Twitter-ის აღმასრულებელ დირექტორს მიანმარის რეკლამირებისთვის აკრიტიკებენ

Twitter-ის აღმასრულებელი დირექტორი კრიტიკის ქარცეცხლში გაეხვა, მიზეზი მიანმარის, როგორც ტურისტული ლოკაციის რეკლამირებაა. ამის შესახებ BBC წერს. 

გამოცემის ინფორმაციით, ჯეკ დორსიმ მიკრობლოგზე ქვეყანას პოსტი იმის მიუხედავად მაინც მიუძღვნა, რომ მიანმარში ადამიანის უფლებების ფეხქვეშ გათელვის შესახებ ბრალდებები არაერთია. 

ტვიტების სერიაში, ჯეკ დორსი წერს, რომ ჩრდილოეთ მიანმარს მედიტაციისთვის გასულ თვეს ესტუმრა. 

„ხალხი ბედნიერია და სამზარეულო არაჩვეულებრივია“, - წერს დორსი. 

ირკვევა, რომ ზოგი Twitter-ის აღმასრულებელ დირექტორს როჰინჯა მუსლიმების მდგომარეობის უგულებელყოფაში ადანაშაულებს.  

მიანმარში სიტუაცია 2017 წლის 25 აგვისტოს შემდეგ გამწვავდა. ამ დღეს „როჰინჯა არაკანას გადარჩენის არმიის“ დანებით და ხელნაკეთი ბომბებით შეიარაღებულმა მებრძოლებმა კოორდინირებული თავდასხმა მოაწყვეს მიანმარის არმიის ბაზასა და პოლიციის 30-ზე მეტ საგუშაგოზე, 

დაიღუპა ათასობით ადამიანი. უფლებადამცველი ორგანიზაციები მიანმარს როჰინჯების უფლებების დარღვევაში ადანაშაულებენ. 

როჰინჯა - ეთნიკური ჯგუფია, რომელიც მიანმარის შტატ რაკჰაინში ცხოვრობს და ტერიტორიის მკვიდრად მიაჩნია თავი, თუმცა ისტორიკოსების უმეტესობა მიიჩნევს, რომ როჰინჯები ბრიტანული კოლონიალიზმის პერიოდში ბანგლადეშიდან მიანმარში ჩაასახლეს.

Myanmar is an absolutely beautiful country. The people are full of joy and the food is amazing. I visited the cities of Yangon, Mandalay, and Bagan. We visited and meditated at many monasteries around the country. pic.twitter.com/wMp3cmkfwi

— jack (@jack) December 9, 2018