ოთარ კახიძე: ჩვენი თვითმიზანი არასდროს ყოფილა ქუჩის საპროტესტო აქციები

„ევროპული საქართველოს“ წევრის, დეპუტატ ოთარ კახიძის განცხადებით, მაჟორიტარებისა და პროპორციულად არჩეული დეპუტატების რაოდენობა რომ შეიცვალოს არა 100/50-ზე არამედ, მაგალითად 130/20-ზე, ამ შემთხვევაში მთავრობა რომ დააკომპლექტოს რომელიმე პოლიტიკურმა ძალამ არჩევნებში სჭირდება 45%-იანი მხარდაჭერა მაინც, განსხვავებით 100/50-ის შემთხვევაში. ამის შესახებ კახიძემ გადაცემა „კვირის თემაში“ განაცხადა.

„45%-იანი მხარდაჭერა კი უკვე შესაძლებელს ხდის იმისას, რომ ხალხის მანდატი აქვს პირველ ადგილზე გასულ პარტიას. 27%-იანი მხარდაჭერით (100/50-ის შემთხვევაში) ეს გამოხატული ვერ იქნება. ამიტომ ეს ვარიანტი [130/20-ზე] ახლოს იქნება მთავარ პრინციპთან - ერთმანეთთან ახლოს იყოს ხალხის მხარდაჭერა და არჩეული დეპუტაცია, ნებისმიერ ამგვარ წინადადებაზე ჩვენ ღია ვართ. ჩვენ კიდევ შევთავაზებთ სხვადასხვა კომპრომისულ ვარიანტს. ჩვენი თვითმიზანი არასდროს ყოფილა ქუჩის საპროტესტო, აქციები, ლეგიტიმური და მწვავე“, - განაცხადა ოთარ კახიძემ. 

წამყვანის შეკითხვაზე შეიძლება ითქვას თუ არა ოპოზიციის შეთავაზება მეხუთე რაუნდის დროს ხელისუფლების მიმართ იქნება 130/20-ზე ოთარ კახიძემ უპასუხა:

„არ  მინდა დავასახელო კონკრეტული რაოდენობა დეპუტატების, ამ საკითხზე გადაწყვეტილებას ოპოზიციური გაერთიანება ერთობლივად მიიღებს“, - განაცხადა კახიძემ.