ნინო ბურჯანაძე: თალაკვაძის მხრიდან შეთანხმების სურვილი ყოველთვის იგრძნობოდა

პოზიტიურად ვაფასებ თალაკვაძის დღევანდელ განცხადებას, ადრეც ვთქვი, რომ თალაკვაძის მხრიდან შეთანხმების მიღწევის სურვილი იგრძნობოდა, - ამის შესახებ „ქრონიკას“ „ერთიანი საქართველო - დემოკრატიული მოძრაობის“ ლიდერმა, ნინო ბურჯანაძემ განუცხადა.

მისივე თქმით, ოპოზიციის სურვილია, რომ შეთანხმება შედგეს. „ხელისუფლება თავის წარმატებაში დარწმუნებულია, რომ არც ხუთ მაჟორიტარს და არც ათს მნიშვნელობა არ აქვს, ეს ასეთ შემთხვევაში ჩვენ მიგვიყვანს მაქსიმალური პროპორციული სისტემის წარმომადგენლობამდე“, - განაცხადა ბურჯანაძემ.

ობიქტურად არსებობს იმის შესაძლებლობა, რომ პოლიტიკურ პარტიებს შორის შეთანხმება შედგეს. ყველა მხრიდან ნაბიჯები გადადგმულია და ვფიქრობ, უახლოეს დღეებში შევძლებთ კიდევ ერთხელ შევიკრიბოთ და შეთანხმების მიღწევა ვცადოთ, - ამის შესახებ ჟურნალისტებს პარლამენტის თავმჯდომარემ, არჩილ თალაკვაძემ განუცხადა.