ბათუმში ლოზუნგით „ჰერმან საბო მეფედ“ და „გირჩი პარლამენტში“ აქცია გაიმართა

„გირჩი პარლამენტში“ და „საბო მეფედ“ - ამ ლოზუნგებით ბათუმში „გირჩის“ კანდიდატის ჰერმან საბოს მხადამჭერი აქცია მიმდინარეობს. ცენტრალურ პარკში შეკრებილები ამბობენ, მათი კანდიდატის ყოფნა პარლამენტში ნიშნავს მეტ თავისუფლებას. ისინი მთაწმინდელებს არჩევნებში აქტიურობისკენ და მხადაჭერისკენ მოუწოდებენ.

„როგორც გირჩს სჩვევია, სპონტანურად დავგეგმეთ მხარდამჭერი აქცია. მოვუწოდებთ მთაწმინდელებს მხარი დაუჭირონ ჩვენს კანდიდატს. გირჩის ყოფნა პარლამეტში ნიშნავს, მეტ თავისუფლებასა და ნაკლებ სულელურ და პოპულისტურ გადაწყვეტილებებს“, - განაცხადა აქციის ერთ-ერთმა მონაწილემ გიორგი ფუტკარაძემ.

ჰერმან საბო თბილისში, მთაწმინდის ოლქში, პარლამენტის მაჟორიტარი დეპუტატობისთვის კენჭს იყრის. მისი კომკურენტები არიან მმართველი პარტიიდან ლადო კახაძე და „ევროპული საქართველოს“ და „თავისუფალი დემოკრატების“ კანდიდატი შალვა შავგულიძე.