ირაკლი კობახიძე: ადამიანი და მასზე ზრუნვა არის ჩვენთვის მთავარი ღირებულება, ეს გამოისახება იმ ეკონომიკურ პაკეტში, რომელიც მთავრობამ შესთავაზა საზოგადოებას

საპარლამენტო უმრავლესობის წევრმა, „ქართული ოცების“ ერთ-ერთმა ლიდერმა, ირაკლი კობახიძემ, დღეს პარლამენტში სიტყვიით გამოსვლისას განაცხადა, რომ ხელისუფლება ზრუნავს მოქალაქეებზე, რასაც შეთავაზებული ეკონომიკური პაკეტი ადასტურებს.

„დახმარება, რომელიც გაიცემა უმუშევრად დარჩენილთათვის, ეს პაკეტი მოიცავს 535 მილიონს. ნახავარ მილიარდზე მეტი დაიხარჯება, რომ ჩვენს მოქალაქეებს გაეწიოთ სოციალური დახმარება. იგივე მაჩვენებელი 2008 წლის ეკონომიკური კრიზისის დროს იყო არც მეტი არც ნაკლები 0 ლარი. ეს იყო თქვენი სულისკვეთება და ადამიანის მიმართ დამოკიდებულება. მოწყვლადი ფენების დახმარების პაკეტი არის 73 მილიონი ლარი. კომუნალურ გადასახადებს მოხმარადა 150 მილიონი ლარი. „ნაციონალური მოძრაობის დროს 2008 წელს იყო 0 ლარი.

სასურსათო ფასების სუბსიდირებაზე მილიონი ლარი დაიხარჯა. აღარაფერს ვამბობ ეკონომიკის სუბსიდირებაზე, რაც ცალკე პაკეტად არის გაწერილი. ჩვენ გვაქვს 2 მილირდი ლარი გადადებული, რომ ეკონომიკას მინიმალური ზიანი მიადგეს. მაშინ იყო გაწერილი 0 ლარი. ეს არის დამოკიდებულების სტატისტიკა. მაშინ გაჩერდა მშენებლობის სექტორი, სასტუმროები, ტურისტული ობიექტები. ტურიზმი. ათასობით ადამიანი კარგავდა უძრავ ქონებას. 2012 წელს სიღარიბის ზღვარს მიღმა ცხოვრობდა 1 125 000 ადამიანი. აღარაფერს ვამბობ ბიზნესის რეკეტსა და სხვა უბედურებებზე რაც იყო მათი დამახასიათებელი ნიშანი“, - აღნიშნა კობახიძემ.