ირმა ინაშვილი: დღეს შეთანხმება უნდა შედგეს, რადგან დრო იწურება

დღეს შეთანხმება უნდა შედგეს, რადგან დრო იწურება და რაც სწრაფად შედგება კონსენსუსი, მით უკეთესი ჩვენი ქვეყნისთვის და ზოგადად, ჩვენი დემოკრატიული პროცესებისთვის, - ამის შესახებ „პატრიოტთა ალიანსის“ ერთ-ერთმა ლიდერმა, ირმა ინაშვილმა ოპოზიციისა და ხელისუფლების წარმომადგენლების შეხვედრის დაწყებამდე განაცხადა.

მისი თქმით, პოლიტიკური სპექტრი მისულია გარკვეულ კონდიციამდე და ახლა მთავარია, რომ შეთანხმებაში პროპორციულის კუთხით იყოს მეტი მოცულობა.

„გარდა ამისა, ჩვენ მომხრე ვართ 3%-იანი ბარიერის და ასევე ბლოკებისთვის 5%-იანი ბარიერის. ჩვენ ასევე ვსაუბრობთ არჩევნებში სავალდებულო მონაწილეობასა და საარჩევნო კოდექსში ცვლილებებზე, რომ ადმინისტრაციული რესურსის გამოყენება გახდეს სისხლის სამართლებრივად დასჯადი, მაგრამ რაც ყველაზე მნიშვნელოვანია, პროპორციულის სასარგებლოდ უნდა შედგეს დღეს შეთანხმება“, - განაცხადა ირმა ინაშვილმა.

მისი თქმით, განსხვავებული ციფრები და პროპორციები სახელდება და მათთვის მისაღებია 135/15-ზე, რომელშიც ჩადებული იქნება ის პრინციპი, რომ 15 მოიცავდა ყველა რეგიონს და თბილისს სამი მაჟორიტარი ეყოლებოდა.

„ეს იყო ჩვენი მოთხოვნა, მაგრამ ვინაიდან საუბარია უკვე განსხვავებულ მონაცემებზე, მზად ვართ ესეც განვიხილოთ, რათა მივიდეთ შეთანხმებამდე. ჩვენი გუნდის პოზიცია რომ, მთავარია შეიზღუდოს მაჟორიტარული მაწილი და ხელისუფლებამ თვითონაც შეიზღუდოს ამიტომ არის საუბარი 40 %-ზე, ამ შეზღუდვაზე უმრავლესობა მოდის რაც მნიშვნელოვანია, მაგრამ ეს ყველაფერი უნდა აისახოს პროექტში რომელსაც ჩვენ წავიკითხავთ, ჯერჯერობით კანონ-პროექტი წაკითხული არ გვაქვს, ამიტომ ცვლილებებზე მოვდივარ. ჯერჯერობით უნდა წეავიკითხოთ კანონპროექტი და მერე ვილაპარაკოთ დეტალებზე“ - განაცხადა ირმა ინაშვილმა.

პოლიტპატიმრების საკითხს რაც შეეხება ამაზე პატრიოტთა ალიანსის ერთ-ერთი ლიდერია აცხადებს: მთელი ამ წლების განმავლობაში ვითხოვ დამნაშავეების დასჯას, სააკაშვილის და ბოკერიას გუნდიდან, მართველი გუნდიდან ვინც 2004-2011 წლებში მართავდა ქვეყანას და ჩადენილი აქვს სისხლის სამართლის არაერთი დანაშაული და ჩემთვის ის ადამიანები, რომლებიც ვთქვათ, იგივე ბოკერიას და სააკაშვილის გუნდის წევრებისთვის პოლიტიკური პატიმრები არიან, არ არიან პოლიტპატიმრები,
თუმცა დასახელებულ პირებს შორის გრადაცია არის, მაგალითად თამლიანზე, ის და უგულავა ჩემთვის ერთი არაა. ჩემი მხრიდან ე წ პოლიტპატიმრებზე პირობა არ ყოფილა, პირიქით, ჩვენ ვითხოვთ დამნაშავეების დასჯას.

„ქართული ოცნება“ საარჩევნო სისტემაზე საკონსტიტუციო ცვლილებების პროექტს რამდენიმე დღეში წარადგენს. მმართველი გუნდის შეთავაზებით, გამარჯვებული სუბიექტი 40 პროცენტზე ნაკლები მხარდაჭერის შემთხვევაში 75 მანდატზე მეტის მოპოვებას ვერ შეძლებს და მთავრობას ვერ დააკომპლექტებს.

საპარლამენტო უმრავლესობის ლიდერის, მამუკა მდინარაძის განცხადებით, თუ ოპოზიცია ცოტაოდენ პასუხისმგებლობას გამოიჩენს, მხარეები შეთანხმებას მიაღწევენ, რისთვისაც საბოლოო ვადა 9 მარტია.

ოპოზიციაში აცხადებენ, რომ პარტიამ მთავრობის დასაკომპლექტებლად ხმების მინიმუმ 40% უნდა მიიღოს, რაც პროპორციული წესით 130 დეპუტატის, ხოლო 20-ის კი მაჟორიტარულით არჩევას ნიშნავს.