IMEDI /  12 ივნისი 2020, 22:54 / სანდო წყარო

გიორგი გახარია: ნებისმიერი მიმართულებით წარმატება დაკარგავს აზრს, თუ ადამიანის უფლებების დაცვის სტანდარტი არ შევინარჩუნეთ

ჩვენ ყოველთვის ვამბობდით, რომ საქართველოს მიდგომაში პანდემიასთან ბრძოლის ძირითადი მიმართულება იყო, პირველ რიგში, ადამიანის ჯანმრთელობა, სიცოცხლე და შემდეგ ეკონომიკური საქმიანობის მაქსიმალურად სწრაფად აღდგენა ისე, რომ რისკი არ შევუქმნათ ადამიანის ჯანმრთელობას და ნებისმიერი, ამ ორი მიმართულებით წარმატება დაკარგავს აზრს, თუ პარალელურად, ადამიანის უფლებების დაცვის სტანდარტი არ შევინარჩუნეთ, - ამის შესახებ საქართველოს პრემიერ-მინისტრმა გიორგი გახარიამ ადამიანის უფლებათა უწყებათაშორისი საბჭოს სხდომაზე განაცხადა.

ადამიანის უფლებები პანდემიის დროს - ამ თემის ირგვლივ საბჭოს სხდომის ფარგლებში, საქართველოს მთავრობის ადმინისტრაციის, საკანონმდებლო და აღმასრულებელი ხელისუფლებების, საერთაშორისო და ადგილობრივი ორგანიზაციების, სახალხო დამცველის აპარატისა და სხვა დაინტერესებული უწყებების წარმომადგენლებმა იმსჯელეს.

ვიდეოკონფერენციის ფორმატში გამართული სხდომა საქართველოს პრემიერ-მინისტრმა გიორგი გახარიამ მისასალმებელი სიტყვით გახსნა. მთავრობის მეთაურმა აღნიშნა, რომ მსგავსი წარმომადგენლობითი შეხვედრა ხელს შეუწყობს ადამიანის უფლებების მიმართულების შემდგომ განვითარებას, გამოწვევების იდენტიფიცირებასა და პროცესების გაუმჯობესებას.

პრემიერმა ევროპის საბჭოს ადამიანის უფლებათა კომისარს, დუნია მიატოვიჩს მადლობა გადაუხადა საქართველოსთან თანამშრომლობისთვის, ასევე -ევროკავშირის ელჩს საქართველოში კარლ ჰარცელს, გაეროს განვითარების პროგრამის მუდმივ კოორდინატორს საქართველოში ლუიზა ვინტონს და გაერო-ს ადამიანის უფლებათა დაცვის უმაღლესი კომისარიატის სააგენტოს ხელმძღვანელ ვლადიმირ შკოლნიკოვს.

გიორგი გახარიამ ისაუბრა Covid-19-ის პირობებში ადამიანის უფლებების დაცვის მიმართულებით გადადგმულ ნაბიჯებზე და აღნიშნა, რომ მთავრობამ ყველაფერი გააკეთა, რათა თითოეული ნაბიჯი როგორც სამართლებრივად, ასევე ადამიანის უფლებების ჭრილში, მაქსიმალურად დაბალანსებული ყოფილიყო.

„საგანგებო მდგომარეობამ გარკვეული რისკების ქვეშ დააყენა ადამიანის უფლებების დაცვის გარკვეული კომპონენტები და, რა თქმა უნდა, ჩვენ ყველაფერი გავაკეთეთ ისეთი მოწყვლადი ჯგუფებისთვის, როგორებიც არიან ბავშვები, მრავალშვილიანი ოჯახები, შშმ პირები, ხანდაზმულები, ეთნიკური უმცირესობები და სხვ. მოგეხსენებათ, ჩვენი ყველა ნაბიჯი ეპიდემიასთან ბრძოლაში როგორც სამართლებრივად, ასევე ადამიანის უფლებების ჭრილში, მაქსიმალურად იყო დაბალანსებული და გაზომილი. ვცდილობდით დაგვეცვა ბალანსი - ადამიანის ჯანმრთელობას, ეკონომიკურ აღორძინებასა და ადამიანის უფლებების სტანდარტის შენარჩუნებას შორის, დაწყებული უმცირესობებისათვის თავიანთ ენაზე ინფორმაციის მიწოდებით, დამთავრებული საერთოდ, სამოქალაქო საზოგადოების და საზოგადოების ინფორმირებულობის მაღალი სტანდარტის შესანარჩუნებლად. იმ ფორმატებში, რომლებიც შექმნილი იყო უწყებათაშორისი საბჭოს და შტაბის ფორმით, ყოველდღიურად, მაქსიმალურად ფართო საზოგადოებას ვუზიარებდით ინფორმაციას, როგორც ეპიდემიოლოგიური ვითარების შესახებ, ასევე იმ შეზღუდვების შესახებ, რომელიც საგანგებო მდგომარეობის პირობებში არსებობდა. მზად ვართ, იქ, სადაც კრიტიკის აუცილებლობაა, შენიშვნები მივიღოთ, იმისთვის, რომ სამომავლო გეგმები დავსახოთ“, - განაცხადა გიორგი გახარიამ.

პრემიერმა ყურადღება გაამახვილა იმ ყოვლისმომცველ კვლევაზე, რომელსაც მთავრობის ადმინისტრაცია იწყებს. კვლევის მიზანია პანდემიის მართვის „ქართული პრაქტიკის“ შესწავლა, განვლილ გზაზე პრობლემების იდენტიფიცირება და მზაობის უზრუნველყოფა სამომავლოდ შესაძლო განმეორებითი ტალღის უფრო ეფექტურად მართვისთვის.

„ეს იქნება უაღრესად ფართო კვლევა კრიზისის მართვის თვალსაზრისით, გლობალური პანდემიის და ეპიდემიის მართვის თვალსაზრისით, რომელიც მოიცავს სხვადასხვა სფეროს. ეს იქნება, როგორც ეკონომიკური ასევე, ეპიდემიოლოგიური, იქნება ადამიანის უფლებების კონტექსტი, პირადი მონაცემების დაცვის კონტექსტი, მოწყვლადი ჯგუფების ინტერესის დაცვის პროცესი და სხვა ყველაფერი აისახება ამ ღრმა კვლევაში, რომლის იდეით მთავრობის ადმინისტრაცია გამოვიდა და იწყებს უახლოეს პერიოდში. აქაც, რა თქმა უნდა, თქვენი ჩართულობა იქნება უაღრესად მნიშვნელოვანი“, - განაცხადა მთავრობის მეთაურმა.

პრემიერმა სხდომის მონაწილეებს და ადამიანის უფლებათა სამდივნოს სამოქალაქო საზოგადოებასთან კარგი თანამშრომლობისთვის მადლობა გადაუხადა. მან ხაზი გაუსვა ამ პროცესში ინფორმაციის აქტიური გაცვლისა და ჩართულობის მაღალ ხარისხს.

გიორგი გახარიას მისასალმებელი სიტყვის შემდეგ სხდომის მონაწილეებს სიტყვით მიმართეს ევროპის საბჭოს ადამიანის უფლებათა კომისარმა დუნია მიატოვიჩმა და ევროკავშირის ელჩმა საქართველოში, კარლ ჰარცელმა.

დუნია მიატოვიჩმა ყურადღება ადამიანის უფლებების როლის გაძლიერებაზე გაამახვილა.

„პანდემიას ექნება როგორც მოკლევადიანი, ისე გრძელვადიანი შედეგები, მათ შორის მოიაზრება ეკონომიკური კრიზისი და მისი სოციალური ფაქტორები, რომლებიც ისე უნდა მოგვარდეს, რომ არ გააძლიეროს არსებული კრიზისის ისედაც უარყოფითი გავლენა ადამიანის უფლებებზე,“ - აღნიშნა ევროპის საბჭოს ადამიანის უფლებათა კომისარმა.

ევროკავშირის ელჩმა საქართველოში, საბჭოს ფორმატში სიტყვით გამოსვლისას, ხაზი გაუსვა, რომ დღემდე მიღწეულმა შედეგებმა საქართველოს დამსახურებული აღიარება მოუტანა.

„დღემდე მიღწეულმა შედეგებმა საქართველოს დამსახურებული აღიარება მოუტანა. ჯანდაცვის სფეროში გამოწვევები დარჩება და იგივე შეეხება ეკონომიკურ და სოციალურ გამოწვევებს. მათ შორისაა ადამიანის უფლებების დაცვაზე საქართველოს მიერ ნაკისრი ვალდებულებების განხორციელება პოლიტიკური კურსის შედეგად, რაც მოქალაქეებისადმი ნაკისრ პასუხისმგებლობასაც მოიცავს. ამდენად, ეს ორგანო უნიკალურად კარგად არის წარმოდგენილი ამ საკითხების მოსაგვარებლად. გაწეული ძალისხმევისთვის გულწრფელ მადლიერებას გამოვხატავ მთავრობის ადმინისტრაციის ერთგული და დინამიური გუნდისა და ადამიანის უფლებების სამდივნოს მიმართ“, - აღნიშნა კარლ ჰარცელმა.

ევროკავშირის ელჩმა, აგრეთვე, ხაზი გაუსვა ადამიანის უფლებათა საბჭოს ძალისხმევას და ქმედით გადაწყვეტილებებს სხვადასხვა მოწყვლადი ჯგუფების დახმარების და გენდერული თანასწორობის ნაწილში. კარლ ჰარცელმა ყურადღება გაამახვილა საქართველოს მთავრობისა და პარლამენტის მიერ ადამიანის უფლებების სფეროში მიღწეულ მნიშვნელოვან შედეგებზე.

„მილოცვას იმსახურებს იუსტიციის სამინისტრო, რომელმაც ნანატრი კანონპროექტი შეიმუშავა შშმ პირების შესახებ. იმედი გვაქვს პარლამენტი მას დაამტკიცებს და მზაობას ვაცხადებთ მისი განხორციელების მხარდაჭერაზე. ასევე, პერსპექტიულად მიგვაჩნია შშმ პირების საკითხებზე სრული დატვირთვით მომუშავე კომიტეტი, რომელიც კონვენციის ფარგლებში ნაკისრი ვალდებულებების შესაბამისია. გასულ წელს ბავშვთა უფლებების შესახებ კოდექსის წარმატებული დამტკიცების შემდეგ მივესალმებით მისი განხორციელებისთვის ყველა დონეზე განხორციელებულ სამუშაოს. ასევე მივესალმებით უწყებათაშორისი სამუშაო ჯგუფის მუშაობას, რომელიც საბჭოს ბავშვთა უფლებების კომიტეტის ფარგლებში ჩამოყალიბდა. მივესალმებით, ასევე, ცალკე დეპარტამენტის სახით არასრულწლოვანთა მართლმსაჯულების ერთეულის შექმნას შინაგან საქმეთა სამინისტროში. და ბოლოს, ადამიანის უფლებების დაცვის სამოქმედო გეგმაში ხარისხის უზრუნველყოფის შესახებ თავის დამტკიცება საეტაპო მოვლენად მიგვაჩნია“, - განაცხადა ევროკავშირის ელჩმა.

სხდომაში მთავრობის ადმინისტრაციის უფროსი ნათია მეზვრიშვილი, პრემიერ-მინისტრის მრჩეველი ადამიანის უფლებათა საკითხებში ლელა აქიაშვილი, ადამიანის უფლებათა სამდივნოს უფროსი ანა ბუჩუკური, ხოლო საერთაშორისო ორგანიზაციების მხრიდან - გაერო-ს მუდმივი კოორდინატორი საქართველოში საბინე მახლი, ევროპის საბჭოს საქართველოს ოფისის ხელმძღვანელი კრისტიან ურსე და USAID-ის საქართველოს მისიის დირექტორი პიტერ ვიბლერი მონაწილეობდნენ.

ყველა სიახლე

ელისო ბოლქვაძე

17 ოქტომბერი 2021, 22:44

პოლიტიკა

ელისო ბოლქვაძე: ძალიან დიდი აღმოჩენა იყო ჩემთვის, რომ საქართველოს ჰყავდა ისეთი ადამიანი, როგორიც არის ბიძინა ივანიშვილი

„მე შემოვედი პოლიტიკაში იმიტომ, რომ ვადევნებდი თვალყურს 2012-წლამდე და მერე [მოვლენებს] და ძალიან დიდი აღმოჩენა იყო ჩემთვის, რომ საქართველოს ჰყავდა ისეთი ადამიანი, როგორიც არის ბიძინა ივანიშვილი. ჩემთვის ეს იყო შეუცნობელი ადამიანი, რომელიც შემოვიდა ქართულ სივრცეში და ძალიან მაინტერესებდა. მივყვებოდი მას ტელევიზიით, არ ვიცნობდი საერთოდ. რაღაც ძალიან დიდი იმპულსი იყო“, - განაცხადა ბოლქვაძემ.

თორნიკე რიჟვაძე

17 ოქტომბერი 2021, 22:20

რეგიონი

თორნიკე რიჟვაძე: ბათუმში, კორპუსის ნგრევისას დაღუპულთა ხსოვნის უკვდავსაყოფად, მემორიალი განთავსდება

ბათუმში, კორპუსის ნგრევისას დაღუპულთა ხსოვნის უკვდავსაყოფად, მემორიალი განთავსდება, - ამის შესახებ აჭარის მთავრობის თავმჯდომარემ თორნიკე რიჟვაძემ განაცხადა. მისი თქმით, შენობის დემონტაჟი გარკვეულ პერიოდს წაიღებს. ეს იქნება რამდენიმეკვირიანი პერიოდი, რომლის პროცედურები უკვე დაწყებულია.

17 ოქტომბერი 2021, 22:01

რეგიონი

რას ამბობენ ბათუმში კორპუსის ჩამონგრევის შედეგად გარდაცვლილთა ახლობლები

„იმედის კვირა“ ბათუმში საცხოვრებელი კორპუსის ჩამონგრევის შედეგად გარდაცვლილთა ოჯახის წევრებსა და ახლობლებს შეხვდა. რას ჰყვებიან ისინი დაღუპულებზე და 8 ოქტომბერს მათთან ბოლო საუბრებზე ნახეთ სიუჟეტში.

17 ოქტომბერი 2021, 21:47

საზოგადოება

კახა კალაძემ განახლებულ ბუკიას ბაღი დაათვალიერა

„ყველასათვის საყვარელი ბუკიას ბაღი, რომელიც ცუდ მდგომარეობაში იყო, რეაბილიტაციის შედეგად მოწესრიგდა. დაირგო ხე-მცენარეები, განთავსდა სკამები, გაკეთდა განათებები, მოეწყო სარწყავი სისტემები და ყვავილების გასაყიდი ადგილი, რეაბილიტაცია ჩაუტარდა შადრევანს. ყველაფერი გაკეთდა, რისი გაკეთებაც შესაძლებელი იყო ამ პატარა სივრცეში. რამდენიმე დღეა, რაც დასრულდა სამუშაოები. ძალიან მიხარია, რომ ასეთი პროექტები ხორციელდება დედაქალაქში და მომავალში კიდევ უფრო მეტი გაკეთდება“, - განაცხადა კალაძემ.

კახა კალაძე

17 ოქტომბერი 2021, 21:39

პოლიტიკა

კახა კალაძე: უფრო მაგარი ენთუზიაზმი გვაქვს, რათა დიდი ანგარიშით გავიმარჯვოთ და მეორე დღესვე დავიწყოთ კონკრეტული პროექტების განხორციელება

ის ყველაფერი, რაც დემოკრატიასთან ახლოსაა და დემოკრატიულია, ჩემთვის ყველაფერი მისაღებია და მეორე ტური ტრაგედია ნამდვილად არ არის. პირიქით! უფრო მეტი შემართებით ვართ, - ამის შესახებ „ქართული ოცნების“ თბილისის მერობის კანდიდატმა და დედაქალაქის მერმა, კახა კალაძემ „იმედის კვირასთან“ საუბრისას განაცხადა. მან პირველი ტურის შედეგები შეაფასა და მეორე ტურისთვის მის მოლოდინებზე ისაუბრა.

მიხეილ სააკაშვილი

17 ოქტომბერი 2021, 21:10

პოლიტიკა

როგორი იყო მიხეილ სააკაშვილის ხარჯები პრეზიდენტობის დროს - „იმედის კვირის“ სიუჟეტი

სააკაშვილმა პირადი ხარჯების დამალვა და საიდუმლო ხარჯებში მისი გადატანა მას შემდეგ გადაწყვიტა, რაც 2009 წელს სახელმწიფო ბიუჯეტის ხარჯზე მსოფლიოში ყველაზე ძვირადღირებული მასაჟისტის დოქტორ დოტის მომსახურებით ისარგებლა, რასაც სკანდალი მოყვა.

ლევან როგავა

17 ოქტომბერი 2021, 20:58

სამართალი

ლევან როგავა სააკაშვილზე: მიშას იმდენი ცოდვა აქვს კისერზე შემოდებული, რომ ამაზე მან პასუხი უნდა აგოს

ნაწამები და გარდაცვლილი ადამიანების ოჯახის წევრებმა უმძიმესი წლები: სააკაშვილის მმართველობა, დევნა და უდანაშაულო ადამიანების პატიმრობა „იმედის კვირასთან“ საუბრისას გაიხსენეს.

მიხეილ სააკაშვილი

17 ოქტომბერი 2021, 20:49

პოლიტიკა

როგორი იყო მიხეილ სააკაშვილის გზა ქართულ პოლიტიკაში

„იმედის კვირის“ გადამღებმა ჯგუფმა ქართულ პოლიტიკაში მიხეილ სააკაშვილის გზის შესახებ მოამზადა რეპორტაჟი. როგორ დაიწყო საქართველოს მესამე პრეზიდენტის პოლიტიკური კარიერა და რას წერს ის თავის წიგნში „ძალის გამოღვიძება“, ნახეთ „იმედის კვირის“ სიუჟეტში.

კახა კალაძე

17 ოქტომბერი 2021, 20:41

პოლიტიკა

კახა კალაძე: ხვალიდან ვიწყებ აქტიურ წინასაარჩევნო კამპანიას

არ მაინტერესებს ოპონენტის გეგმები, ჩემთვის მნიშვნელოვანია თბილისელებს ავუხსნა, როგორ ვგეგმავ თბილისის განვითარებას. ხვალიდან დავიწყებ აქტიურ წინასაარჩევნო კამპანიას - ამის შესახებ „ქართული ოცნების“ თბილისის მერობის კანდიდატმა კახა კალაძემ დღეს ჟურნალისტებს განუცხადა. მისივე თქმით, საზოგადოებას არა პოლიტიკოსების პარტიული ინტერესები, არამედ ქალაქისთვის მნიშვნელოვანი სამომავლო პროექტები და პრობლემების გადაჭრის გზები აინტერესებს.

17 ოქტომბერი 2021, 20:28

სამართალი

რა პირობებში იხდის სასჯელს მიხეილ სააკაშვილი

მიხეილ სააკაშვილის საკანი ორ ადამიანზე არის გათვლილი, თუმცა ის საკანში მარტო იმყოფება. სტანდარტულად ტელევიზორი არც ერთ საკანში არ არის, პატიმარმა სურვილის შემთხვევაში თავად უნდა შეიძინოს, როგორც მოხდა სააკაშვილის შემთხვევაში. მან ადმინისტრაციას მაცივარიც სთხოვა, ამიტომ დღეს მსჯავრდებულის ოთახში არის მაცივარიც, ასევე ელექტროჩაიდანი და გამათბობელი.

კახა კალაძე

17 ოქტომბერი 2021, 19:59

პოლიტიკა

კახა კალაძე: სააკაშვილი იმყოფება იქ, სადაც უნდა იმყოფებოდეს, მიშას აუცილებლად ექნება თავისუფლება, მას შემდეგ, როდესაც სასჯელს მოიხდის

სააკაშვილი იმყოფება იქ, სადაც უნდა იმყოფებოდეს. ჩვენ ვისმენთ ბოლო დღეების განმავლობაში – „თავისუფლება მიშას“. მიშას აუცილებლად ექნება თავისუფლება, მას შემდეგ, როდესაც სასჯელს მოიხდის, - ამის შესახებ პარტია „ქართული ოცნების“ გენერალურმა მდივანმა, დედაქალაქის მერმა, კახა კალაძემ მიხეილ სააკაშვილის პატიმრობასთან დაკავშირებით დასმული შეკითხვის საპასუხოდ განაცხადა.

სახელმწიფო უსაფრთხოების სამსახური

17 ოქტომბერი 2021, 19:40

სამართალი

სახელმწიფო უსაფრთხოების სამსახური 28 სექტემბერს მარნეულში მომხდარი ქურდობის ფაქტთან დაკავშირებით განცხადებას ავრცელებს

სახელმწიფო უსაფრთხოების სამსახური 28 სექტემბერს მარნეულში მომხდარი ქურდობის ფაქტთან დაკავშირებით განცხადებას ავრცელებს. განცხადების თანახმად, სიმართლეს არ შეესაბამება გავრცელებული ინფორმაცია, რომ აღნიშნულ დღეს თითქოს, სახელმწიფო უსაფრთხოების სამსახურის უფროსის მოადგილის სახლი გაქურდეს.

17 ოქტომბერი 2021, 19:28

კულტურა

თბილისის საერთაშორისო ლიტერატურული ფესტივალი გაიხსნა

თბილისის საერთაშორისო ლიტერატურული ფესტივალი (TIFL) უკვე მეექვსედ იმართება. წლევანდელი ფესტივალი კი UNESCO-ს პროექტის „თბილისი - წიგნის მსოფლიო დედაქალაქი“ ფარგლებში იმართება. ფესტივალის პროგრამის მთავარი თემაა ქალაქი, როგორც სიმბოლო, რომელიც ამერიკელ პოეტსა და აქტივისტ ლორენს ფერლინგეტის უკავშირდება. მის შემოქმედებას ფესტივალის პროგრამაში განსაკუთრებული ადგილი დაეთმობა.

შალვა პაპუაშვილი

17 ოქტომბერი 2021, 18:54

პოლიტიკა

შალვა პაპუაშვილი: ორი წვეთი ძალაუფლებაც რომ მისცე, ჯაშუშებისა და „პუწინის მონების“ იარლიყით ჩაყრიან ფიზიკურ თუ მორალურ დილეგში

ორი წვეთი ძალაუფლებაც რომ მისცე, ჯაშუშებისა და „პუწინის მონების“ იარლიყით ჩაყრიან ფიზიკურ თუ მორალურ დილეგში, - ამის შესახებ პარტია „ქართული ოცნების“ წევრი შალვა პაპუაშვილი სააკაშვილის მომხრეებსა და ოპოზიციის შესახებ სოციალურ ქსელში წერს.

17 ოქტომბერი 2021, 18:43

მსოფლიო

ესპანეთში ვულკანის ამოფრქვევა 4 კვირაა გრძელდება

ლავამ უკვე 1 800-ზე მეტი შენობა გაანადგურა, საბედნიეროდ, დროული ევაკუაციის შედეგად ამოფრქვევას მსხვერპლი არ მოჰყოლია. კანარის კუნძულების პრეზიდენტის, ანხელ ვიქტორ ტორესის თქმით, მეცნიერები ამოფრქვევას აკვირდებიან, ლავის ამოფრქვევა კი ამ დრომდე არ წყდება.

კელი დეგნანი

17 ოქტომბერი 2021, 18:04

პოლიტიკა

კელი დეგნანი: აშშ-ის თავდაცვის მდივანის ვიზიტი ამერიკის მხრიდან საქართველოს უსაფრთხოების განგრძობითი მხარდაჭერის ძლიერი სიგნალია

ძალიან მოხარული ვარ, რომ ხვალ თავდაცვის მდივანი ოსტინი ჩამოდის საქართველოში. ეს არის ამერიკის მხრიდან საქართველოს უსაფრთხოების განგრძობითი მხარდაჭერის ძლიერი სიგნალი, - ამის შესახებ საქართველოში აშშ-ის ელჩმა, კელი დეგნანმა განაცხადა.

კელი დეგნანი

17 ოქტომბერი 2021, 17:48

პოლიტიკა

კელი დეგნანი: ფოკუსი უნდა გაკეთდეს კანდიდატებზე და არა ერთმანეთზე თავდასხმებზე, მით უმეტეს არა ძალადობასა და რაიმე სახის აგრესიულ გამოსვლებზე

„არ ვარ დარწმუნებული, რომ ოდესმე გავბედავ თქმას, რა არის ნორმალური პოლიტიკა საქართველოში. ჩემი მხრიდან არ იქნება მართებული მთავრობისთვის თქმა, რა უნდა გააკეთონ. რისი თქმაც შემიძლია არის ის, რომ ძალიან მნიშვნელოვანია არჩევნების მეორე რაუნდისთვის გარემო მშვიდი იყოს, არჩევნები ჩატარდეს ისეთ გარემოში, რომ საზოგადოებას ჰქონდეს უსაფრთხოების განცდა და გააკეთოს ინფორმირებული არჩევანი. ვფიქრობ, ფოკუსი უნდა გაკეთდეს ამ საკითხებზე, კანდიდატებზე და არა ერთმანეთზე თავდასხმებზე, მით უმეტეს არა ძალადობასა და რაიმე სახის აგრესიულ გამოსვლებზე“, - აღნიშნა ელჩმა.

17 ოქტომბერი 2021, 17:27

სამართალი

მარტვილში სავარაუდო სექსუალური შევიწროების ფაქტზე დაკავებულ „ნაცმოძრაობის“ წევრს ბრალი წარუდგინეს

დაკავებულის უფლებადამცველის ინფორმაციით, ბრალდებული თავს დამნაშავედ არ ცნობს და აცხადებს, რომ სავარაუდო შემთხვევა არის გაუგებრობა.

ნიკოლოზ ყიფშიძე

17 ოქტომბერი 2021, 17:15

სამართალი

სააკაშვილის პირადი ექიმი: ჩემი რეკომენდაციაა, რომ კონსილიუმი შედგეს უფრო ადრე, ვიდრე სამშაბათს

„ჩემი რჩევა და რეკომენდაციაა, რომ კონსილიუმი შედგეს უფრო ადრე, ვიდრე სამშაბათს. ჰოსპიტალიზაცია ამ წუთში არ არის საჭირო“, - განაცხადა ყიფშიძემ.

17 ოქტომბერი 2021, 17:11

საზოგადოება

არასრულწლოვანთა რეფერირების ცენტრის ბენეფიციარი გოგონების ნაკეთობები და ნახატები ეროვნული არქივის საგამოფენო სივრცეში გამოიფინა

არასრულწლოვანთა რეფერირების ცენტრმა გოგონათა საერთაშორისო თარიღთან დაკავშირებული ღონისძიებების კვირეული ბენეფიციარების ნამუშევრების გამოფენით დაასრულა. არასრულწლოვანთა რეფერირების ცენტრის ინფორმაცით, მათი ცენტრის ბენეფიციარი გოგონების ნაკეთობები და ნახატები ეროვნული არქივის საგამოფენო სივრცეში გამოიფინა.