imedi /  23 თებერვალი 2020, 17:54 / სანდო წყარო

ირანიდან საქართველოში და პირიქით, ფიზიკური პირების გადაადგილება შეიზღუდა

საქართველოს მთავრობის გადაწყვეტილებით, ირანიდან საქართველოში და პირიქით, ფიზიკური პირების გადაადგილება შეიზღუდა. ამის შესახებ განცხადებას საქართველოს საგარეო საქმეთა სამინისტრო ავრცელებს:

„როგორც ცნობილია, ჩინეთის სახალხო რესპუბლიკასა და მსოფლიოს მასშტაბით კორონავირუსის გავრცელების დღიდანვე, საქართველოს პრემიერ-მინისტრის განკარგულებით, შექმნილია მთავრობის უწყებათაშორისი ჯგუფი, რომლის მუშაობასაც კოორდინაციას საქართველოს ოკუპირებული ტერიტორიებიდან დევნილთა, შრომის,   ჯანმრთელობისა და სოციალური დაცვის სამინისტრო უწევს.

ჯგუფი ყოველდღიურად, 24-საათიან რეჟიმში აკვირდება ვირუსის გავრცელების მხრივ მსოფლიოში შექმნილ ვითარებას და ახდენს დაგეგმარებას, კონკრეტულ ნაბიჯებს დგამს საქართველოს ტერიტორიაზე ვირუსის შემოღწევის თავიდან აცილებისა და მოსახლეობის მაქსიმალურად დაცვის მიმართულებით.


ამ მხრივ, საქართველოს მთავრობამ ოპერატიულად გადადგა ნაბიჯები და ვირუსის აფეთქების საწყის ეტაპზევე შეაჩერა ჩინეთთან პირდაპირი საჰაერო მიმოსვლა. საქართველოს მთავრობამ სათანადო ზომები მიიღო ასევე ჩინეთში მცხოვრები საქართველოს მოქალაქეების უსაფრთხოების უზრუნველსაყოფად.


საქართველოს მთავრობა მუდმივ კავშირზეა როგორც მსოფლიო ჯანდაცვის ორგანიზაციასთან, ისე საერთაშორისო თანამეგობრობის ქვეყნებთან ვირუსის გავრცელების მასშტაბების შესახებ ოპერატიული ინფორმაციის მიღების მიზნით.


როგორც ცნობილია, ამჟამად კორონავირუსის გავრცელების ყველაზე მაღალი მაჩვენებელი, ჩინეთის შემდგომ,  დაფიქსირდა ირანის ისლამურ რესპუბლიკაში. საქართველოს მთავრობა მუდმივად კავშირზეა ირანის ხელისუფლებასთან, რათა ოპერატიულ რეჟიმში მიიღოს ინფორმაცია შექმნილი  მდგომარეობის და მიმდინარე საპრევენციო ღონისძიებების შესახებ.


არსებული ინფორმაციით, ირანის მთავრობა მიმართავს ყველა ზომას კორონავირუსის შემთხვევების შემდგომი ზრდის პრევენციისთვის, ასევე აწარმოებს ირანიდან გამავალი მგზავრების შემოწმებას. 

აღნიშნულის მიუხედავად, შექმნილი ვითარებიდან გამომდინარე საქართველოს მთავრობამ მიიღო გადაწყვეტილება, შეზღუდოს ფიზიკური პირების გადაადგილება ირანის ისლამური რესპუბლიკიდან საქართველოში და პირიქით.

მთავრობის გადაწყვეტილებით, ამ ეტაპზე შეჩერდება მგზავრების შემოყვანა ირანიდან საქართველოში.  ავიაკომპანიებს შესაძლებლობა ექნებათ, ცარიელი თვითმფრინავებით შემოვიდნენ საქართველოს სივრცეში, რათა ტურისტად მყოფმა ირანის მოქალაქეებმა შეძლონ ირანში დაბრუნება.

ამ ეტაპზე, გადაადგილებისთვის დარჩება სახმელეთო საზღვარი, თუმცა დაწესდება მკაცრი შეზღუდვები და აღნიშნული მიმართულებით, აქტიურად ვმუშაობთ მეზობელ ქვეყნებთან.

საქართველოს მთავრობა აკვირდება მოვლენების განვითარებას და ასევე განაგრძობს მუშაობას მეზობელ სომხეთთან და აზერბაიჯანთან. მომავალში, თუ ამის საჭიროება დადგა, არ გამოვრიცხავთ სახმელეთო საზღვარზე გადაადგილების შეზღუდვასაც.

საქართველოს მთავრობამ უკვე გააფრთხილა საქართველოს მოქალაქეები თავი შეიკავონ ირანში მგზავრობისგან, ხოლო ირანში მყოფ მოქალაქეებს, საჭიროების შემთხვევაში, შეუძლიათ დაუკავშირდნენ საქართველოს საელჩოს თეირანში (+989122997726 ცხელი ხაზის ნომერი)“, -ნათქვამია განცხადებაში. 

ყველა სიახლე

08 აპრილი 2020, 10:45

COVID19

ფოთის საკონტროლო პუნქტებზე კონტროლის წესები შეიცვალა

ფოთის გადაადგილების საკონტროლო პუნქტებზე, მოძრაობის უსაფრთხოებიდან გამომდინარე, კონტროლის წესები შეიცვალა. თავდაცვის სამინისტროს ინფორმაციით, ავტოტრანსპორტის მოძრაობის შეფერხების თავიდან აცილების მიზნით II ქვეითი ბრიგადის 22-ე ბატალიონის სამხედრო ექიმები მგზავრებს თერმოსკრინინგს მანქანაშივე უტარებენ. მხოლოდ მაღალი ტემპერატურის დაფიქსირების შემთხვევაში უწევს მოქალაქეს განმეორებითი თერმოსკრინინგი საგუშაგოებთან მდებარე საველე სამედიცინო პუნქტებში.

მარინა ეზუგბაია

08 აპრილი 2020, 10:43

COVID19

მარინა ეზუგბაია: ჩვენთან მოთავსებული ორი ახალი პაციენტი ეროვნული ბანკის კლასტერს უკავშირდება

გუშინ დილით ამ პერიოდში კორონავირუსით ინფიცირებული 195 პაციენტი იყო დაგვემატა 13. ინფიცირებულთა რაოდენობა 208-მდე გაიზარდა. ახალი 13 პაციენტიდან 5 ბათუმშია, 2 ქუთაისში, დანარჩენები თბილისში, - ამის შესახებ ჟურნალისტებს ინფექციური საავადმყოფოს სამედიცინო დირექტორმა, მარინა ეზუგბაიამ განუცხადა.

ბათუმის ინფექციური

08 აპრილი 2020, 10:42

COVID19

ბათუმში კორონავირუსით ინფიცირებულთა რაოდენობა ხუთით გაიზადა

ინფიცირებულთა შორისაა ოჯახის წევრი, კერძოდ შვილი და მამა. სამი პირია სოფელ გვარაში მშობლების სამეზობლოდან. 60 წლის ქალთან ამ დროისთვის გამოკვეთილია 37 კონტაქტი, მათგან 17 მედპერსონალია.

08 აპრილი 2020, 10:38

ტექნოლოგიები

2020 წლის ყველაზე დიდი სუპერმთვარე გასულ ღამეს გამოჩნდა

სუპერმთვარედ დედამიწის თანამგზავრი მაშინ ითვლება, როცა პლანეტასთან უმოკლესი დისტანციის 10%-ის ფარგლებში მდებარეობს. აპრილის მოვლენა წლის ყველაზე ახლომდებარე სუპერმთვარეა, მას ასევე „ვარდისფერ მთვარეს“ უწოდებენ, იმ ყვავილების საპატივცემულოდ, რომლებიც გაზაფხულის მეორე თვეს ყვავის.

08 აპრილი 2020, 10:30

COVID19

ბოჭორიშვილის კლინიკაში მოთავსებული პაციენტების მდგომარეობა დამაკმაყოფილებელია

„დღეს ვახტანგ ბოჭორიშვილის კლინიკაში ახალი შემთხვევა არ გვაქვს დადასტურებული. ბოქსირებულ სექტორში მკურნალობს 46 პაციენტი. 46 პაციენტიდან 13-ია დადასტურებული დიაგნოზით კვლავ. აქედან 18 წლამდე პაციენტია 6. პაციენტების მდგომარეობა დამაკმაყოფილებელია, ერთი პაციენტი რჩება საყურადღებოდ“, - განაცხადა სოლოღაშვილმა.

08 აპრილი 2020, 10:28

საზოგადოება

სახალხო დამცველი ქალთა და ლგბტ+ პირთა მიმართ ოჯახში ძალადობის შემთხვევებისთვის ცხელი ხაზის ნომერს აქვეყნებს

მიუხედავად იმისა, რომ საქართველოს შინაგან საქმეთა სამინისტროს ინფორმაციით მიმართვიანობა არ გაზრდილა, საერთაშორისო პრაქტიკა ცხადყოფს, რომ მასობრივი იზოლაცია და კომენდანტის საათის მოქმედება ზრდის ქალთა და ლგბტ+ პირთა მიმართ ოჯახში ძალადობის რისკებს და ართულებს დაცვის და დახმარების სერვისებზე პირდაპირ წვდომას, - ამის შესახებ ნათქვამია საქართველოს სახალხო დამცველის განცხადებაში.

ექიმი

08 აპრილი 2020, 10:13

COVID19

თბილისის საუნივერსიტეტო კლინიკაში 42 წლის კაცის მდგომარეობა შედარებით გაუმჯობესდა

„რეანიმაციულ განყოფილებაში 6 პაციენტი აგრძელებს მკურნალობას. აქედან სამი აპარატურ სუნთქვაზეა და კიდევ ერთი პაციენტი, 42 წლის კაცის საკმაოდ მძიმე და საყურადღებოა, თუმცა მისი მდგომარეობა მცირედ გაუმჯობესდა“, - აღნიშნა კლინიკურმა დირექტორმა.

08 აპრილი 2020, 10:12

ეკონომიკა

მსოფლიო ბირჟებზე ნავთობმა გაძვირება დაიწყო

დღეს დილას მსოფლიო ბირჟებზე ნავთობზე ფასის ზრდა დაფიქსირდა. ივნისის ფიუჩრსებზე Brent-ის ტიპის ბარელ ნავთობზე ფასი 2,51%-ით გაიზარდა და $32,67 გაუტოლდა. ფასი გაიზარდა მაისის ფიუჩერსებზეც. ბარელის ფასი 5,76%-ით გაიზარდა და $24,99 შეადგინა.

08 აპრილი 2020, 09:47

COVID19

ექიმმა ინფექციონისტმა განმარტა, რა შემთხვევაში უნდა დავრეკოთ ცხელ ხაზზე

თუ ადამიანს აქვს სიცხე, ხველა და ვირუსისთვის დამახასიათებელი სიმპტომები უნდა დარეკოს ცხელ ხაზზე. მას გაუწევენ კონსულტაციას, რის შემდეგაც გადაწყდება, სახლში დარჩება თუ მოხდება მისი სტაციონარში გადაყვანა, - ამის შესახებ ექიმმა ინფექციონისტმა ალექსანდრე გოგინავამ ტელეკომპანია „იმედის“ ეთერში, გადაცემა „იმედის დილაში“ განაცხადა.

08 აპრილი 2020, 09:46

COVID19

საქართველოში კორონავირუსი 208 ადამიანს დაუდასტურდა, აქედან 46 უკვე გამოჯანმრთელდა

საქართველოში კორონავირუსი 208 ადამიანს დაუდასტურდა, აქედან 46 ადამიანი უკვე გამოჯანმრთელდა, 3 კი გარდაიცვალა. ეს ინფორმაცია მთავრობის მიერ შექმნილ ვებგვერდზე stopcov.ge გამოქვეყნდა. კარანტინის რეჟიმშია 4674 ადამიანი, სტაციონარში მეთვალყურეობის ქვეშ კი 362 მოქალაქე რჩება.

კორონავირუსი

08 აპრილი 2020, 09:33

COVID19

თბილისის ინფექციურ საავადმყოფოში პაციენტების 2/3-ს პნევმონია აქვს

ექიმმა ინფექციონისტმა ალექსანდრე გოგინავამ ტელეკომპანია „იმედის“ ეთერში, გადაცემაში „იმედის დილა“ თბილისის ინფექციურ საავადმყოფოში მყოფი პაციენტების მდგომარეობა შეაფასა.

08 აპრილი 2020, 09:05

ეკონომიკა

თბილისში ხილ-ბოსტნეული სამ ალტერნატიულ სავაჭრო ცენტრში გაიყიდება

თბილისში ხილ-ბოსტნეულის დეფიციტი არ იქნება. მოვძებნეთ ალტერნატიული სამი სავაჭრო ცენტრი გლდანში, აკაკი წერეთლის ქუჩაზე და ორხევში, სადაც სოფლის მეურნეობის პროდუქცია გაიყიდება, - ამის შესახებ სურსათისა და სოფლის განვითარების დეპარტამენტის პირველი სტრუქტურული ერთეულის ხელმძღვანელმა, თენგიზ კალანდაძემ ტელეკომპანია „იმედის“ ეთერში გადაცემაში „იმედის დილა“ განაცხადა.

08 აპრილი 2020, 08:42

COVID19

ბელარუსში კორონავირუსის პანდემიის მიუხედავად, საფეხბურთო ჩემპიონატი არ შეწყდა

ბელარუსის საფეხბურთო ჩემპიონატის ტრანსლაციის უფლება მსოფლიოს 11-მა ქვეყანამ შეიძინა. ამის შესახებ ბელარუსის ფეხბურთის ფედერაციის გენერალურმა მდივანმა სერგეი ჟარდეცკიმ განაცხადა. ბელარუსი ევროპის ერთადერთი ქვეყანაა, სადაც კორონავირუსის პანდემიის მიუხედავად, საფეხბურთო ჩემპიონატი გრძელდება.

08 აპრილი 2020, 08:34

COVID19

იტალიაში დააჯარიმეს ქალი, რომელიც დღის განმავლობაში მაღაზიაში 11-ჯერ შევიდა

ამის შესახებ პორტალი Ilgiornale იტყობინება. ინციდენტი ქალაქ გრადოში მოხდა. სამართალდამცველებმა ქალს ორჯერ სიტყვიერი გაფრთხილება მისცეს, სახლში დარჩენილიყო, მას შემდეგ კი რაც მაღაზიაში მეთერთმეტეჯერ დააპირა შესვლა, 280 ევროს ოდენობით ჯარიმა გამოუწერეს.

08 აპრილი 2020, 08:14

COVID19

საჩხერის სამედიცინო ცენტრის 10 მედიკოსს კორონავირუსზე კიდევ ერთი საკონტროლო ტესტი დღეს ჩაუტარდება

საჩხერის სამედიცინო ცენტრის 10 მედიკოსს, ვისაც უშუალო კონტაქტი ჰქონდა ინფიცირებულ ინფექციონისტთან, კიდევ ერთი საკონტროლო ტესტი დღეს ჩაუტარდება. სამედიცინო ცენტრის დირექტორის მიხეილ ქამუშაძის თქმით, არცერთ მათგანს ვირუსისთვის დამახასიათებელი სიმპტომი არ აქვს, თუმცა ისინი კვლავ იზოლაციაში რჩებიან.

კორონავირუსი

08 აპრილი 2020, 08:07

COVID19

ძიუდოში ევროპის 2020 წლის ჩემპიონატი კიდევ ერთხელ გადაიდო

ევროპის ძიუდოს კავშირის გადაწყვეტილებით, ტურნირი 8-10 ნოემბერს, ჩეხეთის დედაქალაქ პრაღაში ჩატარდება, თუმცა ყველაფერი მაინც კორონავირუსის გავრცელების რისკებზე იქნება დამოკიდებული.

ლინდსი გრემი

08 აპრილი 2020, 05:33

COVID19

სენატორი ლინდსი გრემი: მანამ, სანამ ჯანმოს ხელმძღვანელობა არ შეიცვლება, ჯანმოს დაფინანსებას მხარს არ დავუჭერ

მანამ, სანამ ჯანმოს ხელმძღვანელობა არ შეიცვლება, ჯანმოს დაფინანსებას მხარს არ დავუჭერ, - განაცხადა „რესპუბლიკელმა“ სენატორმა ლინდსი გრემმა. Fox News-სთვის მიცემულ ინტერვიუში სენატორმა აღნიშნა, რომ სენატის ასიგნაციების ქვეკომიტეტის თავმჯდომარის პოსტს გამოიყენებს, რათა ჯანმომ აშშ-სგან დაფინანსება არ მიიღოს.

მაიკ პენსი

08 აპრილი 2020, 05:13

COVID19

მაიკ პენსი: მეცნიერი არ ვარ, მაგრამ იმედის ნაპერწკალს ვხედავ

აშშ-ის ხელისუფლება კორონავირუსით ინფიცირების ახალი შემთხვევების რაოდენობის სტაბილიზაციას ხედავს. ამის შესახებ თეთრ სახლში გამართულ ბრიფინგზე აშშ-ის ვიცე-პრეზიდენტმა მაიკ პენსმა განაცხადა.

08 აპრილი 2020, 04:46

COVID19

აშშ-ში ბოლო დღე-ღამის განმავლობაში კორონავირუსით 1 939 ადამიანი გარდაიცვალა

აშშ-ში ბოლო დღე-ღამის განმავლობაში კორონავირუსით 1 939 ადამიანი გარდაიცვალა, რაც სიკვდილიანობის რეკორდული მაჩვენებელია. აქამდე რეკორდული მაჩვენებელი 4 აპრილს დაფიქსირდა, როდესაც დღე-ღამის განმავლობაში 1 344 ადამიანი გარდაიცვალა.

08 აპრილი 2020, 04:32

COVID19

ჯანმო: ჩრდილოეთ კორეაში კორონავირუსით ინფიცირების შემთხვევები არ დაფიქსირებულა

ჯანდაცვის მსოფლიო ორგანიზაცია ჩრდილოეთ კორეიდან მიღებული მონაცემების საფუძველზე იუწყება, რომ ქვეყანაში კორონავირუსით ინფიცირების შემთხვევები არ დადასტურებულა. ორგანიზაციაში აღნიშნეს, რომ ჩრდილოეთ კორეას კორონავირუსზე ტესტირებების ჩატარების შესაძლებლობა აქვს.