმებისა და სწავლების ცენტრის ხელმძღვანელს, ნათია ზაალიშვილს შეხვდნენ, - ამის შესახებ ინფორმაციას შინაგან საქმეთა სამინისტრო ავრცელებს.

16 სექტემბერი 2021, 17:25

საზოგადოება

თბილისის მერი შეშელიძის ქუჩის მიმდებარე მეწყრული უბნის გამაგრების მიზნით განხორციელებული სამუშაოების შედეგს გაეცნო

პროექტის განხორციელებაში ჩართული იყვნენ, როგორც ქართველი, ასევე, უცხოელი სპეციალისტები. სამუშაოები ინფრასტრუქტურის განვითარების საქალაქო სამსახურის დაკვეთით, შპს „კავკასუს როუდ პროჯექტის“ მიერ შესრულდა.

16 სექტემბერი 2021, 17:25

COVID19

ეკატერინე ტიკარაძე რუხის საავადმყოფოში მოქალაქეთა იმუნიზაციის პროცესის მიმდინარეობას გაეცნო

ოკუპირებული ტერიტორიებიდან, დევნილთა, შრომის, ჯანმრთელობისა და სოციალური დაცვის სამინისტროს ინფორმაციით, სამედიცინო დაწესებულებას აქვს შესაბამისი რესურსი, როგორც პაციენტთა ნაკადების მართვის, ასევე შესაბამისი აღჭურვის თვალსაზრისით.

გიორგი ამილახვარი

16 სექტემბერი 2021, 17:24

პოლიტიკა

გიორგი ამილახვარი გახარიას პარტიაზე: ქართულ საზოგადოებას ვერანაირი პოზიტიური პოლიტიკური დღის წესრიგი ვერ შესთავაზა - მხოლოდ ბრალდებებზეა გადასული

„ბოლო დროს ფაქტობრივად ყოველ დღე გვესმის, რომ სხვადასხვა პირი ტოვებს გიორგი გახარიას პარტიას, ეს მიუთითებს მხოლოდ ერთადერთზე, რომ ადამიანებმა დაინახეს, რომ არანაირი პოლიტიკური პერსპექტივა არც მას (გიორგი გახარიას) და არც მის პარტია არ გააჩნია“, - აღნიშნა გიორგი ამილახვარმა.

ჟოზეფ ბორელი

16 სექტემბერი 2021, 17:19

მსოფლიო

ჟოზეფ ბორელი: აშშ-ის, ავსტრალიისა და ბრიტანეთის უსაფრთხოების ახალი პაქტი ცხადყოფს, რომ ევროკავშირმა თავდაცვისა და უსაფრთხოების საკუთარი სტრატეგია უნდა შეიმუშაოს

საგარეო საქმეთა და უსაფრთხოების პოლიტიკის საკითხებში ევროკავშირის უმაღლესმა წარმომადგენელმა, ჟოზეფ ბორელმა განაცხადა, რომ აშშ-ის, ავსტრალიისა და ბრიტანეთის უსაფრთხოების ახალი პაქტი ცხადყოფს, რომ ევროკავშირმა თავდაცვისა და უსაფრთხოების საკუთარი სტრატეგია უნდა შეიმუშაოს, განსაკუთრებით ინდოეთისა და წყნარი ოკეანის რეგიონში.

შალვა პაპუაშვილი

16 სექტემბერი 2021, 17:18

პოლიტიკა

შალვა პაპუაშვილი: დარწმუნებული ვარ, რომ არჩევნებამდე გახარიას პარტია ხუხულასავით ჩამოიშლება

დარწმუნებული ვარ, რომ არჩევნებამდე ხუხულასავით ჩამოიშლება გახარიას პარტია, რომელიც ასეთი ტყუილით არის შეკოწიწებული, - ამის შესახებ განათლებისა და მეცნიერების კომიტეტის თავმჯდომარემ, შალვა პაპუაშვილმა განაცხადა.

16 სექტემბერი 2021, 17:17

ეკონომიკა

ლაშა ხუციშვილი სამხრეთ კავკასიაში EIB-ის რეგიონული წარმომადგენლობის ხელმძღვანელს შეხვდა

საქართველოს ფინანსთა მინისტრმა, ლაშა ხუციშვილმა სამხრეთ კავკასიაში ევროპის საინვესტიციო ბანკის (EIB) რეგიონული წარმომადგენლობის ხელმძღვანელთან, მაჩიე ჩურასთან სამუშაო შეხვედრა გამართა, - ამის შესახებ ინფორმაციას საქართველოს ფინანსთა სამინისტრო ავრცელებს.

16 სექტემბერი 2021, 17:15

პოლიტიკა

დმანისში გახარიას პარტია ორმა წევრმა დატოვა

ყოფილი პრემიერის პარტია დატოვეს პროპორციული სიის მე-2 ნომერმა ზაურ ჯორთმენაძემ და მე-7 ნომერმა ტარიელ მიშელაძემ. მიშელაძე ასევე გომარეთის მაჟორიტარი დეპუტატობის კანდიდატი იყო.