imedi /  18 თებერვალი 2020, 23:32 / სანდო წყარო

ირაკლი სესიაშვილი: ჩვენს ოპონენტებს არჩევნებზე მეტად არჩევნების მეორე დღე აინტერესებთ

ირაკლი სესიაშვილი

ირაკლი სესიაშვილი

ნებისმიერ ხელისუფლებას და ქვეყანას სჭირდება მშვიდობა, რომ ქვეყანა ეკონომიკურად გაძლიერდეს და მოსახლეობამ მეტი კეთილდღეობა მიიღოს. ეს არ აწყობს ჩვენს ოპონენტებს, ვინაიდან მათ სურთ, ადამიანებში დათესონ უიმედობა და დაძაბულობის მუდმივი განცდა შექმნან, - ამის შესახებ ტელეკომპანია „იმედის“ გადაცემაში „არენა“ პარლამენტის თავდაცვისა და უშიშროების კომიტეტის თავმჯდომარემ, ირაკლი სესიაშვილმა განაცხადა.

„ჩვენი ოპონენტები არჩევნებზე არ არიან კონცენტრირებულები, მათ უფრო მეტად არჩევნების მეორე დღე აინტერესებთ. უნდა ვუთხრათ საზოგადოებას სიმართლე, ვინაიდან ის, რასაც ახლა ვხედავთ, შემთხვევით არ ხდება. ოპოზიცია პარლამენტში არ შემოდის და ქმნის განცდას, თითქოს ქვეყანაში პოლიტიკური კრიზისია, თუმცა კლასიკური გაგებით არანაირი პოლიტიკური კრიზისი არაა. ისინი ცდილობენ დაძაბულობა შექმნან, თითქოს მათ შესწევთ ძალა, რომ პარლამენტის პიკეტირება მოახდინონ, ეს მათი სტრატეგიის ნაწილია. თუ 20 ივნისის მოვლენებს პოლიტიკურ ჭრილში შევხედავთ, მიხეილ სააკაშვილმა პირდაპირ აღიარა, რომ წკიპზე იყო ხელისუფლების დამხობის მცდელობა. მათ ძალიან კარგად იციან, რომ კრიზისის ინსპირირება არჩევნების შემდეგ სიტუაციის გამწვავებისკენაა მიმართული. პოლარიზაცია, დესტაბილიზაცია არ შედის ხელისუფლების ინტერესში. ნებისმიერ ხელისუფლებას და ქვეყანას სჭირდება მშვიდობა, რომ ქვეყანა ეკონომიკურად გაძლიერდეს და მოსახლეობამ მეტი კეთილდღეობა მიიღოს. ეს არ აწყობს ჩვენს ოპონენტებს, ვინაიდან მათ სურთ, ადამიანებში დათესონ უიმედობა და დაძაბულობის მუდმივი განცდა შექმნან“, - განაცხადა სესიაშვილმა.

ის ასევე გამოეხმაურა ყოფილი პრეზიდენტის, გიორგი მარგველაშვილის განცხადებას, რომელმაც მიხეილ სააკაშვილთან დემოკრატიის გაძლიერებაზე საუბრის მზადყოფნა გამოთქვა.

„გიორგი მარგველაშვილის განცხადება ჩემთვის, შესაძლოა, ღიმილის მომგვრელი იყოს, მაგრამ ეს არის ჩვენი საზოგადოების პოლიტიკური აზროვნების ტრაგედია. ვინმეს თუ დემოკრატიაზე ესაუბრები, მას დემოკრატიის აღქმა და განცდის უნარი უნდა ჰქონდეს, ხოლო იმის მიხედვით, რაც ჩვენ წლების განმავლობაში ვიხილეთ, შეიძლება დავასკვნათ, რომ მას დემოკრატიის მიმართ სრული ალერგია აქვს. ის, ვინც ფიქრობს, რომ ამ ჯგუფთან რაიმე დემოკრატიულ შედეგს მიაღწევენ, უბრალოდ თავს იტყუებს“, - აღნიშნა სესიაშვილმა.

ყველა სიახლე

ლიონელ მესი

30 მარტი 2020, 22:50

სპორტი

ბარსელონას ფეხბურთელები ხელფასის 70 პროცენტზე უარს ამბობენ

საფეხბურთო კლუბ „ბარსელონას“ ფეხბურთელები კორონავირუსის გამო ხელფასის 70 პროცენტზე უარს ამბობენ. ინფორმაცია გუნდის ლიდერმა ლიონელ მესიმ გაავრცელა. წერს BBC. განცხადებაში ნათქვამია, დაზოგილი თანხა კორონავირუსით გამოწვეული პაუზის დროს კლუბის პერსონალის ანაზღაურებას მოხმარდება.

30 მარტი 2020, 22:47

COVID19

გერმანელმა მეცნიერებმა კორონავირუსთან ბრძოლაში მნიშვნელოვან გარღვევას მიაღწიეს

ლიუბეკის უნივერსიტეტის მეცნიერებმა კორონავირუსთან ბრძოლაში მნიშვნელოვან გარღვევას მიაღწიეს. როგორც გერმანული გამოცემა Deutsche Welle იუწყება, მკვლევართა ჯგუფმა მნიშვნელოვანი ენზიმის კოდი გაშიფრა, რომელიც კორონავირუსის გამრავლებაზეა პასუხისმგებელი. მეცნიერებმა ასევე შექმნეს საინჰალაციო ინჰიბიტორი, რომელიც ეფექტურად მოქმედებს კორონავირუსის მთავარი პროტეაზის წინააღმდეგ. ე.წ. მთავარი ვირუსული პროტეაზა Mpro კორონავირუსის რეპლიკაციურ მექანიზმში მონაწილეობს და შესაბამისად, პასუხისმგებელია კორონავირუსის გენეტიკური მასალის კოპირება და გამრავლებაზე.

მაია ცქიტიშვილი

30 მარტი 2020, 22:46

COVID19

მაია ცქიტიშვილმა დაასახელა საწარმოები და ობიექტები რომლებიც საყოველთაო კარანტინის რეჟიმში იმუშავებენ

რომელი საწარმოები და ობიექტები გააგრძელებენ მუშაობას ჩვეულ რეჟიმში - ამის შესახებ რეგიონული განვითარებისა და ინფრასტრუქტურის მინისტრმა, მაია ცქიტიშვილმა ტელეკომპანია „იმედის“ გადაცემა „ქრონიკაში“ ისაუბრა. „აუცილებლად იმუშავებენ სააფთიაქო ქსელები და სურსათის მაღაზიები. რა თქმა უნდა სრული ხელმისაწვდომობა ექნება ჩვენს მოსახლეობას სამედიცინო მომსახურებაზე. იმუშავებენ მობილური კავშირგაბმულობის კომპანიები, ტელევიზიები, ბენზინგასამართი სადგურები ასევე საფოსტო მომსახურება იქნება ხელმისაწვდომი. ყველა ის მუნიციპალური სერვისი, როგორიც არის წყალი, დენი, გაზი. იმუშავებს სურსათის მომარაგების მთელი ჯაჭვი, რომელიც საჭიროა მაგალითად პურის საცხობები და თონეები“, განაცხადა მაია ცქიტიშვილმა.

ბენიამინ ნეთანიაჰუ

30 მარტი 2020, 22:41

COVID19

ისრაელის პრემიერ მინისტრს კორონავირუსით ინფიცირება არ დაუდგინდა

ისრაელის პრემიერ მინისტრს და მისი აპარატის წევრებს კორონავირუსით ინფიცირება არ დაუდგინდათ. ამის შესახებ ინფორმაციას ისრაელური მედია ავრცელებს. შეგახსენებთ, რომ ისრაელის პრემიერ-მინისტრის, ბენიამინ ნეთანიაჰუს მრჩეველს, რივკა პალუხს კორონავირუსი დაუდგინდა. ნეთანიაჰუსა და პალუხის ბოლო შეხვედრა 26 მარტით თარიღდება. სავარაუდოდ, რივკა პალუხი კორონავირუსით მეუღლისგან დაინფიცირდა.

მაია ცქიტიშვილი

30 მარტი 2020, 22:26

COVID19

მაია ცქიტიშვილი: აჟიოტაჟი ტესტებთან დაკავშირებით არის უფრო ხელოვნური და პოპულისტური ვიდრე რეალობა

ტესტირება, დაავადების ადრეული გამოვლენა, კარანტინში მოქცევა- ყველა ეს ზომა არის ნაწილი იმ საერთო გეგმისა და ღონისძიებების ერთობლიობისა, რომლის გატარებაც არის საჭირო ეპიდემიის მალე დასამარცხებლად,- ამის შესახებ რეგიონული განვითარებისა და ინფრასტრუქტურის მინისტრმა მაია ცქიტიშვილმა „ქრონიკის“ ეთერში ისაუბრა. როგორც მან აღნიშნა, ხშირად ტესტები ერთგვარ პანაცეად და გადამწყვეტ ფაქტორად არის წარმოჩენილი ეპიდემიის წინააღმდეგ ბრძოლაში, რაც არასწორია.

30 მარტი 2020, 22:08

COVID19

კორონავირუსით ბათუმის ინფექციური საავადმყოფოს ექთანი დაინფიცირდა

ბათუმში მერვე ინფიცირებული ინფექციური საავადმყოფოს ექთანია. მას უშუალო შეხება ჰქონდა ინფიცირებულებთან და სავარაუდოდ ვირუსი დაავადებული პაციენტისგან გადაედო. ინფორმაცია Imedinews-ს კლინიკის თანამშრომელმა დაუდასტურა. მანამდე პრემიერ-მინისტრმა განაცხადა, რომ საქართველოში კორონავირუსით მედიცინის მუშაკი პირველად დაინფიცირდა.

30 მარტი 2020, 22:08

COVID19

პირველ საუნივერსიტეტო კლინიკაში ორი პაციენტი ხელოვნური სუნთქვის აპარატზეა

ჩვენს კლინიკაში კორონავირუსით ინფიცირებული ორი პაცოენტი კრიტიკული მედიცინის დეპარტამენტში და აპარატულ სუნთქვაზეა, - ამის შესახებ ჟურნალისტებს პირველი საუნივერსიტეტო კლინიკის დირექტორმა, ლალი ტურძელაძემ განუცხადა.

კორონავირუსი

30 მარტი 2020, 22:04

COVID19

ბოქსირებულ პალატაში მყოფი პაციენტი საკუთარ მდგომარეობასა და ვირუსის დადგენამდე არსებულ სიმპტომებზე საუბრობს

ინფექციური საავადმყოფოს ბოქსირებულ პალატაში მყოფი ლევან ყამარაული იხსენებს, რა სიმპტომებით მოხვდა კლინიკაში მცირეწლოვან შვილებთან ერთად. ის ამბობს, რომ მე-17 დღეა, ინფექციურ საავადმყოფოშია და საკმაოდ კარგად გრძნობს თავს, თუმცა ჯერჯერობით ვირუსი არ გასულა ორგანიზმიდან. პაციენტი ამბობს, რომ მისი დაინფიცირების წყარო იტალიის კლასტერი გახდა.

30 მარტი 2020, 21:44

COVID19

საქართველოში კორონავირუსი 103 ადამიანს დაუდასტურდა

საქართველოში კორონავირუსის დადასტურებული შემთხვევა - 103-მდე გაიზარდა, ინფორმაცია ვებგვერდ stopcov.ge განახლდა. ბოლო მონაცემებით გამოჯანმრთელებულია - 20 პაციენტი. კარანტინის რეჟიმშია - 5114 ადამიანი. სტაციონარში მეთვალყურეობის ქვეშ - 263 მოქალაქე რჩება.

30 მარტი 2020, 21:34

COVID19

ქუთაისის ინფექციურ საავადმყოფოში კორონავირუსი კიდევ ერთ ადამიანს დაუდასტურდა

ქუთაისის ინფექციურ საავადმყოფოში ხუთი პაციენტის ანალიზების პასუხი მიიღეს. ერთ პირს კორონავირუსი დაუდასტურდა, ოთხის ანალიზის პასუხი კი უარყოფითია. ლუგარის ლაბორატორიიდან მონაცემები ცოტა ხნის წინ მიიღეს. ამ დროისთვის კლინიკაში კორონავირუსის დიაგნოზით სამი პაციენტი იმყოფება. ყველა მათგანის ჯანმრთელობის მდგომარეობა სტაბილურია.

30 მარტი 2020, 21:30

COVID19

აზერბაიჯანის ხელისუფლებამ მოქალაქეებს უკიდურესი აუცილებლობის გარეშე სახლიდან გასვლა აუკრძალა

აზერბაიჯანის ხელისუფლებამ კარანტინის რეჟიმი გაამკაცრა და მოქალაქეებს უკიდურესი აუცილებლობის გარეშე სახლიდან გასვლა აუკრძალა. ამის შესახებ აზერბაიჯანის მთავრობის ოპერატიულ შტაბში განაცხადეს. ოპერატიულ შტაბში განმარტეს, რომ სახლიდან გამოსვლა დაშვებული იქნება შემდეგ შემთხვევებში: გადაუდებელი სამედიცინო დახმარება, სიცოცხლისა და ჯანმრთელობისთვის საფრთხის შექმნა, სურსათის შეძენა, ნარჩენების სახლიდან გატანა, ასევე საკარანტინო რეჟიმის დროს მოქმედ საწარმოებში სამსახურეობრივი მოვალეობების შესრულება.

30 მარტი 2020, 21:25

COVID19

იტალიაში ბოლო 24 საათის განმავლობაში 1 590 ადამიანი გამოჯანმრთელდა, რაც რეკორდული მაჩვენებელია

იტალიაში ბოლო 24 საათის განმავლობაში 1590 ადამიანი გამოჯანმრთელდა, რაც რეკორდული მაჩვენებელია ეპიდემიის არსებობის განმავლობაში. ინფორმაციას ადგილობრივი მედია ქვეყნის სამოქალაქო თავდაცვის სამსახურის ხელმძღვანელ ანჯელო ბორელიზე დაყრდნობით ავრცელებს.

30 მარტი 2020, 21:24

COVID19

საჩხერის სამედიცინო ცენტრში ახალგაზრდა კაცს კორონავირუსი დაუდასტურდა

ცოტა ხნის წინ საჩხერის სამედიცინო ცენტრში ახალგაზრდა კაცს კორონავირუსი დაუდასტურდა.პასუხები ლუგარის ლაბორატორიიდან მიიღეს. ამ დროისთვის სამედიცინო ცენტრში ორი დადასტურებული COVID 19 შემთხვევაა. ორივე პაციენტის ჯანრთელობის მდგომარეობა დამაკმაყოფილებელია.

კორონავირუსი

30 მარტი 2020, 21:15

COVID19

აშშ-ის დაავადებათა კონტროლის ცენტრი: კორონავირუსი შესაძლოა, სეზონური გახდეს

ამერიკელები კორონავირუსის მეორე ტალღისთვის უნდა მოემზადონ, ამის შესახებ აშშ-ის დაავადებათა კონტროლის ცენტრის დირექტორმა განაცხადა და მოსახლეობა გააფრთხილა, რომ ეს ვირუსი შესაძლოა, სეზონური გახდეს.

30 მარტი 2020, 21:13

COVID19

რა ვითარებაა მარნეულსა და ბოლნისში კარანტინის მე-8 დღეს

ბოლნისიდან მარნეულში გადმოყვანილი სამი პაციენტიდან ერთი 80 წლისა, მეორე 35 წლის. მესამე კი 23 წლის კაცია. 35 წლის ქალი გუშინ მასთან სახლში მისულ ექიმებს დაემალა. დღეს ადგილობრივმა მოსახლეობამ მიაწოდა მედიკოსებს ინფორმაცია, რომ ქალს ტემპერატურა ჰქონდა, ამის შესახებ ტელეკომპანია „იმედის“, გადაცემა „ქრონიკის“ სპეციალურმა კორესპონდენტმა მარნეულსა და ბოლნისში დავით ყურაშვილმა განაცხდა.

30 მარტი 2020, 20:49

COVID19

იმერეთის ერთ-ერთ საკარანტინო სივრცეში იზოლაციის წესის დარღვევისთვის სამი ადამიანი დაჯარიმდა

იმერეთის ერთ-ერთ საკარანტინო სივრცეში იზოლაციის დარღვევის ფაქტი დაფიქსირდა და სამი პირი ადმინისტრაციული წესით დაჯარიმდა, - ამის შესახებ დაავადებათა კონტროლის ცენტრის იმერეთის სამმართველოს უფროსმა განაცხადა.

სოსო ფრუიძე

30 მარტი 2020, 20:33

სპორტი

თბილისის საფეხბურთო კლუბ “ლოკომოტივს” ახალი მთავარი მწვრთნელი ჰყავს

თბილისის საფეხბურთო კლუბ “ლოკომოტივს” ახალი მთავარი მწვრთნელი ჰყავს. ამ თანამდებობაზე ლევან კორღალიძე სოსო ფრუიძემ შეცვალა, რომელთანაც კონტრაქტი 2020 წლის ბოლომდე გაფორმდა. ფრუიძემ სამწვრთნელო კარიერა 1994 წლიდან დაიწყო. ყველაზე დიდი დრო კი საჩხერის „ჩიხურაში“ გაატარა, სადაც 2008 წლიდან მუშაობდა და ეს კლუბი მხოლოდ მიმდინარე სეზონის დაწყებამდე დატოვა. კორღალიძის ხელმძღვანელობით “ლოკომოტივმა” სეზონი წარმატებულად დაიწყო და კრისტალბეთ ლიგას 6 ქულით ლიდერობდა, თუმცა ფეხბურთელებისთვის ხელფასის 70 პროცენტით შემცირების გამო მთავარ მწვრთნელს ხელმძღვანელობასთან უთანხმოება მოუვიდა და თანამდებობა დატოვა.

30 მარტი 2020, 20:28

COVID19

ე.წ. კომენდანტის საათის პერიოდში ქვეითად გადაადგილებაც იკრძალება

საქართველოს მთავრობის გადაწყვეტილებით, საგანგებო მდგომარეობის ვადით ცხადდება ფაქტობრივად სრული კარანტინი. 21:00 საათიდან იკრძალება როგორც ქვეითად, ისე - სატრანსპორტო საშუალებით ქალაქებში და ქვეყნის მასშტაბით გადაადგილება დილის 06:00 საათამდე.

ზიგფრიდ მურეშანი

30 მარტი 2020, 20:23

მსოფლიო

ევროპის სახალხო პარტიის ვიცე-პრეზიდენტი: რუსეთი აღმოსავლეთ პარტნიორობის ქვეყნებში ევროკავშირის დისკრედიტაციისთვის საინფორმაციო ომს აწარმოებს

რუსეთი აღმოსავლეთ პარტნიორობის ინიციატივის მონაწილე სახელმწიფოებში ევროკავშირის იმიჯის დისკრედიტაციისთვის ინფორმაციულ ომს აწარმოებს და ამ დროს ევროკავშირი პარტნიორების დახმარებას განაგრძობს - ამის შესახებ ევროპის სახალხო პარტიის ვიცე-პრეზიდენტმა, ზიგფრიდ ​გააცხადა. „რუსეთი ცდილობს წარმოაჩინოს, რომ კოვიდ19-ის წინააღმდეგ საბრძოლველად იტალიას სამხედროებით და აღჭურვილობით ეხმარება, ევროკავშირი კი 800 მილიონ ევროს აღმოსავლეთ პარტნიორობის ინიციატივის მონაწილე ქვეყნებისთვის გამოყოფს. ამ თანხის ნაწილი მოხმარდება გადაუდებელ საჭიროებებს საქართველოში, უკრაინაში , მოლდოვაში, ბელორუსში , სომხეთსა და აზერბაიჯანში. თანხის დარჩენილი ნაწილით ჩვენი პარტნიორები შეიძენენ სამედიცინო აღჭურვილობას, გადაამზადებენ ექიმებს,

კორონავირუსი

30 მარტი 2020, 20:10

COVID19

როგორ უნდა მიიღოს მედიამ ე.წ. კომენდანტის საათის დროს სპეციალური საშვი

პრემიერ-მინისტრის პრესსამსახური განცხადებას ავრცელებს, სადაც ნათქვამია, თუ როგორ მივიღოთ ე.წ. კომენდანტის საათის დროს სპეციალური საშვი.