imedi /  23 თებერვალი 2020, 10:12 / სანდო წყარო

რწმუნებულის ინფორმაციით, 17 წლის ალეკო შიუკაშვილი ტყეში შეშაზე იყო წასული

დავით ცერცვაძე

დავით ცერცვაძე

ალეკო შიუკაშვილი, რომელიც ოკუპანტებმა სოფელ კირბალიდან გაიტაცეს, ტყეში შეშაზე იყო წასული, - ამის შესახებ imedinews-s ზეღდულეთის ადმინისტრაციული ერთეულში გორის მერის წარმომადგენელმა დავით ცერცვაძემ განუცხადა.

„ბიჭები სოფელთან მდებარე ტყეში შეშაზე იყვნენ წასულები. 17 წლის ბიჭი დააკავეს, დანარჩენებმა გამოქცევა შეძლეს. ამ ბიჭის მამაც რამდენჯერმე ჰყავდათ დაკავებული. ზუსტად არ ვიცით, სად იმყოფება ის ახლა - რუსულ ბაზაზე თუ ცხინვალში“, - განაცხადა ცერცვაძემ.

გასულ ღამეს ოკუპანტებმა სოფელ კირბალიდან საქართველოს მოქალაქე, 17 წლის ალეკო შიუკაშვილი გაიტაცეს

ყველა სიახლე

თენგიზ კალანდაძე

29 მარტი 2020, 12:38

COVID19

თენგიზ კალანდაძე: ბოლნისიდან და მარნეულიდან შემოსულ პროდუქტს განსაკუთრებული დამუშავება არ სჭირდება

საკარანტინო ზონიდან, მარნეულიდან და ბოლნისიდან პროდუქციის გატანა არ შეფერხებულა. იქ მიმდინარეობს რძის, ფრინველისა და კვერცხის, ფქვილის წარმოება, ეს პროდუქცია ჩვეულებრივად გამოდის ამ რაიონებიდან. არანაირი განსაკუთრებული დამუშავება ამ პროდუქტს არ სჭირდება, - ამ საკითხებზე ტელეკომპანია „იმედის“ „დილის შოუში“ გარემოს დაცვისა და სოფლის მეურნეობის სამინისტროს სოფლის მეურნეობის, სურსათისა და სოფლის განვითარების დეპარტამენტის უფროსმა, თენგიზ კალანდაძემ ისაუბრა.

გორის სამხედრო ჰოსპიტალი

29 მარტი 2020, 12:31

COVID19

გორის სამხედრო ჰოსპიტალის დირექტორმა პაციენტების მდგომარეობაზე ისაუბრა

გორის სამხედრო ჰოსპიტალში დღეისთვის 50 პაციენტი იმყოფება. აქედან 29 სამხედრო მოსამსახურეა და 12 სამოქალაქო პირი. გუშინ 28 სამხედრო დაუბრუნდა თავის ქვედანაყოფებს. ჯანდაცვის და თავდაცვის სამინისტროების კოორდინაციით, ყველა კონტაქტი დადგენილია, გამოკვლეულია და დაკვირვება მიმდინარეობს.

ზურაბ მხეიძე

29 მარტი 2020, 12:16

COVID19

როგორ ვესაუბროთ ბავშვებს კორონავირუსზე ისე, რომ მათთვის ეს გასაგები და ნაკლებად შემაშფოთებელი იყოს

როგორ უნდა ვესაუბროთ ბავშვებს კორონავირუსზე და შესაძლო საფრთხეებზე ისე, რომ მათთვის ეს გასაგები და ნაკლებად შემაშფოთებელი იყოს, - ამ საკითხებზე ტელეკომპანია „იმედის“ „დილის შოუში“ ფსიქოლოგმა ზურაბ მხეიძემ ისაუბრა.

29 მარტი 2020, 12:06

სამართალი

სამცხე-ჯავახეთში ცეცხლსასროლი იარაღის გამოყენებით ჩადენილი ხულიგნობის ბრალდებით ორი პირი დააკავეს

სამცხე-ჯავახეთის პოლიციის დეპარტამენტის ახალქალაქის რაიონული სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, ორი პირი - 1954 წელს დაბადებული ს.პ. და 2001 წელს დაბადებული ა.მ. მოსამართლის განჩინების საფუძველზე დააკავეს. მათ ბრალი ცეცხლსასროლი იარაღის გამოყენებით ჩადენილ ხულიგნობაში ედებათ. დანაშაული 4-დან 7 წლამდე ვადით თავისუფლების აღკვეთას ითვალისწინებს.

კორონავირუსი

29 მარტი 2020, 11:43

COVID19

გასული დღე-ღამის განმავლობაში ჩინეთში კორონავირუსის 45 ახალი შემთხვევა დაფიქსირდა

გასული დღე-ღამის განმავლობაში კორონავირუსმა ჩინეთში 5 ადამიანი იმსხვერპლა. ინფორმაციას ამის შესახებ ჩინეთის ჯანდაცვის ეროვნული კომიტეტი ავრცელებს. გამოვლენილია ვირუსით ინფიცირების 45 ახალი შემთხვევა. სულ კორონავირუსით ჩინეთში 3 300 ადამიანია გარდაცვლილი, ინფიცირებულთა რიცხვი 81 439-ს შეადგენს, გამოჯანმრთელდა 75 448 პაციენტი.

29 მარტი 2020, 11:34

COVID19

რუსეთში დღეიდან უქმე დღეებია გამოცხადებული

რუსეთში დღეიდან უქმე დღეებია გამოცხადებული. მოსკოვში დახურულია რესტორნები, კინოთეატრები, სავაჭრო ცენტრები, მუშაობს მხოლოდ სასურსათო მაღაზიები და აფთიაქები. ქალაქში გადაადგილება შეზღუდული არაა, თუმცა მთავრობა მოქალაქეებს სახლში დარჩენისკენ მოუწოდებს.

კორონავირუსი

29 მარტი 2020, 11:21

COVID19

სომხეთში კორონავირუსით კიდევ 2 ადამიანი გარდაიცვალა

სომხეთში კორონავირუსით გარდაცვლილთა რიცხვი სამამდე გაიზარდა. ჯანდაცვის მინისტრის, არსენ ტოროსიანის ინფორმაციით, ინფექციას 55 წლის ქალი და 73 წლის კაცი ემსხვერპლა. ბოლო მონაცემებით, სომხეთში კორონავირუსის 407 შემთხვევაა დაფიქსირებული, 3 ადამიანი გარდაიცვალა, 30 კი გამოჯანმრთელდა.

ბოდბე

29 მარტი 2020, 11:06

საზოგადოება

ილია მეორე ბოდბეში ჩავიდა

კათოლიკოს პატრიარქი კახეთში ჩავიდა. ილია მეორე საკვირა წირვას ბოდბეში, წმინდა ნინოს სახელობის ტაძარში აღავლენს. მრევლის განცხადებით, ისინი ითვალისწინებენ რეკომენდაციებს და დისტანციას იცავენ.

ბათუმი

29 მარტი 2020, 10:57

COVID19

ბათუმში, კორონავირუსით დაინფიცირებული 70 წლის კაცის მდგომარეობა კვლავ მძიმეა

ბათუმში, კორონავირუსით დაინფიცირებული 70 წლის კაცის მდგომარეობა კვლავ მძიმეა. ის კლინიკა „მედალფაში” მართვით სუნთქვაზეა. პაციენტს ორმხრივი პნევმონია აქვს. ორმხრივი პნევმონია აქვს კიდევ ერთ პაცინეტს, შუახნის ქალის მდგომარებას მედიკოსები საშუალოდ აფასებენ. სულ ბათუმში 7 პირია COVID 19 -ით ინფიცირებული. ისინი ორ კლინიკაში არიან გადანაწილებულები. ხუთი პაციენტის შემთხვევაში ვირუსი მინიმალური სინტპტომებითაა გამოხატული.

მარინა ეზუგბაია

29 მარტი 2020, 10:33

COVID19

საქართველოში კორონავირუსისგან კიდევ 2 ადამიანი გამოჯანმრთელდა

„დილის მონაცემებით, ქვეყანაში 90 დადასტურებული შემთხვევაა. გუშინ გამოვლენილი ექვსი შემთხვევიდან ჩვენთან არც ერთი არ იმყოფება. გუშინ ჩვენთნ 14 ტესტირება გაკეთდა, ყველას პასუხი იყო უარყოფითი. 2 პაციენტთან განმეორებითი ტესტირება უარყოფითია და ისინი დღეს დატოვებენ კლინიკას, შესაბამისად 18-ს მიაღწევს გამოჯანმრთელებულთა რიცხვი, აქედან 17 ჩვენთან გადიოდა მკურნალობას“, - განაცხადა ეზუგბაიამ.

თოვლი ტოკიო

29 მარტი 2020, 10:20

მსოფლიო

ტოკიოში ბოლო 10 წლის განმავლობაში პირველად მარტის ბოლოს თოვლი მოვიდა

იაპონიის დედაქალაქ ტოკიოში ბოლო 10 წლის განმავლობაში პირველად მარტის ბოლოს თოვლი მოვიდა. ინფორმაციას ამის შესახებ ადგილობრივი მედია ავრცელებს. სინოპტიკოსების პროგნოზით, ქალაქის ცენტრალურ ნაწილში თოვლის საფარის სიმაღლემ შესაძლოა 5 სანტიმეტრს მიაღწიოს. აღსანიშნავია ისიც, რომ 28 მარტს ტოკიოში ჰაერის ტემპერატურამ 23 გრადუსს მიაღწია.

ინგა რასმუსენი
კარსტენ ტიუხსენ ჰანსენი

29 მარტი 2020, 10:09

COVID19

კორონავირუსის გამო 89 წლის კაცი და 85 წლის ქალი პაემანზე გერმანია-დანიის საზღვარზე დადიან

კორონავირუსის პანდემიით გამოწვეული შეზღუდვების გამო 89 წლის გერმანელი და მისი 85 წლის დანიელი შეყვარებული პაემანზე საზღვარზე დადიან. ამის შესახებ გამოცემა Spiegel Online-ი წერს. ორ კვირაზე მეტია, 89 წლის გერმანელი, ჩრდილოეთ ფრიზიის მკვიდრი კარსტენ ტიუხსენ ჰასენი და მისი 85 წლის დანიელი შეყვარებული, ინგა რასმუსენი ერთმანეთს ვეღარ სტუმრობენ. მიუხედავად ამისა, ისინი პაემანზე სასაზღვრო პუნქტზე დადიან.

სინგაპური პასპორტი

29 მარტი 2020, 09:52

COVID19

სინგაპურში კარანტინის დამრღვევ მოქალაქეს პასპორტი ჩამოართვეს

სინგაპურის ხელისუფლებამ კარანტინის დამრღვევი მოქალაქის პასპორტი გააუქმა. ამის შესახებ გამოცემა Straits Times-ი წერს. 53 წლის ილია ვიქტორ გო ინდონეზიიდან სინგაპურში 19 მარტს დაბრუნდა. მას ორკვირიანი თვითიზოლაციის შესახებ შეტყობინება მიუვიდა, თუმცა იმავე დღეს ის კვლავ გაემგზავრა ინდონეზიაში, რაც 10 ათასი დოლარით ჯარიმას ან 6 თვემდე პატიმრობას ითვალისწინებს.

კორონავირუსი

29 მარტი 2020, 09:40

COVID19

ჩიკაგოში კორონავირუსს ჩვილი ემსხვერპლა

აშშ-ის ქალაქ ჩიკაგოში კორონავირუსს ჩვილი ემსხვერპლა. ინფორმაციას ამის შესახებ ილინოისის შტატის ჯანდაცვის დეპარტამენტი ავრცელებს.„ეს აშშ-ში 1 წლამდე ასაკის ბავშვის კორონავირუსით გარდაცვალების პირველი შემთხვევაა. მიმდინარეობს გარდაცვალების მიზეზების მოკვლევა“, - აცხადებს დეპარტამენტის ხელმძღვანელი ნგოზი ეზიკე.

კორონავირუსი აშშ

29 მარტი 2020, 09:20

COVID19

აშშ-ში კორონავირუსით ინფიცირებულთა რიცხვმა 124 ათასს გადააჭარბა

აშშ-ში კორონავირუსის შემთხვევების რიცხვმა 124 ათასს გადააჭარბა. ინფორმაცია ამის შესახებ ჯონს ჰოპკინსის უნივერსიტეტის ვებგვერდზე გამოქვეყნდა. ამ დროისთვის აშშ-ში კორონავირუსი 124 665 ადამიანს დაუდგინდა, მათგან 2191 გარდაიცვალა, 1095 კი განიკურნა. შემთხვევების რაოდენობით მეორე ადგილს მსოფლიოში იტალია (92 472), მესამეს ჩინეთი (82 057), მეოთხეს კი ესპანეთი (73 275) იკავებს.

როსნეფტი

29 მარტი 2020, 09:10

ეკონომიკა

Rosneft-მა ვენესუელაში თავისი აქტივები რუსეთის სახელმწიფოს მიჰყიდა.

რუსულმა ნავთობკომპანიამ Rosneft-მა ვენესუელაში თავისი აქტივები გაყიდა და ქვეყანაში თავისი საქმიანობა ეწყვიტა. ინფორმაციას ამის შესახებ კომპანიის პრესსამსახური ავრცელებს. Rosneft-ის აქტივები შეიძინა კომპანიამ, რომელიც მთლიანად რუსეთის მთავრობას ეკუთვნის. აქტივების გაყიდვის შედეგად Rosneft-ი თავისივე აქციების 9,6%-იან წილს მიიღებს. ვენესუელაში Rosneft-ის აქტივების შეძენა რუსულ მედიას მთავრობის პრესსამსახურშიც დაუდასტურეს.

საგაზაფხულო სამუშაოები

29 მარტი 2020, 08:55

რეგიონი

საგაზაფხულო სამუშაოები უსაფრთხოების წესების დაცვით მიმდინარეობს

გარემოს დაცვისა და სოფლის მეურნეობის სამინისტროს სოფლისა და სოფლის მეურნეობის განვითარების სააგენტოს რეგიონული სამსახურების წარმომადგენლები გასცემენ კონსულტაციებს როგორც დარგობრივ საკითხებზე, ასევე ახალი კორონავირუსის გავრცელების წინაღმდეგ ბრძოლის მიზნით შემუშავებული უსაფრთხოების ნორმების დაცვაზე.

ბორის ჯონსონი

29 მარტი 2020, 08:40

COVID19

ბორის ჯონსონი ბრიტანელებს: სიტუაცია კიდევ უფრო გაუარესდება

დიდი ბრიტანეთის პრემიერ-მინისტრი, ბორის ჯონსონი ქვეყნის მოქალაქეებს აფრთხილებს, რომ კორონავირუსთან დაკავშირებით შექმნილი სიტუაცია კიდევ უფრო გაუარესდება, რის გამოც მოქალაქეები შეძლებისდაგვარად სახლში უნდა დარჩნენ. მთავრობის მეთაურის მიმართვის ტექსტი, რომელიც ქვეყნის მასშტაბით 30 მილიონი მისამართზე გაიგზავნება, პრემიერ-მინისტრის კანცელარია ავრცელებს.

სოფი-გრეგუარ ტრიუდო

29 მარტი 2020, 08:30

COVID19

კანადის პრემიერ-მინისტრის ცოლი კორონავირუსისგან განიკურნა

კანადის პრემიერ-მინისტრის, ჯასტინ ტრიუდოს ცოლი, სოფი-გრეგუარ ტრიუდო კორონავირუსისგან განიკურნა. ამის შესახებ ის Facebook-ზე წერს. სოფი-გრეგუარ ტრიუდოს თქმით, ის თავს გაცილებით კარგად გრძნობს. კანადის პრემიერის მეუღლემ მადლობა გადაუხადა ყველას მხარდაჭერისთვის და მოქალაქეებს დისტანცირების წესების დაცვისა და სოციალური ქსელების საშუალებით ურთიერთობისკენ მოუწოდა.

დონალდ ტრამპი

29 მარტი 2020, 08:13

COVID19

დონალდ ტრამპმა ნიუ-იორკში, ნიუ-ჯერსისა და კონექტიკუტში კარანტინის გამოცხადება გადაიფიქრა

„კარანტინის გამოცხადების აუცილებლობა არ არსებობს“, - წერს ტრამპი და აღნიშნავს, რომ შტატების გუბერნატორებთან კონსულტაციის შედეგად მიღებულია გადაადგილების მკაცრი შეზღუდვის გადაწყვეტილება, თუმცა ოფიციალური აკრძალვა არ გამოცხადდება.