ნიგერიელი მოზარდი, რომელმაც ისლამის მიღებაზე უარი თქვა, „ბოკო ჰარამმა“ არ გაათავისუფლა

15 წლის ნიგერიელი ქრისტიანი გოგო, რომელმაც რადიკალური დაჯგუფება „ბოკო ჰარამის“ მოთხოვნა ისლამის მიღებასთან დაკავშირებით უარყო კვლავ ტყვეობაშია. ამის შესახებ BBC წერს. 

აფრიკელი გოგოს მამა ამბობს, რომ რადიკალებმა აუდიო ჩანაწერი გამოაქვეყნეს, სადაც მისი შვილი ხმა ისმის. მისი თქმით, მას აქამდე ყველანაირი იმედი გადაწურული ჰქონდა. 

მისი ქალიშვილი რადიკალების მიერ იმ 100 გატაცებულს შორის იყო, რომლებიც ჩრდილო-აღმოსავლეთ ქალაქ დაფჩიდან მარტში გაათავისუფლეს, თუმცა 15 წლის ქრისტიანი გოგო კვლავ „ბოკო ჰარამის“ ტყვეობაში დარჩა. 

35-წამიან აუდიო ჩანაწერში, რომელშიც მამის თქმით მისი ქალიშვილის ხმაა, ნიგერიელ ძალოვნებს მისი ნამდვილობა ჯერ არ დაუდასტურებიათ. ჩანაწერში 15 წლის გოგო ქვეყნის მთავრობას დახმარებას სთხოვს. 

ნიგერიაში ტერორისტულ აქტებს რადიკალური დაჯგუფება “ბოკო ჰარამი” ახორციელებს. ამისთვის ისინი თინეიჯერებსა და ახალგაზრდა ქალ თვითმკვლელ ტერორისტებს იყენებენ. 2009 წლიდან ამბოხებულები ქვეყანაში ისლამური სახელმწიფოს შექმნას ცდილობენ. ბოლო წლებში, დაჯგუფების მიერ განხორციელებულ აფეთქებებს უამრავი ადამიანი ემსხვერპლა.