თბილისის მეტროს მუშაობის შეფერხების მიზეზი დასახელდა

ტექნიკური ხარვეზის გამო მეტროსადგურ „300 არაგველზე“ მატარებელი მგზავრებისგან დაიცალა. ამის შესახებ imedinews-ს თბილისის სატრანსპორტო კომპანიაში განუცხადეს.

ხარვეზის გამო მეტროპოლიტენის მუშაობა 22:00 საათზე, ნახევარი საათით შეფერხდა. ხარვეზის მიზეზი ძრავის გადახურება იყო, რის გამოც მატარებელი მეტროსადგურში „ისანი“ დაიცალა. ძრავის გადახურების მიზეზი ჯერ უცნობია, მომხდარს სფეროს სპეციალისტები სწავლობენ. 

შეფერხების დროს მეტროპოლიტენის მგზავრები სადგურიდან „300 არაგველები“ „ახმეტელის თეატრის“ მიმართულებით და უკან შეუფერხებლად გადაადგილდებოდნენ. მეტროსადგურ „300 არაგველიდან“ მატარებლების მოძრაობა „ვარკეთილამდე“ კი შეფერხებული იყო.

მეტროპოლიტენმა სრული დატვირთვის მუშაობა 22:30 წუთზე განაახლა.