კახა კალაძე: ეუთო/ოდირი არ არის ის ორგანიზაცია, ვინც ადგენს ე.წ გერმანული მოდელი რამდენად შეესაბამება საქართველოს კოსტიტუციას

„ეუთო/ოდირი არ არის ის ორგანიზაცია, ვინც ადგენს ე.წ გერმანული მოდელი რამდენად შეესაბამება საქართველოს კოსტიტუციას“, - ეს განცხადება კახა კალაძემ ჟურნალისტებთან საუბრისას გააკეთა.

ის მიჩნევს, რომ ამ კითხვის გაგზავნა ოდირისთვის შეცდომა იყო და ოპოზიციამ სახალხო დამცეველი ამ კითხვის გაგზავნისთვის გამოიყენა. მისივე თქმით, ოპოზიციის მიერ შემოთავაზებული მოდელი არა გერმანული, არამედ ავღანურია და ქვეყანა ვერ დაბრუნდება 80-იან, ან 90-იან წლებში.

კალაძის თქმით, „არჩევნებს არა საარჩევნო სისტემები, არამედ ქართველი ხალხი იგებს“.

ოპოზციის მიერ შეთავაზებულ სააარჩევნო მოდელზე ეუთო/ოდირმა დასკვნა გამოაქვეყნა, რომელშიც ნათქვამია, რომ საერთაშორისო სტანდარტები არ აწესებს საარჩევნო სისტემების არჩევას, სისტემა, როგორიც არ უნდა იყოს, ქვეყნის სუვერენული გადაწყვეტილებაა, ხოლო ამა თუ იმ სისტემის არჩევა ფართო დისკუსიებისა და კონსენსუსის საგანი უნდა იყოს. 

ეუთო/ოდირის დასკვნაზე ოფიციალური განცხადება გაკეთდა მმართველი პარტიის ცენტრალურ ოფისში. როგორც ირაკლი კობახიძემ განაცხადა, ოპოზიციამ ეუთოში გააგზავნა საარჩევნო კოდექსის გერმანული მოდელის დამახინჯებული ვარიანტი და პასუხიც მიიღო შესაბამისი.

2019 წლის ნოემბერში ოპოზიციამ არჩევნების გერმანული მოდელით ჩატარება მოითხოვა.  შემდეგ კი კანონპროექტიც შეიმუშავა. ამ ინიციატივით პირველად „შენების მოძრაობა“ გამოვიდა.