imedi /  28 მარტი 2019, 16:04 / სანდო წყარო

ასოცირების კომიტეტმა საქართველოს მიერ მიღწეული პროგრესი დადებითად შეაფასა

ევროკავშირი

ასოცირების საპარლამენტო კომიტეტმა თანათავმჯდომარეების, ევროპასთან ინტეგრაციის კომიტეტის თავმჯდომარის თამარ ხულორდავასა და ევროპარლამენტის წევრის, საჯად კარიმის ხელმძღვანელობით, მერვე სხდომა გამართა. 

საქართველოს პარლამენტის ცნობით, სხდომაზე განიხილეს ასოცირების შეთანხმების განხორციელების პროცესი, ქვეყანაში მიმდინარე და დაგეგმილი დემოკრატიული რეფორმები, ადამიანის უფლებების დაცვის თვალსაზრისით არსებული მდგომარეობა, ღრმა და ყოვლისმომცველი თავისუფალი სავაჭრო სივრცის შესახებ შეთანხმების გამოყენების პერსპექტივები, სოფლის მეურნეობის განვითარება, ენერგეტიკის სფეროში ევროკავშირთან თანამშრომლობა.

პარლამენტის ცნობით, სხდომაზე დადებითად შეაფასეს საქართველოს მიერ 2014-2018 წლებში გაწეული პროგრესი. ხაზი გაესვა საქართველოს მიღწევებს ევროპასთან ინტეგრაციის პროცესში, რომლის ყველაზე მნიშვნელოვან წარმატებას წარმოადგენს საქართველოსა და ევროკავშირს შორის გაფორმებული ასოცირების შეთანხმება და ღრმა და ყოვლისმომცველი სავაჭრო სივრცის შესახებ შეთანხმება (DCFTA). ევროკავშირთან თანამშრომლობის ერთ-ერთი მნიშვნელოვანი მიღწევაა უვიზო მიმოსვლის ამოქმედება, რომელმაც უკვე მისცა 300 000-ზე მეტ საქართველოს მოქალაქეს შენგენის სივრცეში თავისუფლად გადაადგილების შესაძლებლობა.

,,უკანასკნელი 4-5 წლის განმავლობაში საქართველომ ევროკავშირთან დაახლოების გრძელი გზა წარმატებით განვლო. 2014 წელს ხელი მოვაწერეთ ასოცირების შეთანხმებას, ღრმა და ყოვლისმომცველი თავისუფალი სავაჭრო სივრცის შესახებ შეთანხმების ჩათვლით. 2017 წლიდან საქართველოს მოქალაქეები სარგებლობენ შენგენის ზონაში უვიზო მიმოსვლის შესაძლებლობით, რითაც უკვე 300 000-ზე მეტმა ადამიანმა ისარგებლა და რომლის მიღწევაშიც მნიშვნელოვანი წვლილი მიუძღვის ევროპარლამენტს. ევროკავშირი გახდა საქართველოს ძირითადი სავაჭრო პარტნიორი; ქართული ექსპორტის მესამედი სწორედ ევროკავშირის ბაზარზე თავსდება. საქართველო გაწევრიანდა ენერგეტიკულ გაერთიანებაში, შეთანხმებები გააფორმა Europol-სა და EuroJust-თან, რაც იძლევა ტრანსსასაზღვრო და ორგანიზებულ დანაშაულთან ბრძოლის საკითხებში თანამშრომლობის შესაძლებლობას. სამწუხაროდ, მთელი ეს დადებითი დინამიკა ხდება საქართველოს ტერიტორიების, აფხაზეთისა და ცხინვალის რეგიონის/სამხრეთ ოსეთის რუსეთის მიერ ოკუპაციის ფონზე. ამ გამოწვევების პირისპირ ჩვენ მარტო არ ვართ. ვხედავთ და ვაფასებთ ჩვენი სუვერენიტეტის, ტერიტორიული მთლიანობის, არაღიარების და ჩართულობის პოლიტიკის მიმართ ევროკავშირისა და მისი ინსტიტუტების მყარ და უწყვეტ მხარდაჭერას. განსაკუთრებით მნიშვნელოვანია, საქართველოს მხარდაჭერის გამომხატველი რეზოლუცია, რომელიც ევროპარლამენტმა 2018 წლის ივნისში რუსული აგრესიიდან 10 წლის თავზე მიიღო“, - განაცხადა ასოცირების საპარლამენტო კომიტეტის თავმჯდომარემ თამარ ხულორდავამ.

აღსანიშნავია, რომ ასოცირების საპარლამენტო კომიტეტი ევროპარლამენტის მერვე მოწვევის ამ შემადგენლობით ბოლოჯერ შეიკრიბა. 

,,ეს არის ასოცირების საპარლამენტო კომიტეტის ბოლო სხდომა ამ შემადგენლობით და მოხარული ვარ იმ მიღწევებით, რომელსაც საქართველომ ევროკავშირთან თანამშრომლობით ბოლო პერიოდში მიაღწია. აუცილებლად  უნდა აღინიშნოს რეზოლუცია საქართველოს შესახებ, პოლიტიკური და ეკონომიკური ინტეგრაციის გაძლიერება, ევროკავშირთან თანამშრომლობის საგზაო რუკა, საქართველოს ხელისუფლების აქტიური ქმედებები, რომ საფრთხე არ შეექმნას უვიზო მიმოვლის საკითხს. მნიშვნელოვანია საქართველოს ოკუპირებული ტერიტორიების თაობაზე ევროპარლამენტის მიერ  მიღებული რეზოლუცია, რომლითაც ჩვენ მხარს ვუჭერთ საქართველოს ტერიტორიულ მთლიანობას“, - განაცხადა ევროპარლამენტის წევრმა, ასოცირების საპარლამენტო კომიტეტის თანათავმჯდომარემ, საჯად კარიმმა. 

ასოცირების კომიტეტის სხდომაზე საქართველოს ოკუპირებულ ტერიტორიებზე არსებულ მდგომარეობაზე და ხელისუფლების სამშვიდობო პოლიტიკაზე მოხსენებით წარდგა შერიგებისა და სამოქალაქო თანასწორობის საკითხებში საქართველოს სახელმწიფო მინისტრი ქეთევან ციხელაშვილი, რომელმაც ირაკლი კვარაცხელიას გარდაცვალების ფაქტზე გამოძიების მიმდინარეობის  და ბოლო პერიოდში ოკუპირებულ ტერიტორიებზე გახშირებულ უკანონო დაკავებების შესახებ ისაუბრა.

სხდომაზე, თავისუფალი უვიზო რეჟიმის განხორციელებაზე და ამ პროცესში არსებული გამოწვევების საპასუხოდ, საქართველოს ხელისუფლების მიერ გადადგმულ ნაბიჯებზე საგარეო საქმეთა მინისტრის მოადგილემ, ვახტანგ მახარობლიშვილმა და შინაგან საქმეთა სამინისტროს საერთაშორისო ურთიერთობათა დეპარტამენტის დირექტორის მოადგილემ ნინო გახარიამ ისაუბრეს.

„საქართველოსთვის უვიზო მიმოსვლის ამოქმედება არის ევროკავშირის მნიშვნელოვანი შეტყობინება. პირველივე დღიდან მიმდინარეობს პროცესის განხორციელების მონიტორინგი საქართველოს ხელისუფლების მიერ,  რათა საფრთხე არ შეექმნას საქართველოს მოქალაქეების უვიზო გადაადგილებას შენგენის ზონაში“, - განაცხადა ვახტანგ მახარობლიშვილმა.

ენერგეტიკის სფეროში საქართველოს ევროკავშირთან თანამშრომლობის, საქართველოს გაწევრიანების შესახებ ენერგეტიკულ გაერთიანებაში და შესაბამისად საქართველოს კანონმდებლობის ჰარმონიზაციის თაობაზე მოხსენებით წარდგა ეკონომიკისა და მდგრადი განვითარების მინისტრის მოადგილე ნათია თურნავა.

ევროპარლამენტარებს, საქართველოში ადამიანის უფლებათა მდგომარეობის შესახებ ინფორმაცია სახალხო დამცველის მოადგილემ, გიორგი ბურჯანაძემ გააცნო.

ასოცირების კომიტეტის მერვე სხდომის დასასრულს, ევროკავშირი-საქართველოს ასოცირების საპარლამენტო კომიტეტმა ერთობლივი განცხადება და რეკომენდაციები  მიიღო, სადაც საქართველოსთვის ყველა მნიშვნელოვანი საკითხი აისახა:

· მიესალმება ევროკავშირსა და საქართველოს ურთიერთობების მუდმივ განვითარებას და კვლავ ეხმიანება  საქართველოს ევროკავშირში გაწევრიანების პერსპექტივას, რომელიც ევროკავშირის ხელშეკრულების 49-ე მუხლით გათვალისწინებული შესაძლებლობაა;

· კომიტეტი ადასტურებს, რომ ახალი უმაღლესი დონის დიალოგი, რომელიც საქართველოს პრემიერ მინისტრისა და ევროკომისიის პრეზიდენტის ხელმძღვანელობით გაიმართა 2018 წლის ნოემბერში, მნიშვნელოვანია საქართველოს ევროკავშირთან დაახლოებისთვის, ისევე როგორც პარტნიორებს შორის დაწესებული ახალ უმაღლესი დონის დიალოგი უსაფრთხოების საკითხებში;

· კომიტეტი დადებითად აფასებს საქართველოს ხელისუფლების მიერ ევროკავშირთან ასოცირების ხელშეკრულების განხორციელებას და ღრმა და ყოვლისმომცველი თავისუფალი ვაჭრობის ხელშეკრულების გამოყენებას, რის შედეგადაც ევროკავშირი საქართველოსთვის მთავარი სავაჭრო პარტნიორია;

· კომიტეტი დადებითად აფასებს ხელისუფლების ძალისხმევას თავისუფალი სავიზო რეჟიმის შეუფერხებელი მუშაობისთვის, იწონებს ახალ საკანონმდებლო რეგულაციებს, მთავრობის ახლო თანამშრომლობას ევროპის სახელმწიფოების საპოლიციო და საბაჟო უწყებებთან, მუდმივ საინფორმაციო კამპანიებს მოქალაქეთა სათანადო ინფორმირებისთვის;

· კომიტეტი დადებითად აფასებს საქართველოს მზადყოფნას იყოს ევროპის მთავარი პარტნიორი რეგიონში ენერგეტიკული უსაფრთხოების გამყარებისთვის და ასევე იწონებს, რომ ევროპასა და საქართველოს შორის ახალი სატრანსპორტო კავშირები ვითარდება;

· კომიტეტმა დადებითად შეაფასა საქართველოს პარლამენტის ძალისხმევა, აქტიურად იყოს ჩართული როგორც ევროკავშირის კანონმდებლობასთან დაახლოების პროცესში, ისე  აღმასრულებელი ორგანოების მიერ ასოცირების შესახებ შეთანხმების შესრულებაზე საპარლამენტო ზედამხედველობაში; მოიწონა პარლამენტის რეგლამენტის რეფორმა, რომელიც საქართველოს ახალი კონსტიტუციის შესაბამისად,  საპარლამენტო ზედამხედველობის ეფექტიანობას აძლიერებს და თვისობრივად ახალ დონეზე აჰყავს პარლამენტის საზედამხედველო ფუნქცია;

· ასოცირების კომიტეტი კვლავ ადასტურებს საქართველოს სუვერენიტეტისა და ტერიტორიული მთლიანობის მიმართ ევროკავშირის ურყევ მხარდაჭერა, გმობს რუსეთის აგრესიას და მხარ უჭერს სამშვიდობო პროცესის და მის უალტერნატივობას, ასევე იწონებს მთავრობის პოლიტიკას მთელ ქვეყანაში თითოეული მოქალაქის მდგომარეობის გასაუმჯობესებლად, მათ შორის აფხაზეთსა და სამხრეთ ოსეთში;

ასოცირების კომიტეტი მორიგი სხდომას თბილისში 2019 წლის მეორე ნახევარში გამართავს.

ყველა სიახლე

27 ნოემბერი 2021, 13:26

მსოფლიო

აშშ-ის ერთ-ერთ სავაჭრო ცენტრში სროლა იყო, დაჭრილთა შორის 10 წლის ბავშვიცაა

აშშ-ში, ჩრდილოეთ კაროლინაში, ქალაქ დარემში მდებარე სავაჭრო ცენტრში სროლა იყო. დაჭრილია 3 ადამიანი, მათ შორის 10 წლის ბავშვიცაა. პოლიციაში აცხადებენ, რომ სროლა ადამიანთა ორი ჯგუფის დაპირისპირებას მოჰყვა. ისინი ერთმანეთს იცნობდნენ. არსებული ინფორმაციით, ბავშვს ასხლეტილი ტყვია მოხვდა და სამიზნე ის არ ყოფილა.

27 ნოემბერი 2021, 12:58

მსოფლიო

თურქმენეთის საბავშვო ბაღებში მულტფილმების რუსულად ჩვენება და სატრანსპორტო საშუალებებში ინსტრუქციების რუსულ ენაზე გაცემა აიკრძალა

თურქმენეთში, საბავშვო ბაღების აღსაზრდელებს ანიმაციურ ფილმებს რუსულ ენაზე აღარ უჩვენებენ. მედიის ინფორმაციით, ინსპექტორებმა უკვე შეამოწმეს რამდენიმე ბაღი და იქ, სადაც დარღვევა დაფიქსირდა, თანამშრომლების ნაწილი გაათავისუფლეს, ნაწილს კი მკაცრი საყვედური გამოუცხადეს.

27 ნოემბერი 2021, 12:33

COVID19

ფარმაცევტული გიგანტები „ომიკრონის“ შტამის საწინააღმდეგო ვაქცინაზე მუშაობენ

ფარმაცევტული გიგანტები კორონავირუსის „ომიკრონი“ შტამის საწინააღმდეგო ვაქცინაზე მუშაობენ. ინფორმაციას ამის შესახებ CNBC ავრცელებს.

ირაკლი ჭიჭინაძე და ფრენკ აბელი

27 ნოემბერი 2021, 12:32

თავდაცვა

თავდაცვის ძალების მეთაურის მოადგილემ გერმანელი ექსპერტი დააჯილდოვა

საქართველოს თავდაცვის ძალების მეთაურის მოადგილემ, ბრიგადის გენერალმა ირაკლი ჭიჭინაძემ ნატო-საქართველოს არსებითი პაკეტის (SNGP) სამხედრო საინჟინრო ინიციატივის გერმანელ ლიდერს, გენერალ გიორგი მაზნიაშვილის სახელობის მედალი გადასცა.

27 ნოემბერი 2021, 12:27

საზოგადოება

მთაწმინდის პარკი „ახალი ღვინის ფესტივალს“ მასპინძლობს

მთაწმინდის პარკში რიგით მე-12 „ახალი ღვინის ფესტივალი" იმართება. ფესტივალში 150-მდე ღვინის მწარმოებელი, მათ შორის, 100-მდე მცირე საოჯახო მარანი მონაწილეობს, საქართველოს სხვადასხვა კუთხიდან.

27 ნოემბერი 2021, 12:20

სპორტი

საქართველოს ძიუდოისტთა ნაკრები ევროპის გუნდური ჩემპიონატის ნახევარფინალშია

საქართველოს ნაკრები ევროპის გუნდური ჩემპიონატის ნახევარფინალში გავიდა. რუსეთის ქალაქ უფაში მიმდინარე ევროპის გუნდური ჩემპიონატის მეოთხედფინალში ქართველმა ძიუდოისტებმა საფრანგეთის ნაკრები 4-2 დაამარცხეს.

ივანე ჩხაიძე

27 ნოემბერი 2021, 12:13

COVID19

ივანე ჩხაიძე: თუ „ომიკრონი“ უფრო გადამდებია, ვიდრე - „დელტა“, რის წარმოდგენაც რამდენიმე კვირის წინ შეუძლებელი იყო, უნდა ვაღიაროთ, რომ ქვეყანას კიდევ უფრო ძლიერი ტალღა დაემუქრება

იმუნიზაციის საბჭოს ხელმძღვანელის, ივანე ჩხაიძის განცხადებით, კორონავრუსის ახალმა შტამმა - „ომიკრონმა“, შესაძლოა, იმაზე დიდი საფრთხე შეუქმნას საქართველოსა და მსოფლიოს, ვიდრე ეს წინა შტამების შემთხვევაში იყოს.

27 ნოემბერი 2021, 11:59

მსოფლიო

მექსიკაში ავარიას, სულ მცირე, 19 ადამიანი ემსხვერპლა

ცენტრალურ მექსიკაში, სან ხოსე ელ გუარდაში ავტობუსი სახლს შეეჯახა. შედეგად, სულ მცირე, 19 ადამიანი დაიღუპა. დაშავებულია 20-მდე მგზავრი. ადგილობრივი მედიის ცნობით, ავტობუსს, რომლითაც მგზავრები სალოცავისკენ მიემართებოდნენ, სამუხრუჯე სისტემის პრობლემა აღმოაჩნდა, თუმცა, ოფიციალურად, ეს ჯერ დაზუსტებული არაა.

ჯო ბაიდენი

27 ნოემბერი 2021, 11:52

მსოფლიო

ჯო ბაიდენის განცხადებით, უახლოეს დღეებში ის ვლადიმირ პუტინთან და ვოლოდიმირ ზელენსკისთან საუბარს გეგმავს

აშშ-ის პრეზიდენტი ჯო ბაიდენი აცხადებს, რომ „დიდი ალბათობით“, უახლოეს დღეებში ის რუსეთის პრეზიდენტ ვლადიმირ პუტინსა და უკრაინის პრეზიდენტ ვოლოდიმირ ზელენსკის გაესაუბრება. ამის შესახებ გამოცემა New York Post-ი წერს.

27 ნოემბერი 2021, 11:40

საზოგადოება

პოპულარული ბრიტანული გამოცემა The Guardian-ი საქართველოს ტურისტული მიმართულების შესახებ სტატიას აქვეყნებს

ბრიტანელმა ჟურნალისტმა ნადია ბერდმა და ფოტოგრაფმა ტომერ იფრამ საქართველოში 3 თვის წინ ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის მოწვევით იმოგზაურეს. პრესტურის შემდეგ კი, ჟურნალისტებმა საქართველოს ტურისტული მიმართულების შესახებ ვრცელი სტატია ფოტო რეპორტაჟთან ერთად მოამზადეს.

27 ნოემბერი 2021, 11:24

მსოფლიო

რამდენიმედღიანი არეულობის შემდეგ, სოლომონის კუნძულებზე დამწვარი ცხედრები იპოვეს

სოლომონის კუნძულების დედაქალაქ ჰონიარაში სამი ადამიანის დამწვარი ცხედარი იპოვეს. რამდენიმედღიანი არეულობის შემდეგ, ეს მსხვერპლის არსებობის პირველი დადასტურებაა. დანახშრებული ცხედრები ჩაინათაუნის დასახლებაში იპოვეს, რომელიც მაროდიორებისა და მომიტინგეების სამიზნე იყო. პოლიციის ცნობით, გარდაცვალების ზუსტ მიზეზებს ექსპერტები სწავლობენ.

27 ნოემბერი 2021, 11:14

რეგიონი

მუნიციპალური განვითარების ფონდი სკოლების მშენებლობისა და რეაბილიტაციის პროგრამას აგრძელებს

რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი აგრძელებს სკოლების მშენებლობისა და რეაბილიტაციის პროგრამას. ფონდი ქალაქ ზუგდიდში აკაკი წერეთლის სახელობის 1 და 12 საჯარო სკოლების სრულ სარეაბილიტაციო სამუშაოებს ახორციელებს. პროექტები საქართველოს მთავრობის მიერ 7 მილიონი ლარით ფინანსდება.

27 ნოემბერი 2021, 11:01

COVID19

საქართველოში კორონავირუსის დადებითობის დღიური მაჩვენებელი 7.59%-ს შეადგენს

26 ნოემბრის მდგომარეობით, დადებითობის დღიური მაჩვენებელი არის 7.59%, ბოლო 14 დღეში - 9.01%, ხოლო 7 დღეში - 9.03%. ამ დროისთვის საქართველოში კორონავირუსის 835 306 შემთხვევაა დადასტურებული. მათ შორის გამოჯანმრთელდა 774 458, გარდაიცვალა 11 871 პაციენტი.

ირაკლი მელაშვილი

27 ნოემბერი 2021, 11:00

პოლიტიკა

ირაკლი მელაშვილი: ოპოზიცია, ბოდიში და თქვენ მართლა ხომ არ გძმარავთ?!

საზოგადოებამ უნდა იცოდეს, რომ თქვენც თანამონაწილეები ხართ რამდენიმე საკრებულოში დატრიალებული მოვლენების, იმიტომ რომ ოპოზიციამ ამ გადაწყვეტილებით "ოცნებასთან" ერთად 3 დეკემბრამდე გაუხანგრძლივეთ ძველ საკრებულოებს უფლებამოსილება, - წერს თვითმმართველობის ექსპერტი ირაკლი მელაშვილი სოციალურ ქსელში.

27 ნოემბერი 2021, 10:59

მსოფლიო

ბაღდადში არჩევნების შედეგებს აპროტესტებენ

ბაღდადში 10 ოქტომბრის არჩევნების შედეგებს აპროტესტებენ. ასობით დემონსტრანტმა, რომლებიც პროირანულ ყოფილ გასამხედროებულ ძალასთან, „ეროვნული მობილიზაციის ძალებთან“ არიან კავშირში, ე.წ. „მწვანე ზონაში“ შესვლა სცადა. ამ ზონაში განთავსებულია სამთავრობო შენობები და უცხოური მისიები

27 ნოემბერი 2021, 10:54

COVID19

24 საათის განმავლობაში საქართველოში კოვიდვაქცინით 10 179 ადამიანი აიცრა

Stopcov-ზე გამოქვეყნებული მონაცემების თანახმად, ბოლო 24 საათის განმავლობაში საქართველოში კორონავირუსის საწინააღმდეგო აცრა 10 179-მა ადამიანმა გაიკეთა. სულ ქვეყანაში 2 145 233 აცრა გაკეთდა. ამ დროისთვის საქართველოში კორონავირუსის 835 306 შემთხვევაა დადასტურებული. მათ შორის გამოჯანმრთელდა 774 458, გარდაიცვალა 11 871 პაციენტი.

27 ნოემბერი 2021, 10:53

COVID19

საქართველოში კოვიდინფიცირების 4 058 ახალი შემთხვევა გამოვლინდა

Stopcov-ზე გამოქვეყნებული მონაცემების თანახმად, ბოლო 24 საათის განმავლობაში საქართველოში კორონავირუსი კიდევ 4 058 ადამიანს დაუდასტურდა, გამოჯანმრთელდა 2 157 პაციენტი. ამ დროისთვის საქართველოში კორონავირუსის 835 306 შემთხვევაა დადასტურებული. მათ შორის გამოჯანმრთელდა 774 458, გარდაიცვალა 11 871 პაციენტი.

27 ნოემბერი 2021, 10:52

COVID19

დღე-ღამეში საქართველოში 61 კოვიდინფიცირებული გარდაიცვალა

Stopcov-ზე გამოქვეყნებული მონაცემების თანახმად, ბოლო 24 საათის განმავლობაში საქართველოში კიდევ 61 კოვიდინფიცირებული გარდაიცვალა. ამ დროისთვის საქართველოში კორონავირუსის 835 306 შემთხვევაა დადასტურებული. მათ შორის გამოჯანმრთელდა 774 458, გარდაიცვალა 11 871 პაციენტი.

ადელი

27 ნოემბერი 2021, 10:33

კულტურა

ადელის ახალი ნამუშევარი წლის ყველაზე სწრაფად გაყიდვად ალბომად დასახელდა

ინგლისელი მომღერლის, ადელის ბოლო ნამუშევარი „30“ 2021 წლის ყველაზე სწრაფად გაყიდვად ალბომად დასახელდა და Abba-საც კი გადაასწრო, რომელიც, ამ დრომდე, აღნიშნული მაჩვენებლით, პირველ ადგილზე იყო.

27 ნოემბერი 2021, 10:29

თავდაცვა

თავდაცვის ინსტიტუციური აღმშენებლობის სკოლაში IT სპეციალისტებისთვის კიბერუსაფრთხოების ტრენინგი ჩატარდა

თავდაცვის ინსტიტუციური აღმშენებლობის სკოლაში (DIBS), კიბერუსაფრთხოების ბიუროსა და ესტონური მხარის თანამშრომლობით კიბერუსაფრთხოების ტრენინგი ჩატარდა. საინფორმაციო ტექნოლოგიების (IT) სპეციალისტებისთვის სწავლება კრიზისულ სიტუაციებში ურთიერთთანამშრომლობის გაღრმავებასა და ტექნიკური პერსონალისთვის დამატებითი ცოდნისა და უნარ-ჩვევების შეძენას ისახავდა მიზნად. ტრენინგი 2 სასწავლო კურსსა და კიბერსწავლებას მოიცავდა. სწავლებას ესტონელი კიბერექსპერტები უძღვებოდნენ.