კახა კუჭავა: პარტნიორებთან კომუნიკაციის აქტიურ ფაზაში ვართ

პარლამენტის თავმჯდომარის მოადგილის, კახა კუჭავას განცხადებით, მიუხედავად იმ წერილებისა, რომელიც ხელისუფლებამ ამერიკელი პოლიტიკოსებისგან მიიღო, ფაქტი, რომელსაც ოფიციალური ვაშინგტონი აცხადებს, ის არის, რომ ასეთი წარმატებული და მაღალ დონეზე საქართველოსა და აშშ-ს შორის უთიერთობა აქამდე არ ყოფილა. ამის შესახებ კახა კუჭავამ გადაცემა „კვირის თემაში“ განაცხადა.

კუჭავას განცხადებით, ამ  ოფიციალურად გაცხადებული დამოკიდებულების მიუხედავად, ხელისუფლებისთვის თითოეული წერილი საყურადღებოა და უნდა გაირკვეს მიზეზი, თუ რატომ დაიწერა ასეთი წერილი. აქვე კუჭავა ამბობს, რომ ზოგ შემთხვევაში წერილებში ჩანს,  დეზინფორმაცია ჩანს.

„თქვენ [ტვ იმედს] გქონდათ საინტერესო სიუჟეტები თუ როგორ ხდება მანიპულირება ინფორმაციით, ფაქტების არასწორად მიწოდებით, ე.წ. ფეიკნიუსებით. არის შემთხვევები, რომლებსაც სამწუხაროდ ადგილი აქვს და როგორც ჩანს გარკვეულ ნაწილზე მოქმედებს ეს, ყველაზე ვერ ვიტყვით. განსაკუთრებით მათზე, რომელთაც კონკრეტული მიზნები ამოძრავებდათ როდესაც ეს წერილები იწერებოდა, მაგალითად „ფრონტერას“ საქმეს ვგულისხმობ“,- განაცხადა კახა კუჭავამ.

რაც შეეხება ახლა მმართველი გუნდის მიერ ამერიკელ პარტნიორებთან კომუნიკაციას, კახა კუჭავა ამბობს, რომ იყო აქტიური ურთიერთობა, საინტერესო ვიზიტები და აქტიური კომუნიკაცია და დღესაც აქტიურ ფაზაში არიან:

„მნიშვნელოვანია, როცა პირადად ვხვდებით და პირადად ვსაუბრობთ ამ საკითხებზე. ერთია წერილით გამოგზავნილი, მეორეა როდესაც პირადად გიხსნის რა არის ამის გამოგზავნის საფუძველი. ეს ტენდენცია სამწუხაროდ არის არა მხოლოდ აშშ-ში, არამედ ევროპარლამენტშიც. ჩემი ვიზიტის დროს ეს ძალიან კარგად იგრძნობოდა და პირად საუბრებშიც ჩანდა ის, რომ თვითონაც ხვდებიან, რომ არასწორი ინფორმაცია აქვთ მიწოდებული და ამის საფუძველზე გააკეთეს დასკვნები. თუმცა სწორედ ამის გამოც ვიყავით ჩასული, გვქონდა ცალკეული შეხვედრები, სადაც კონკრეტული ფაქტებით ვსაუბრობდით“, - განაცხადა კახა კუჭავამ და დასძინა, რომ „ძალიან რთულია ებრძოლო ყალბ ინფორმაციას“. 

რაც შეეხება უცხოელი პარნტიორების მხრიდან მმართველი გუნდის კრიტიკას პროპორციული საარჩევნო სისტემის ჩაგდებასთან დაკავშირებით, კუჭავა ამბობს, რომ ეს საკითხი „იმაზე მეტად არ უნდა გავაბუქოთ, ვიდრე რეალობას წარმოადგენს“

„ეს არის საქართველოს პარლამენტი და ისე როგორც ყველა პარლამენტში კონკრეტული კანონპროექტი გამოდის და დეპუტატები იღებენ გადაწყვეტილებას მხარი დაუჭიროს თუ არ დაუჭიროს. ანუ არანაირ არაკანონიერ ქმედებს ადგილი არ აქვს.

ის, რომ ეს იყო დაპირება და დაპირება ვერ შეასრულო პარტიამ იყო სიურპირიზი გუნდის წევრებისთვის - უმრავლესობის უმრავლესობისთვის, მაგრამ ამის გამოყენება საფუძვლად, რომ თუნდაც შემდეგი არჩევნების ლეგიტიმაცია დააყენო კითხვის ნიშნის ქვეშ, ან მოგეცეს მიზეზი, რომ შეიჭრა პარლამენტის შენობა იქნება თუ ნებისმიერი სხვა სახელმწიფო უწყება, ან იძალადო პოლიციელზე, რომლის ფაქტების არის - ეს არის ის საკითხები, რომელზეც ვერსადროს იქნება ოპოზიციის მხრიდან გამართლება.

ჩვენ გავეცით პირობა, პირობა ვერ შესრულდა. იმის სააუბარი და მტკიცება, რომ ამბოხი არ იყო და მათი ნება იყო - ფაქტი არის შედეგი. შედეგი არის ის, რომ საკონსტიტუციო ცვლილებები ჩავარდა და შესაბამისი ხმები ვერ დააგროვა. ის მოცემულობა, რომ კანონპროექტი ვერ გავიდა, აძლევს ვინმეს საფუძველს, რომ არალეგიტიმური გზით მოითხოვოს პარლამენტში შეჭრა, მთავრობის გადაგდება? ის, რომ უკეთესი იქნებოდა გვეუბნებიან, დიდი მადლობა, ეს მეც ვიცი და ვწუხვარ, რომ ჩემი პოზიციიდან გამომდინარე, რომელიც მომხრე ვარ პროპორციული სისტემის, არ იქნებოდა დღეს ეს მოცემული რეალობა.