ტოივო კლაარი: აუცილებელია პამდემიის გამო შეჩერებული ჟენევის მოლაპარაკებები და ინციდენტების პრევენციის და მათზე რეაგირეების მექანიზმის შეხვედრები მალე განახლდეს

ჩვენ გავაუქმეთ ჟენევის მოლაპარაკებების გაზაფხულზე დაგეგმილი რაუნდი. ასევე ვერ გავმართავთ ივნისში ჩანიშნულ შეხვედრას შვეიცარიაში, რაც ძალიან ცუდია. მნიშვნელოვანია პირისპირ შეხვედრები. თანათავმჯდომარეებმა გავაკეთეთ ყველაფერი და ძალიან ვეცადეთ, რომ პანდემიის დროს კონტაქტი შეგვენარჩუნებინა მოლაპარაკების ყველა მონაწილესთან გვქონდა რეგულარული შეხვედრები ზუმის და სხვა საშუალებების გამოყენებით. ამით პულსზე ხელი გვეჭირა - ამის შესახებ Imedinews ევროკავშირის სპეციალური წარმომადგენელმა სამხრეთ კავკასიასა და საქართველოში კრიზისების საკითხებში, ჟენევის მოლაპარაკების თანათავჯდომარემ ტოივო კლაარმა განუცხადა.

მისი თქმით, კორონავირუსის გათვალისწინებით ზოგადი მდგომარეობა რათქმაუნდა კარგი არაა. „არის განცხადებები, რაც აქამდე არ მოგვისმენია. მაგალითად,გუშინ ე.წ.სამხრეთ ოსეთის კგბ-მ განცხადება გააკეთა. ეს არ არის სასარგებლო პროცესისთვის და არის შედეგი იმისაც, რომ პირისპირ შეხვედრა ვერ გავმართეთ. არ გვაქვს ჟენევის მოლაპარაკებები და არც ინციდენტების პრევენციის და მათზე რეაგირეების მექანიზმის შეხვედრები. ორივე ძალიან მალე უნდა განახლდეს.ზოგადი სიტუაცია არ არის ისეთი, როგორსაც ჩვენ ვისურვებდით. ვერც იმას ვიტყვით, რომ კორონავირუსამდე დამაკმაყოფილებელი სიტუაცია გვქონდა. ამ პერიოდში დისტანციურ შეხვედრებზე განვიხილეთ ის საკითხები, რაც ჟენევის მოლაპარაკებების დღის წესრიგშია“, - აცხადებს კლაარი.

მისი თქმით, ეს არის უსაფრთხოებასთან და ჰუმანიტარულ მდგომარეობასთან დაკავშირებული პრობლემები. „ვიდეოკონფერენციის საშუალებით მსჯელობა კარგია,მაგრამ პირადად შეხვედრებია აუცილებელია რაც შეიძლება მოკლე პერიოდში გვქონდეს და ამაზე ვმუშაობთ. ამ კვირაში ჩვენ ისევ გავესაუბრებით ქართველ კოლეგებთან და გვექნება კონტაქტი ცხინვალთანაც. პანდემიის დასაწყისშივე გაერთიანებული ერების ორგანიზაციის გენერალურმა მდივანმა მოუწოდა ყველას გლობალურად ცეცხლის შეწყვეტისკენ და თანამშრომლობისკენ. ჩვენ სამწუხაროდ, ეს ვერ დავინახეთ ცხინვალიდან და ამაზე რუსეთის წარმომადგენლებთან არაერთხელ გავამახვილეთ ყურადღება“, - აღნიშნა კლაარმა.

მისი თქმით, ამ უპრეცენდენტო კრიზისის გამოყენება უნდა მოხდეს ხიდების ასაშენებლად, მხარეებს შორის ნდობის აღსადგენად და სამწუხაროდ ეს არ ხდება. „იყო ცალკეული შემთხვევევი, მაგრამ უფრო მეტს ვისურვებდით. იმედი გვაქვს მოხდება თანამშრომლობის გაღრმავება და კონტაქტების აღდგენა. ბორდერიზაციის გაგრძელება ამ პროცესს ართულებს. ნემისმიერი სახით დახმარებისთვის მზადყოფნა კარგი ჟესტია. საქართველოს ხელისუფლებამ მზადყოფნა გამოთქვა არაერთხელ მიეღო პაციენტებიც მაგალითად, ენგურის ხიდიდან და პაციენტები მართლაც გადმოდიოდნენ. მომხდარს ძალიან დადებითად ვაფასებთ. საქართველოს ხელისუფლება პანდემიის დროს ვირუსის შეჩერებას ძალიან ეფექტიანად გაუმკლავდა და ამას აღვნიშნავ არამარტო მე, არამედ მთელი მსოფლიოდან ასეთი შეფასებაა. ჩვენ მივესალმებით დახმარების აღმოსაჩენად გადადგმულ ყველა ნაბიჯს, მნიშვნელოვანია, რომ არ მოხდეს ამის პოლიტიზირება. დახმარების სურვილი და დახმარებისთვის მზადყოფნა უაღრესად დადებითად არის ჩვენი მხრიდან შეფასებული. ძალიან დიდი სამუშაო ჩატარდა ინციდენტების პრევენციის და მათზე რეაგირების მექანიზმების განსაახლებლად. ჯერ არ შემიძლია განვაცხადო როდის და სად, მაგრამ დიდი იმედი მაქვს, რომ შეხვედრების განახლებას ახლო მომავალში შევძლებთ“, - აცხადებს კლაარი.

მისი თქმით ეს COVID19-მდეც პრობლემა იყო. „მაგრამ ჩვენ არ დაგვკლია ძალისხმევა და მუშაობა. მთავარია, რომ მოლაპარაკების ყველა მონაწილე აღიარებს ამ მექანიზმის მნიშვნელობასა და აუცილებლობას. ეს მაძლევს იმედს, რომ შეხვედრების გამართვას შევძლებთ. როდესაც ჟენევის მოლაპარაკებების შედეგებზე ვსაუბრობთ, უნდა განსაზღვროთ ჯერ რას ვგულისხმობთ პროგრესში. დიდ და ძირითად საკითხებზე ჟენევის მოლაპარაკებებს ჯერ აქვს შედეგი, მაგრამ ასევე უნდა აღინიშნოს, რომ ჟენევის მოლაპარაკებების შედეგად გქვონდა წლების მანძილზე საჭირო და სასარგებლო მიღწევები. ჟენევის მოლაპარაკებები არ არის მხოლოდ ის, რასაც ჩვენ ვხედავთ მაგიდის გარშემო. ამ ფორმატის საშუალებით მოლაპარაკების მონაწილეების შეხვედრა არსებით მნიშვნელობას ატარებს. რომ არ ყოფილიყო აქამდე ჟენევის მოლაპარაკებები, დღეს ძალიან რთული იქნებოდა ჟენევის მოლაპარაკებების შექმნა და დაწყება. ჩვენ ვამბობთ, რომ პრობლემა არა ფორმატია, არამედ პრობლემა პოლიტიკური ნებაა, რათა წავიდეთ წინ და მივაღწიოთ კონკრეტულ მიზნებს. მე, როგორც ამ მოლაპარაკების თანათავმჯდომარეს, მსურს რომ ფორმატის მექანიზმების უფრო ეფექტიანად გამოყენება შევძლოთ. ვრჩები ოპტიმისტად. როდესაც შეხვედრებს დავიწყებთ განვიხილავთ ყველა აქტუალურ თემას, მაგალითად, ჩორჩანა-წნელისის საკითხს, გადასასვლებების დახურვას. ამ საკითხებზე მსჯელობაა საჭირო და ერთადერთი ფორმატი, სადაც შეიძლება მათი განხილვა მოხდეს არის ჟენევის მოლაპარაკებები ან ინციდენტების პრევენციისა და მათზე რეაგირების მექანიზმი, რაც ასევე ჟენევის ნაწილია. ასე რომ, მცირე პროგრესი გვაქვს და მნიშვნელოვანია ყველას ჩართულობა, თანამშრომლობა და პოლიტიკური ნება არსებითი შედეგების დასადებად. კიდევ ერთხელ ვამბობ, მიზეზი არაა შეხვედრის მონაწილეების დონე, ფორმატი და პროცესი, არამედ აუცილებელია პოლიტიკური ნება. ჩვენი სურვილია, რომ ორგანიზება გავუკეთოთ შეხვედრას რაც შეიძლება მალე.ამით არის დაინტერესებული მოლაპარაკების ყველა მონაწილე. ახლა მთავარი კითხვაა, თუ რამდენად სწრაფად იქნება ეს შესაძლებელი ჟენევაში თუ სხვაგან და როდის შეძლებენ მოლაპარაკების მონაწილეები ვირუსის გათვალისწინებით მგზავრობას. თანათავმჯდომარეების პოზიცია, რომ შეხვედრა გაიმართოს, როგორც კი ამის შესაძლებლობა მოგცემა“, - აღნიშნა კლაარმა.