არჩილ თალაკვაძე: „ქართული ოცნება“ ერთადერთი პოლიტიკური ძალაა, რომელმაც ხელისუფლებაში ყოფნის დროს მიიღო გადაწყვეტილება საარჩევნო სისტემის შესაცვლელად

„ქართული ოცნება“ არის ერთადერთი პოლიტიკური ძალა, რომელმაც ხელისუფლებაში ყოფნის დროს მიიღოო გადაწყვეტილება საარჩევნო სისტემის შესაცვლელად, მხარი დაუჭირა და კონსტიტუციაში ასახა პროპორციული საარჩევნო სისტემა, - ამის შესახებ საქართველოს პარლამენტის თავმჯდომარემ, არჩილ თალაკვაძემ, საკონსტიტუციო პროექტის სახალხო განხილვის დროს „პირველი არხის“ ეთერში განაცხადა.

„ „ქართულმა ოცნებამ“ პირველად საქართველოს უახლეს ისტორიაში და პოლიტიკურ ისტორიაში როგორც პოლიტიკურმა ძალამ, რომელიც ხელისუფლებაში ყოფნის დროს იღებს ასეთ მნიშვნელოვან გადაწყვეტილებას გააკეთა ეს რეფორმა და „ქართული ოცნება“ არის ერთადერთი პოლიტიკური ძალა, რომელმაც ხელისუფლებაში ყოფნის დროს მიიღო გადაწყვეტილება საარჩევნო სისტემის შესაცვლელად, მხარი დაუჭირა და კონსტიტუციაში ასახა პროპორციული საარჩევნო სისტემა. ოპოზიციის ნაწილს, რომელიც დღეს ასე აქტიურად იცავს და ითხოვს პროპორციულ სისტემაზე გადასვლას, მაშინ როდესაც ხელისუფლებაში იმყოფებოდნენ, მათი მხრიდან, არც ერთი საკანონმდებლო გადაწყვეტილება პროპორციულ არჩევნებთან დაკავშირებით ინიცირებული და მიღებული არ ყოფილა“, - აღნიშნა პარლამენტის თავმჯდომარემ.

საკონსტიტუციო პროექტის საყოველთაო-სახალხო განხილვა დაიწყო.

ოპოზიცია და ხელისუფლება 8 მარტს 2020 წლის არჩევნების 120/30-ზე მოდელით ჩატარებაზე შეთანხმდნენ. შესაბამის შეთანხმებას მხარეებმა აშშ-ის ელჩის რეზიდენციაში გამართულ შეხვედრაზე მიაღწიეს.

რა დოკუმენტებს მოაწერეს ხელი აშშ-ის საელჩოში გამართული შეხვედრის მონაწილეებმა, წაიკითხეთ ამ ბმულზე.