აშშ-თალიბანის სამშვიდობო მოლაპარაკება საბოლოო შეთანხმების გარეშე დასრულდა

აშშ-თალიბანის სამშვიდობო მოლაპარაკება დასრულდა პროგრესით, მაგრამ საბოლოო შეთანხმების გარეშე. ამის შესახებ New York Times-ი წერს.

„გაუმჯობესდა პირობები მშვიდობისთვის. ცხადია, რომ ყველა მხარეს სურს ომისთვის ბოლოს მოღება“, - წერს აშშ-ის საგანგებო წარმომადგენელი ზალმაი ხალილზადი და დასძენს, რომ შესაძლოა მოლაპარაკების მორიგი რაუნდი მიმდინარე თვეშივე გაიმართოს.

(4/4) My next step is discussions in Washington and consultations with other partners. We will meet again soon, and there is no final agreement until everything is agreed.

— U.S. Special Representative Zalmay Khalilzad (@US4AfghanPeace) March 12, 2019

აშშ-ისა და თალიბანის წარმომადგენლები ცდილობენ იანვარში მიღწეული ჩარჩო-შეთანხმების დეტალების დადგენას.

უთანხმოების მთავარ მიზეზებს შორისაა მოთხოვნა, რომ თალიბანმა ურთიერთობა გაწყვიტოს ჯგუფებთან, რომელთაც ვაშინგტონი ტერორისტულად მიიჩნევს, ისევე როგორც ავღანეთიდან ამერიკელი სამხედროების გაყვანის განრიგი, მხარეთა დაზავება ავღანეთში და ავღანელებს შორის დიალოგი თალიბანისა და მთავრობის წარმომადგენელთა მონაწილეობით.