გამოკითხულთა 56%-ს გადაწყვეტილი არ აქვს „ვის მისცემდა ხმას ხვალ რომ არჩევნები იყოს“

„ეროვნულ დემოკრატიული ინსტიტუტის“ (NDI) კვლევის თანახმად, კითხვაზე „ხვალ რომ არჩევნები იყოს ვის მისცემდით ხმას“, გამოკითხულთა 56%-ს გადაწყვეტილი არ აქვს, 39%-მა იცის, ხოლო 3%-მა არ იცის ვის მისცემდა ხმას. 

ამასთან, საპარლამენტო არჩევნები ხვალ რომ ტარდებოდეს მონაწილეობას, გამოკითხულთა 65% მიიღებდა, 35% კი არ მიიღებდა მონაწილეობას. 

ახალი მეთოდით გამოკითხვის შემთხვევაში, რომელიც გულისხმობს რესპოდენტებისთვის პლანშეტის გადაცემას რათა თავად მონიშნოს პასუხი, კითხვაზე "ხვალ რომ არჩევნები ტარდებოდეს, რომელ პარტიას/გაერთიანებას მისცემდით ხმას", გამოკითხულთა 20%-მა "ქართული ოცნება" დაასახელა, 14%-მა უარი თქვა პასუხზე, 14% - არცერთი პარტია, 13% - ნაციონალური მოძრაობა, 12% - არ იცის, 8% - ევროპული საქართველო - თავისუფალი დემოკრატები, 5% - ლეიბორისტული პარტია, 4% - პატრიოტთა ალიანსი, 3% - პოლიტ.პლატფორმა ახალი საქართველო, 3% - დემოკრატიული მოძრაობა - ერთიანი საქართველო, 2% - გირჩი, 2% - სხვა. 

ამასთან, კითხვაზე "ხვალ რომ არჩევნები ტარდებოდეს, თქვენი აზრით, რომელი პარტია მიიღებდა ყველაზე მეტ ხმას", 32% ამბობს, რომ "ქართული ოცნება", 14% - არ იცის; 12% - უარი პასუხზე, 11% - არცერთი; 6% - ევროპული საქართველო - თავისუფალი დემოკრატები; 3% - პატრიოტთა ალიანსი, 2% - ლეიბორისტული პარტია და ა.შ. 

კვლევის საველე სამუშაოები ჩატარდა 2019 წლის 19 ნოემბერი-13 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 2,180 პირისპირ ინტერვიუს წარმომადგენლობითი შერჩევის საფუძველზე. გამოკითხვის საშუალო ცდომილების ზღვარი +/- 1.9 პროცენტია.