ჩეჩნეთის რესპუბლიკა: ჩვენზე გეი-თავდასხმა ხორციელდება

ჩეჩნეთში დაკავებების და წამების შესახებ ბრალდებები, ეს საინფორმაციო „გეი-თავდასხმაა“. ამის შესახებ რესპუბლიკის ლიდერის პრესმდივანმა ალვი კარიმოვმა განაცხადა. 

„მსგავსი განცხადებების ავტორებს სინდისი და ნამუსი არ აქვთ. მე ვაცხადებ, რომ ჩეჩნეთში არასდროს დაუკავებიათ ადამიანი ჰომოსექსუალიზმის გამო. ამის ვერანაირი მტკიცებულება ვერ იპოვეს“, - განაცხადა პრესმდივანმა. 

2017 წლის  3 აპრილს, „ნოვაია გაზეტამ“ საკუთარ წყაროებზე დაყრდნობით დაწერა, რომ განსხვავებული სექსუალური ორიენტაციის გამო ჩეჩნეთის მოქალაქეები დააპატიმრეს. გაზეთის ცნობით, უკვე დაკავებულია 100-ზე მეტი კაცი. გამოცემას აქვს ინფორმაცია სამი დაღუპულის შესახებ, მაგრამ ეს რიცხვი შეიძლება უფრო მეტი იყოს.  შემთხვევას მსოფლიო მასშტაბით გამოხმაურება მოჰყვა. ლგბტ თემის უფლებადამცველმა  სამმა ფრანგულმა ორგანიზაციამ ჰააგის სისხლის სამართლის საერთაშორისო სასამართლოში ჩეჩნეთის ლიდერს რამზან კადიროვს უჩივლა.

2019 წლის იანვარში, რუსმა აქტივისტებმა განაცხადეს, რომ ჰომოსექსუალების წინააღმდეგ რეპრესიები განახლდა.