imedi /  22 ივნისი 2019, 16:11 / სანდო წყარო

კადიროვი საქართველოს დაემუქრა: თბილისამდე სულ რაღაც 200 კილომეტრია

რამზან კადიროვი

რამზან კადიროვი

ჩეჩნეთის ლიდერი რამზან კადიროვი საქართველოს ემუქრება. თბილისამდე სულ რაღაც 200 კილომეტრია,- იმუქრება კადიროვი. ის საქართველოში განვითარებული მოვლენებით შეშფოთებულია. ამის შესახებ ის Telegram-ზე წერს.

კადიროვი ამტკიცებს, რომ ქართული კულტურა და ლიტერატურა მსოფლიომ რუსეთის წყალობით გაიცნო. კადიროვის აზრით, რუსეთსა და საქართველოს შორის ურთიერთობის გამწვავებას დასავლეთის ქვეყნები ცდილობენ.

„დროა, საქართველოს ხელისუფლებამ გაიგოს, რომ მათ რუსეთის გარდა არ ჰყავთ მეზობელი, არც ერთი სხვა სახელმწიფო, რომელიც სულ რაღაც ერთ საათში შეძლებს დახმარების ხელი გამოგიწოდოთ. ნახეთ რამდენი ქვეყანა დაღუპა ამერიკის სიყვარულმა“, - წერს კადიროვი.

რუსეთის პრეზიდენტმა ბრძანებას მოაწერა ხელი, რომლის თანახმადაც 8 ივლისიდან რუსულ ავიაკომპანიებს საქართველოში რუსეთის მოქალაქეების გადაყვანა ეკრძალებათ. ამასთან, უსაფრთხოების მიზნით ტურისტულ ოპერატორებსა და სააგენტოებს აკრძალვის პერიოდში საქართველოში ტურების დაგეგმვაზე უარის რეკომენდაცია მიეცა.

გარდა ამისა, ვლადიმერ პუტინმა ხელისუფლებას დაავალა, რომ საქართველოში მყოფი რუსეთის მოქალაქეების სამშობლოში დაბრუნება უზრუნველყონ.

მანამდე რუსეთის პრეზიდენტმა თბილისში განვითარებული მოვლენები უშიშროების საბჭოს სხდომაზე განიხილა და საგარეო საქმეთა მინისტრს, სერგეი ლავროვს დაავალა, საქართველოში მყოფი რუსეთის მოქალაქეები არსებული საფრთხეების შესახებ საქმის კურსში ჩაეყენებინა.

20 ივნისს, დილით პარლამენტის თავმჯდომარისთვის განკუთვნილი ადგილიდან მართლმადიდებლური საპარლამენტთაშორისო ასამბლეის წევრებს სიტყვით რუსეთის დუმის კომუნისტური პარტიის წევრმა სერგეი გავრილოვმა მიმართა, რასაც საკანონმდებლო ორგანოსთან მოგვიანებით საპროტესტო აქცია მოჰყვა.

ყველა სიახლე

დონალდ ტრამპი

10 აპრილი 2020, 21:14

COVID19

დონალდ ტრამპი: მაშინ, როდესაც ჩვენი ერი უხილავ მტერს ებრძვის, კვლავ ვადასტურებთ, რომ ამერიკელებს ლოცვის ძალის სჯერათ

წითელ პარასკევს აშშ-ის პრეზიდენტმა დონალდ ტრამპმა მადლობა გადაუხადა მათ, ვინც კორონავირუსთან ბრძოლის წინა ხაზზე დგას და ამერიკელებს ქვეყნისთვის ლოცვისკენ მოუწოდა.

კორონავირუსი ვიდეო

10 აპრილი 2020, 21:12

COVID19

როგორ ვრცელდება კორონავირუსი დაინფიცირებული ადამიანის ხველის დროს. ვიდეო

ფინელმა მეცნიერებმა კორონავირუსით ინფიცირებული ადამიანის ხველის მოდელირებული ვერსია შექმნეს. კვლევის შედეგები აალტოს უნივერსიტეტის ვებგვერდზე გამოქვეყნდა. სპეციალისტებმა შექმნეს სამგანზომილებიანი მოდელი, რომელიც აჩვენებს, როგორ ვრცელდება კორონავირუსის ნაწილაკები დახურულ სივრცეში.

ვულკანი მერაპი

10 აპრილი 2020, 21:11

მსოფლიო

კუნძულ იავაზე სტრატოვულკანი მერაპი ამოიფრქვა

ინდონეზიაში, კუნძულ იავაზე აქტიური სტრატოვულკანი მერაპი ამოიფრქვა. ფერფლის სვეტის სიმაღლემ 3 კილომეტრი შეადგინა. ინფორმაციას სააგენტო ANTARA ადგილობრივ გეოლოგიური რისკების სამსახურზე დაყრდნობით ავრცელებს.

10 აპრილი 2020, 20:50

COVID19

წალენჯიხაში „ევექსის“ ცხელების ცენტრი 15 პაციენტის მიღებას შეძლებს

ჯანდაცვის კომიტეტის თავმჯდომარე დიმიტრი ხუნდაძემ წალენჯიხის რაიონული საავადმყოფო ვითარების გაცნობის მიზნით დაათვალიერა. შემუშავებულია რეკომენდაციები. „ევექსის“ კლინიკაში ცხელების ცენტრი ამოქმედდა და 3 პაციენტის მიღების რესურსი აქვს. შემდეგ ეტაპზე კი პერსონალი 15 ადამიანის მიღებას შეძლებს.

10 აპრილი 2020, 20:46

COVID19

The Guardian: იტალიური მაფია კორონავირუსით დაზარალებულ მოსახლეობას ეხმარება

მწვავე პანდემიის ფონზე იტალიური მაფია ქველმოქმედებით დაკავდა. ამის შესახებ გამოცემა The Guardian იტყობინება. გავრცელებული ინფორმაციით, მაფიოზური დაჯგუფებები ღარიბ მოსახლეობას ეხმარებიან და მათ სურსათსა და პირველადი მოხმარების საგნებს აწვდიან. კატანძაროს პროვინციის პროკურორის, ნიკოლა გრატერის მტკიცებით, მაფიის ბოსებს ღარიბი მოსახლეობის თვალში გმირად წარმოჩენა სურთ, თუმცა კარანტინის დასრულების შემდეგ ისინი მოსახლეობას სავარაუდოდ თავიანთ სამსახურში სთხოვენ ჩადგომას ან მათთვის სასურველი პოლიტიკოსებისთვის ხმის მიცემას. დღეისათვის იტალიაში კორონავირუსის 147 ათასზე მეტი შემთხვევაა დადასტურებული, კოვიდ-19-ით გარდაცვლილთა რიცხვი კი 19 ათასს უახლოვდება.

აზიური კრაზანა

10 აპრილი 2020, 20:45

მსოფლიო

დიდ ბრიტანეთში გიგანტური აზიური კრაზანების შემოსევისთვის ემზადებიან

დიდ ბრიტანეთში გიგანტური აზიური კრაზანების შემოსევისთვის ემზადებიან. ინფორმაციას ამის შესახებ გამოცემა The Mirror-ი ავრცელებს. გამოცემის ცნობით, კრაზანას ერთი კბენა ალერგიის მქონე ადამიანს კლავს. The Mirror-ის ინფორმაციით, მწერებთან საბრძოლველად ქვეყნის ხელისუფლებამ 7,6 მილიონი გირვანქა გამოყო.

საქართველოს პროკურატურა

10 აპრილი 2020, 20:37

სამართალი

კაცს, რომელმაც კორპუსის მე-12 სართულიდან ძაღლი გადააგდო ბრალი წარედგინა

ახალციხის რაიონულმა პროკურატურამ ქ.ბორჯომში ცხოველის მიმართ განხორციელებული სასტიკი მოპყრობის ფაქტზე დაკავებულს ბრალი წარუდგინა. გამოძიებით დადგინდა, რომ 2020 წლის 6 აპრილს, მთვრალ მდგომარეობაში მყოფმა ბრალდებულმა ქ.ბორჯომში მდებარე ერთ-ერთი საცხოვრებელი კორპუსის მე-12 სართულიდან ძაღლი გადააგდო, რის შედეგად ცხოველმა ჯანმრთელობის სხვადასხვა სახის დაზიანება მიიღო. სამართალდამცველებმა პირი 2020 წლის 8 აპრილს დააკავეს. მას ბრალი საქართველოს სისხლის სამართლის კოდექსის 259-ე მუხლის პირველი ნაწილით (ცხოველისადმი სასტიკი მოპყრობა, რამაც მისი დასახიჩრება გამოიწვია) წარედგინა.

ზუგდიდის „ევექსი“

10 აპრილი 2020, 20:33

COVID19

ზუგდიდის „ევექსის“ კლინიკაში კორონავირუსის სიმპტომებით ორი პაციენტი შეიყვანეს

ზუგდიდის „ევექსის“ რეფერალურ კლინიკაში კორონავირუსისთვის დამახასიათებელი სიმპტომებით ორი პაციენტი შეიყვანეს. მათი ბიოლოგიური მასალა შემდგომი კვლევისთვის გადაგზავნილია ლუგარის ლაბორატორიაში. ერთ-ერთი პაციენტი ოკუპირებული აფხაზეთის გალის რაიონიდანაა და ის ქართული მხარის მიერ კონტროლირებად ტერიტორიაზე, კარანტინში იმყოფებოდა. მედიკოსების ინფორმაციით, მას თანმდევი დაავადება აქვს.

10 აპრილი 2020, 20:30

COVID19

იტალიაში კორონავირუსით ინფიცირების ყოველდღიური მაჩვენებელი მცირდება

იტალიაში ბოლო 24 საათში კორონავირუსით ინფიცირების 1 396 შემთხვევა დაფიქსირდა, რაც 9 აპრილის მონაცემებთან შედარებით 10%-ით ნაკლებია. აღნიშნულს ცხადყოფს იტალიის სამოქალაქო თავდაცვის სამსახურის მიერ გამოქვეყნებული მონაცემები.

10 აპრილი 2020, 20:30

COVID19

UNICEF-ის წარმომადგენელმა საქართველოს ბრძოლას COVID-19-ის წინააღმდეგ მაღალი შეფასება მისცა

საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა საქართველოში გაეროს ბავშვთა ფონდის (UNICEF) წარმომადგენელთან ღასან ხალილთან ვიდეოკონფერენცია გამართა. შეხვედრის ძირითად მიზანს COVID-19-ის 2020 წლის პანდემიით განათლების სფეროში შექმნილი გამოწვევების დასაძლევად უკვე გატარებული და დაგეგმილი ღონისძიებების განხილვა წარმოადგენდა.

10 აპრილი 2020, 20:28

საზოგადოება

თბილისი „ევროპის ახალგაზრდული ბარათის ასოციაციის“ წევრი გახდა

თბილისი „ევროპის ახალგაზრდული ბარათის ასოციაციის“ წევრი გახდა. ასოციაციის წევრობა საქართველოს დედაქალაქს ანიჭებს უფლებას, ევროპის ახალგაზრდული ბარათი ქართველ ახალგაზრდებსა და სტუდენტებზე გასცეს. ბარათის საშუალებით, ქართველ ახალგაზრდებს საშუალება ეძლევათ, ევროპის 36 ქვეყანაში 60 000-მდე პროდუქტსა თუ მომსახურებაზე ფასდაკლებით ისარგებლონ. ბარათის მფლობელები ფასდაკლებას მიიღებენ შემდეგი მიმართულებებით: მოგზაურობა, სასტუმროები, კულტურული ღირსშესანიშნაობები, კვების ობიექტები, ქსელური მაღაზიები და სხვა. „ევროპის ახალგაზრდული ბარათის ასოციაცია“ 1987 წელს დაარსდა. ამ ეტაპზე, ასოციაცია ევროპის 36 ქვეყანაში 40 ორგანიზაციას აერთიანებს და გაცემული აქვს 6 მილიონი ბარათი. ბარათის მთავარი მიზანი სოციალური, კულტურული, საგანმანათლებლო და ეკონომიკური მიმართულებით, ახალგაზრდების გაძლიერება და მხარდაჭერაა.

ნინო ოკრიბელაშვილი

10 აპრილი 2020, 20:18

საზოგადოება

ფსიქიატრ ნინო ოკრიბელაშვილის რჩევები შფოთვითი შეტევებისას

როდესაც შფოთვა დაგეწყებათ, მედიკამენტებს ნუ დაეყრდნობით, სჯობს ალტერნატიულ საშუალებებზე იფიქროთ - ამის შესახებ ფსიქიატრმა ნინო ოკრიბელაშვილმა, ვიდეომიმართვაში ისაუბრა. „მაგალითად ყურადღების გადატანა ერთი აქტივობიდან მეორე აქტივობაზე. ასევე სუნთქვითი ვარჯიშები, რომელიც არის რელაქსაციური ტექნიკა. ჯანდაცვის მსოფლიო ორგანიზაციამ რეკომენდაციის სახით გაავრცელა რამდენიმე პლატფორმა, სადაც არის სარელაქსაციო მუსიკა, რომლის მოსმენის პარალელურად თქვენ შეგიძლიათ რელაქსაციაც მიიღოთ. როდესაც ადამიანს შფოთვა აქვს, უფრო მეტად ხვნეშის, უფრო გახშირებულად სუნთქავს. ამ დროს მოგრძო ტვინს ეძლევა ინფორმაცია, რომ პანიკაა. სუნტქვის ცენტრ მიეწოდება ინფორმაცია, რომ უფრო მეტად გაახშიროს და ჟანგბადი შეიწოვოს. სინამდვილეში ორგანიზმში მეტია ჟანგბადი. ალბათ გინახავთ ფილმებში როდესაც შფოთვითი შეტევის დროს პაკეტებში იწყებენ სუნთქვას. თუ გემატებათ აგრესიულობა, შეგიძლიათ გამოიყენოთ ბალიში, რომელსაც ხელით დაამუშავებთ.სახლის დალაგებაც არის ერთ-ერთი რეკომენდაცია. ითვლება, რომ როდესაც ჩვენი გარემო არ არის დალაგებული ჩვენი აზრებიც ამ დროს ქაოსურია“, - განაცხადა ოკრიბელაშვილმა.

კიმ ჩენ ინი

10 აპრილი 2020, 20:17

მსოფლიო

ჩრდილოეთ კორეის ლიდერმა კიმ ჩენ ინმა არაგეგმიური საარტილერიო წვრთნები ჩაატარა

ჩრდილოეთ კორეის ლიდერმა კიმ ჩენ ინმა არაგეგმიური საარტილერიო წვრთნები ჩაატარა. ამის შესახებ ინფორმაციას კორეის ცენტრალური სატელეგრაფო სააგენტო ავრცელებს.

წალენჯიხა

10 აპრილი 2020, 20:11

COVID19

წალენჯიხის მუნიციპალიტეტში 550-მდე ბენეფიციარს სასურსათო ვაუჩერი ურიგდება

პანდემიასთან ბრძოლის პირობებში წალენჯიხის მუნიციპალიტეტის მასშტაბით, ქალაქად და სოფლად, უკიდურეს გაჭირვებაში მყოფ 550-მდე ბენეფიციარს - ხანდაზმულ მარტოხელებს, სასურსათო ვაუჩერი ურიგდება. წალენჯიხა-ჩხოროწყუს მაჟორიტარმა დეპუტატმა გოგა გულორდავამ, წალენჯიხის მუნიციპალიტეტის მერმა ბესიკ ფარცვანიამ, წალენჯიხის მუნიციპალიტეტის საკრებულოს თავმჯომარემ თემურ ღვინჯილიამ და საკრებულოს წევრებმა პირადად დაურიგეს ვაუჩერები ბენეფიციარებს.

10 აპრილი 2020, 20:11

COVID19

აჭარაში ტესტირების შედეგად 30 ადამიანს კორონავირუსი არ დაუდასტურდა

აჭარაში კორონავირუსზე კიდევ 30 პირი გამოიკვლიეს. აჭარის ჯანდაცვის სამინისტროს ინფორმაციით, ყველას პასუხი უარყოფითია.

გურჯაანის მერი

10 აპრილი 2020, 20:07

COVID19

გურჯაანის მუნიციპალიტეტში სოციალურად გაჭირვებულ 2000 ოჯახს სასურსათო კალათები ეტაპობრივად გადაეცემა

გურჯაანის მუნიციპალიტეტის მასშტაბით სოციალურად გაჭირვებულ 2 ათას ოჯახს სასურსათო კალათები ეტაპობრივად გადაეცემა. სურსათი დღეს რამდენიმე ოჯახს გურჯაანის მუნიციპალიტეტის მერმა არჩილ ხანდამაშვილმა, მერიის საჯარო მოხელეებისგან შემდგარ მოხალისეთა ჯგუფთან ერთად პირადად მიუტანა.

ბორის ჯონსონი

10 აპრილი 2020, 19:55

COVID19

ბორის ჯონსონი, რომელიც ინტენსიური თერაპიის განყოფილებიდან პალატაში გადაიყვანეს, უკვე დამოუკიდებლად გადაადგილდება

დიდი ბრიტანეთის პრემიერ-მინისტრი ბორის ჯონსონი, რომელიც ინტენსიური თერაპიის განყოფილებიდან პალატაში გადაიყვანეს, უკვე დამოუკიდებლად გადაადგილდება. ამის შესახებ პრემიერ-მინისტრის აპარატში განაცხადეს.

მარინა ეზუგბაია

10 აპრილი 2020, 19:52

COVID19

მარინა ეზუგბაია: ქართული პირბადე იცავს ადამიანს ნებისმიერი წვეთოვანი ინფექციისგან, მათ შორის კორონავირუსისგან

საქართველოში წარმოებული პირბადე ტესტირებულია დაავადებათა კონტროლის ეროვნული ცენტრის უსაფრთხოების სამსახურის მიერ და ყველა კრიტერიუმს აკმაყოფილებს, - ამის შესახებ ჟურნალისტებს ინფექციური საავადმყოფოს სამედიცინო დირექტორმა, მარინა ეზუგბაიამ განუცხადა.

10 აპრილი 2020, 19:29

COVID19

ინტერნეტი ბანგკოკელი ახალშობილების ფოტომ მოიცვა, რომლებსაც კორონავირუსისგან დამცავი ფარები უკეთიათ

სოციალურ ქსელში გავრცელდა ფოტო, სადაც 2 ახალშობილს კორონავირუსისგან დამცავი ფარები უკეთია. ფოტოს სხვადასხვაგვარი გამოხმაურება მოჰყვა. ზოგი მიიჩნევს, რომ ასეთ აღჭურვილობაში მყოფი ბავშვები საყვარლები არიან, ზოგი კი ფიქრობს რომ ფოტო შემზარავია. ტაილანდში კორონავირუსით 2,473 ადამიანია ინფიცირებული, გარდაცვლილთა რაოდენობა 33-ია, გამოჯანმრთელებულია 1,013 ადამიანი. ბოლო 24 საათის განმავლობაში, ტაილანდში 54 ახალი შემთხვევა დაფიქსირდა, აქედან 21 ბანგკოკში. ინფორმაციას ამის შესახებ Mirror ავრცელებს.

10 აპრილი 2020, 19:24

მსოფლიო

რუსეთისა და ამერიკის პრეზიდენტებმა სატელეფონო საუბარი გამართეს

რუსეთისა და ამერიკის პრეზიდენტებმა სატელეფონო საუბარი გამართეს. როგორც კრემლის პრესსამსახური იუწყება, მხარეებმა კოსმოსის სფეროში ორ ქვეყანას შორის თანამშრომლობის საკითხი განიხილეს. კრემლის ინფორმაციით, ვლადიმერ პუტინმა და დონალდ ტრამპმა ნავთობის მსოფლიო ბაზარზე არსებული ვითარება და კორონავირუსთან ბრძოლის საკითხი განიხილეს.